Ohuchaaka 17 - 인기 성경 구절

공유

Abburamu niyoosa emyaaka amahumi kataanu-na-kane neende kitaanu-na-kine eky'obuhuluundu, Omwaami yamubonehera yamuboolera ati, “Niise Nasaae w'Obunyala. Mbulire mani obe omuluungifu.

Bulaanu, soochia hulaangangwa Abburamu, nae ochia ohulaangwa Abburahamu. Olwohuba huholere ohuba laatang'ene enjia nyiingi.

Njia ohutaao endagaano akatikaati waange naawe, neende abeechuhulu bao neende enjibulo chaabwe choosi. Njia ohuba Nasaae wao haandi Nasaae w'abeechuhulu bao boosi. Olwohuba endagaano yino, y'emyaaka kyoosi.

“Bona, mbao hola endagaano naawe, ochia ohuba laatang'ene enjia nyiingi muno.

Nae Nasaae yaboola ati, “Haba daawe, omuhasi wao Saara achia sa ohuhwiibulira omwaana musyaani mani omukulihe Yisaka. Njia ohuhola endagaano yaange yitaakama akatikaati waange nae haandi akatikaati waange neende abeechuhulu bae.

Njia ohuhuberesa, ewe neende abeechuhulu bao boosi eloba lya Kanani lyoosi libe elyeeng'we lyeene emyaaka kyoosi haandi njia ohuba Nasaae waabwe.”

Abburahamu mani yeenama aasi, obweeni bwegeeng'a hu buloba, nae yachaaka ohucheheerera n'abaasa ati, “Omuundu anyala ohunyoola omwaana naali neende emyaaka emia ndala (100)? Nae Saara anyala ohunyoola amabaanga hu myaaka kyae amahumi kataanu-na-kane.”

Nasaae haandi yaboolera Abburahamu ati, “Nae omuhasi wao Sarai haba soochia ohumulaangaanga oti Sarai, nae achia ohulaangwa Saara.

Muchia ohuhebwaanga mani sino sibe esilolero sy'endagaano akatikaati waange naang'we.

Haandi njia ohutaao endagaano yaange neende Yisaka, yi Saara achia ohuhwiibulira ebiha koti bino omwaaka kwiicha.”

Ohutula buti ohwemeeda mu moni, buli mwaana musyaani w'ohuhebwaanga n'amalire endaalo chitaanu-na-chidatu. Kata ayahaba naali omwaana w'omuwaambe otaali ow'oluya lwao. Abaana boosi abeebulanwa bao, neende abawaambe bachia ohuhebwaanga. Mani endagaano yaange yitaakama yibe hu mibiri kyeeng'we.