Piancilna 13
13
Abram le Lot Kikhen
1Tua ciangin Egypt panin Abram, a neihsa khempeuh le a zi tawh Negev ah paito a, Lot in amah zui hi. 2 Abram in ganhing le ngun le kham hau mahmah hi.
3 Negev panin amah Bethel a tun dong mun khat pan mun khat ah a pai kawikawi hi; a tunna mun pen 4 hun masa lai-a Bethel le Ai kikal-a puanbuk lama biaknatau a dawh nasa mun ahi hi. Tua munah Abram in TOPA min a lo hi.#Pc 12:7-8
5 Tu-in Abram tawh a ton kawikawi Lot in zong tuuhon le ganhon le puanbukte nei hi. 6 Ahi zongin amaute a ten khawm uh ciangin leitang in amaute a vak zo nawn kei hi. Ahang in, amau neihsate tam lua mahmah a, a teng khawm thei kei uh hi. 7 Tua hi a Abram gan cingte le Lot gan cingte kitawng uh hi. Tua hun lai-in Canaan mite le Periz mite zong tua gamah a teng uh hi.#Pc 26:20-21; 36:7;12:6
8 Tua ciangin Abram in Lot kiangah, "Eite unau khat i hi ciangin nang le kei kikal ahi a, nang gancingte le kei gancingte kikal ahi zongin kitotna i omsak nawn kei ding hi. 9 Na mai-ah gambuppi om hi lo ahi hiam? Kipawl khen ni. Nang veilamah na pai leh kei taklamah ka pai ding hi. Nang taklamah na pai leh kei veilamah ka pai ding hi," ci hi.
10 Lot khuadakto a, Jordan zanglei buppi in limtakin tui ngah a, TOPA’ huan tawh kibangin Zoar lam-a Egypt leitang tawh a kibatna mu hi. (Hih pen TOPA in Sodom le Gomorrah a suksiat ma ahi hi.) 11 Tua ahi ciangin Lot in ama adingin Jordan zanglei bup tel a, nisuahna lamah kisuankhia hi. Tua mi nihte kipawlkhen uh hi: 12 Zanglei khuapite lakah Lot tengin Sodom gei ciangah a puanbuk a lam laitakin, Canaan gamah Abram teng hi. 13 Tu-in Sodom-a mite gilo a, TOPA langah mawhna lianpite bawlbawl uh hi.
14 Ama kiang pan Lot a paikhiat nungin TOPA in Abram kiangah, "Na omna panin khuadak to inla leilu-lam, leitaw-lam le nisuahna le nitumna lam en in. 15 Na muhna gam khempeuh nang le na suante b#13.15 Ahikeh ci tg. 16 ah zong. aa ahi den dingin kong pia ding hi. 16 Na suante leivui ka bangsak dinga, mi khatpeuh in leivui a sim theih leh na suan-le-khakte zong kisim thei ding hi. 17 Nang hong pia ding ka hi manin pai-in leitang adung a vai-in siksuak in," ci hi.#Pc 12:7
18 Tua ciangin Abram in a puanbuk suankhia a, Hebron-a Mamre singkungpite kiangah teng hi. Tua lai-a TOPA tungah biakna-tau khat a dawh hi.#Pc 8:20; 14:13,24
Copyright 1994 Myanmar Center for World Mission
