MARKUS 14 - 인기 성경 구절

공유

“Dot! Deritipit akotnak! Wore fiak pak takes aemommarem. Akot aportem, Dere bajirisem bas. Me, ara akot apormin pak jipu baem bas. Era akot apormarem pak jipu taka aemey.” Emes atakam aesimen.

Tare banamek ataiaporaaray. Atakamam Allah ajanimaaray. Bii Kapar Ipit tare dosa baem batatapimtaapor-ombar. Tare Allah atakam ji bae, jak aseseromepmakam. Me, tare damo kumiti.” Emes atakam aesimen.

Atakamnak, owe Allah Akot Atakam, samaniin samaniin atirminomemtas, owe ara taot aemtamman pak takes atakam jane ajitemas.

Are atakam era owe bamintep aokoromen. “Dere jak pota taka ememmin, Dere dambir batem setep baemtamen awar. Tare ere, ara asan aemapay, wanam banamek fiaka.” Emes atakam aesimen.

Emesare. Era owe amos andes, Yesus wan amos ataeren. Are terima kasih atakam Allah akoromen. Terima kasih atakam Allah akoromerawa, Are era amos akookome, wanam abajamkai owe sai asaietamen. “Ara amos bataeray wanam banday. Are dedamo dasa.” Emes atakam aesimen.

Armat Ipit arawa, mbok anggur bwi aptam ataeren. Are terima kasih atakam Allah akoromen. Wanam Are era mbok bwi era owe sai asaietamen. Era aemapes owe takes era bwi andateteresen. Armat Ipitam atakam era owe akoromen. “Ara bwi deesee. Deesee, owe tanane bajortaer, ajirindaetem. Deesee, Allah ataaji aee, atakamnak aporomtamum.

Yesus atakam era owe akoromen. “Allah, Alkitab bomon, atakam akore. ‘Dere era domba banamek batai ipit atatiitemin. Era dombarawa apatakuostemas.’ Emes atakam aesime. Emesare, tare Dera bajamkai ambompimtemankum. Ere Alkitab atakam jipu.

Tare bawasitay! Baesosamo! Baporay! Dera aotasimemomtan ipit andaemare.” Emes atakam aesimen.

Yesus arawa, “Atakamnak, waa eam, wore atakam bare bamintep bonak akorestemarem, ‘Dere Yesus demsam apok,’ emes atakam akorestemarem. Ajomo ipit arawa, bare jamnuk atakam asep akorestem.” Emes atakam aesimen.