Piancilna 9
9
Noah tawh Pasian’ Thukhun
1Tua ciangin Pasian in Noah le a tapate thupha pia in amaute tungah, "Cipha-in pung unla tampi pha-in leitung dim un. 2 Leitung ganhing khempeuh, huihlak vasa khempeuh leitunga a bokvak ganhing peuhmah le tuipi ngasa khempeuh in note hong kihta in hong zahtak ding uh hi; note khut sungah tuate hong kipia hi. 3 A nungta a gamtang na khempeuh na an ding uh ahi hi. Kung hingte note kong piak bang tektek in tu-in na khempeuh note kong pia hi.#Pc 1:22,29
4 "Ahi hangin a nuntakna sisan, a sunga om laisiah a sa na ne peuhmah kei ding uh hi. 5 Note nuntakna sisan tangin sisan mah ka kal teitei dinga, ganhingte khatpeuh tungah zong ka kal ding hi. Mikim tungah zong a mihing nuntakna mah ka kal ding hi.#Pc 4:10
6 "Mihing sisan suah peuhmah,
mi mah in amah sisan suah ding hi.#Pk 21:12,14;Mt 26:52
Ahang in, Pasian lim sunin
Pasian in mi a bawlsa ahi hi.#Pc 1:26
7 Note na hi uh leh cipha unla pungin tampi pha un; leitungah kibehlapin pung un," ci hi.
8 Tua ciangin Pasian in Noah le amah tawh a omkhawm a tapate tungah, 9 "Tu-in note le note nunga na suan-le-khakte uh, 10 le note tawh a omkhawm a nungta ganhing khempeuh - vasate, innsate le gamsate khempeuh gunkuangpi sung pana note tawh a paikhia - leitunga nuntakna a nei peuhmah, tawh ka thukhun ka bawl hi. 11 Note tawh thukhun ka bawl hi: Nuntakna nei khempeuh tuiciin tunna tawh ki beisak kik nawn lo ding hi; leitung susia dingin tuiciin a tung kik nawn kei ding hi," a ci hi.#Pc 6:18;8:21
12 Tua ciangin Pasian in, "Hih in no le note tawh a om a nungta ganhingte khempeuh kikalah mailama khangte khempeuh adingin thukhun ka bawlna lim ahi hi: 13 Ka sakhituihup meii lakah ka kaisak hi. Tua pen kei le leitung thuciamna lim hi ding hi. 14 Leitungah meii ka kaisak a meii lakah sakhituihup a kilat peuhpeuh ciangin 15 note le a nungta ganhing namte khempeuh le kei kikal-a ka thukhun ka phawk ding hi. Nuntakna khempeuh a susia dingin leitungah tuiciin a tung kik nawn kei ding hi. 16 Meii lakah sakhituihup a kilat simin ka mu dinga Pasian le leitunga om a nungta ganhing nam khempeuh kikalah a kip tawntung thukhun ka phawk ding hi," ci hi.
17 Pasian in Noah kiangah, "Hih in kei le leitunga nungta khempeuh kikala thukhun lim ahi hi," ci hi.#tg 12; Pc 17:11
Noah Tapate
18 Gunkuangpi sung pan a paikhia Noah’ tapate Shem, Ham le Japheth ahi hi. (Ham pen Canaan’ pa ahi hi.) 19 Hihte Noah tapa thumte hi a, amaute panin leitung khempeuha kizel mite a piang ahi hi.#Pc 10:32
20 Lokhomipa Noah in lenggui huan khat bawl a#9.20 Ahikeh a masa lei hoih hi. 21 Tua pana piang lenggahzu a dawn ciangin khama, a buk sungah puansilh loin a lum hi. 22 Canaan’ pa Ham in a pa guaktang-a om mu-a a pua-a om a sanggam nihte kiangah ko hi. 23 Ahi hangin Shem le Japheth in puan khat la in a liangko uah bang uh a, nung-le-pai in a pa uh guaktanga om a khuh uh hi. A pa uh guaktangna a muh loh nadingun a lehngat uh hi.#Hab 2:15
24 Noah a lenggahzu kham na pan a tei ciangin a tapa tum pen in ama tunga a bawlna a theih ciangin 25 amah in,
"Canaan in hamsiatna thuak ta hen!#tg 18
A sanggamte adingin
sila niam pen hi ta hen," ci hi.
26 Amah in,
TOPA, Shem’ Pasian in thupha ngah ta hen!
Shem’ sila in Canaan omsak ta hen. b#9.26 Ahikeh amah sila hi hen.#1Ku 9:21
27 Pasian in Japheth c#9.27 Japheth pen Hebrew ah kizan cih tawh a aw kibang hi. gam khangsak hen;#Pc 10:2-5
Shem’ bukte sungah Japheth tengsak henla,#Eph 2:13-14
ama d#9.27 Ahikeh amau sila-in Canaan omsak hen," zong ci hi.
28 Tuiciin tun nung, Noah kum 350 nungta lai hi. 29 Noah a nuntak sung khempeuh kum 950 hi a, tua khit ciangin a si hi.#Pc 2:17
Copyright 1994 Myanmar Center for World Mission