Yohane Bupandulushi
Bupandulushi
Mulumbe walalembwa ne Yohane ulambanga sha Yesu kuba Maswi a Lesa atapu, uyo walaba muntu nekwisa kwikala pakati petu, mbuli libuku ncelilambanga. Uwu mulembe walalembwa kwambeti balabelengenga bashometi Yesu eMupulushi Walaiwa Mwanendi Lesa, kwambeti kupitila mukumushoma bakacane buyumi (20:31)
Pakutatikowa Maswi atapu alabonekelenga muli Yesu, cimpansha cakutanguna ca mulumbe cilambanga byeshikukankamanisha bingi bilaleshengeti Yesu e Mupulushi Walaiwa Mwanendi Lesa. Byakonkapo ni biyisho bingi bilasansululunga byeshikukankamanisha. Lubasu nalumbi lwalibuku ili lulambanga sha bantu balashoma nekumukonkela Yesu, kayi ne nabambi balamutoteka ne kukana kumushoma. Bimpansha (13-17) Bilambanga sha lwikatano lwa Yesu ne beshikwiya pa busuba bwakwikatwa, kayi ne maswi akulibambila, ne kubayuminisha pabusuba bwa kufwa kwkendi. Bimpansha byakupwililisha bilambanga sha kusunga ne komboloshewa, kupopwa, kupunduka, kayi nekubonekela kwakendi kuli beshikwiya panyuma pakupunduka.
Nkani ya mutukashi walekatwa kapombolwa 8:1-11 (Nkaniyi yalembwa mwafwekelelwa) Pakwinga mipukutu ingi yakaindi kayi nekutuntulula kwa kaindi muli nkani iyi sobwe. Nomba nabambi balaishamo.
Yohane lakonkomeshenga sha cipo ca buyumi butapu kupitila muli Klistu,ici ecipo cilipo lelo kuli bantu balatambulunga Yesu kuba Nshila, Cancinencine, ne Buyumi. Cintu cinene cilayandikinga ni kusebensesha bintu bilabonekenga, byeshibikwa kubantu mubwikalo bwabo, bwa busuba ne busuba, mbuli menshi, shinkwa, mumuni, mwembeshi ne mbelele shakendi, citondo ne bisepo, kukonkomesha pabilayandikinga pa buyumi bwabo bwkumushimu.
Mitwi ya makani
Byakwambapo bingi (1:1-18)
Yohane Mubatishi ne beshikwiya batanshi ba Yesu 1:19-51
Mulumbe wapantangalala wa Yesu 2:1 mpaka 12:50
Masuba akupwililisha a Yelusalemu 13:1 mpaka 19:42
Kupunduka ne kubonekela 20:1-31
Kulayana kayi ne kubonekela mu Galileya 21:1-25
Soli New Testament © The Word For The World International, 2018.