Awˬ hkuiˉ puiˍ ve li‸ 32 - 인기 성경 구절

공유

Oˇ htaˇ chaw oˇ ve kʼaw‸ kʼoˆ ve, Ya‸ nyi hkʼaw‸ nawˉ nawˬ hta‸ Yaˍkoˆ teh‸ maˇ gʼa kʼaw‸ kuˬ. Nawˬ hta‸ Iˉsaˍreˍlaˆ teh‸ gʼa kʼaw‸ kʼoˆ tuˬ yoˬ. Awˬ lawn kʼo, nawˬ lehˬ Gʼuiˬsha hta‸ ka‸ chaw yaˇ hta‸ ka‸ behˇ da‸ leh gʼaˇ peuˬ, teh‸ kʼoˆ piˇ ve yoˬ.

Oˇ htaˇ chaw oˇ ve lehˬ, Ngaˬ hta‸ hpehˇ laˇ-oˆ. Mvuhˇ htiˇ la peuˬ, teh‸ kʼoˆ ve yoˬ. Yaˍkoˆ kʼaw‸ kʼoˆ ve, Nawˬ ngaˬ hta‸ awˬ bon maˇ na‸ laˇ ve ceh ceh ngaˬ nawˬ hta‸ maˇ hpehˇ, teh‸ kʼoˆ piˇ ve yoˬ.

Oˇ htaˇ, chaw teˇ gʼaˇ laˬ leh mvuhˇ htiˇ la htaˇ hkʼa gaˬ yawˇ chaw oˇ ve hta‸ behˇ da‸ chehˇ ve yoˬ.

Hkʼe te leh, Yaˍkoˆ lehˬ chehˇ kuiˬ oˇ ve hta‸ Peˍniˍlaˆhi teh‸ meh piˇ ve yoˬ. Awˬ lawn kʼo yawˇ kʼoˆ ve, Ngaˬ lehˬ Gʼuiˬsha hta‸ mehˆ hpfuhˇ tawˍ da‸ leh gʼa mawˬ peuˬ. Chi beu‸ hkʼa gaˬ ngaˬ te‸ chehˇ sheˬ, teh‸ kʼoˆ ve yoˬ.

Chaw oˇ ve lehˬ, Yaˍkoˆ hta‸ behˇ maˇ gʼaˇ taˬ ve hta‸ gʼa shiˍ ve teˇ yanˇ, Yaˍkoˆ ve pfuhˬ tehˉ kʼu hta‸ dawˆ piˇ leh, Yaˍkoˆ ve pfuhˍ tcuhˉ jiˆ sheˬ ve yoˬ.

Oˇ htaˇ yawˇ lehˬ, Nawˬ aˬ hto‸ ma meh ve le, teh‸ Yaˍkoˆ hta‸ na nyi ve yoˬ. Ngaˬ Yaˍkoˆ meh ve yoˬ, teh‸ yawˇ kʼaw‸ yaw hkʼaw‸ piˇ ve yoˬ.

Yaˍkoˆ lehˬ chaw oˇ ve hta‸, Nawˬ ve awˬ meh ngaˬ hta‸ a ciˉ hto laˇ-oˆ, teh‸ kʼoˆ piˇ ve yoˬ. Chaw oˇ ve lehˬ, Aˬ hto‸ ma pa taw nawˬ ngaˬ ve awˬ meh hta‸ na ve le, teh‸ kʼaw‸ kʼoˆ piˇ leh yawˇ hta‸ awˬ bon na‸ piˇ ve yoˬ.

Ngaˬ lehˬ nawˬ te laˇ ve awˬ bon hta‸ ha‸ yuˬ maˇ keunˍ ve chaw hpeh‸ ve yoˬ. Yawˇdanˍ gʼuiˬ hta‸ ngaˬ hkanˍ tawˆ la htaˇ, ngaˬ ve la‸ sheh hkʼaw te‸ chiˉ maˇ cawˬ. Juˇ fuiˍ teˇ maˬ ceh cawˬ ve yoˬ. Chi beu‸ lehˬ, ngaˬ geh chaw nyiˇ moˍ chehˇ taˍ ve yoˬ.

Yaˍkoˆ ve pfuhˍ tehˉ kʼu hta‸ oˇ hkʼe te dawˆ heuˆ ve pa taw, Iˉsaˍreˍlaˆ chaw teˇ hpaˍ ya‸ nyi hkʼa gaˬ pfuhˍ tehˉ kʼu shaˍ hta‸ maˇ caˇ.

Oˇ htaˇ Yaˍkoˆ bon lawˬ leh kʼoˆ ve, Ngaˬ puˍ Aˍbraˍhanˍ leh ngaˬ pa Iˉcaˆ ve Gʼuiˬsha-oˬ, ngaˬ ve bon lawˬ hkawˇ hta‸ na laˇ sheˬ. Nawˬ ngaˬ hta‸ ngaˬ ve chaw ceuˬ leh ngaˬ ve mvuhˇmiˬ lo kʼo‸-e tcuh laˇ leh, ngaˬ hta‸ ha‸ shaˉ laˇ tuˬ ka ti‸ te laˇ taˍ peuˬ ve yoˬ.

Ngaˬ viˉ paˍ Iˉsawˇ ve la‸ sheh hkʼaw ngaˬ hta‸ a ciˉ ponˬ laˇ-oˆ. Awˬ lawn kʼo, yawˇ laˬ leh ngaˬ hta‸ maˇ kʼoˆ, ngaˬ ve miˇ yaˇ hkʼa peu-eˬ ve hta‸ maˇ kʼoˆ, tiˇ pehˍ laˇ ve hta‸ ngaˬ kawˆ jaˇ ve yoˬ.