Cɑ̈gø 17 - 인기 성경 구절

공유

Keny-ɑ ɑ́göög runni Abrɑm ki pyɑ̈r ɑ́bïngwen wïdɑ́bïngwen, kɑ Jwøng-ɑ Ácwɑ̈ɑ̈j ocwöbø kì bøle, ɑkööbe kinni, “Bene yɑn Jwøk Áyïmø. Lïngí kwøbbɑ, kɑ yï gøggí dyër.

Nyingí kinni Abrɑm ceg yi yɑn kɑ wilø ɑ́ Abrɑhɑm, mɑ́ yï gwøgɑ’ gwøgø yïn ɑ́ wïyi jurrì mø gïïr.

“De kwøbbee ceg kɑ rebø yi wɑ; yïn wuki kwɑrrí kì tuung, kí yɑn kì tung-ɑ kyeelø, cɑg ɑnɑn ceth gïti ɑtheer, Yɑ óbëëdø yɑn ɑ́ Jwøgí, o Yɑ óbëëdø yɑn ɑ́ Jwøøg kwɑrrí.

“Møgɑ ɑ köbbɑ yïn dicyɑ̈ɑ̈ng èn, pɑ wil yi yɑn, yï ógwøg yi yɑn yïn ɑ́ wïyi jurrì mø gïïr.

Alöggi Jwøng-ɑ Ácwɑ̈ɑ̈j kinni, “Bɑ Sɑrɑ̀ cyëgí, ɑ ónyöddi yïn ki wɑ̈d, kɑ nyinge ócɑɑg ɑ́ Isɑɑk. O kwøbbi wøn óthuunh wøn ki en geki kwɑrre kì bɑnge gïti ɑtheer.

Wu bëëd ɑ piny Kɑnɑɑn ɑnɑn, wu nɑ wëdhh, de piny men bëne mëggɑ’ yïn, wuki kwɑrrí gïti ɑtheer. O yɑ ógöögø yɑn ɑ́ Jwøøg kwɑrrí.”

Kɑ Abrɑhɑm ree bøødhe wïje kuule’ piny. Kɑ óngedhø, ɑkööbe ki pyëwe kinni, “Jɑlø ócuggø nywølø ki nyir, e runne bɑ miyø? Wɑlɑ̀ Sɑrɑ̀ ócuggø yïddø ki dhɑnhø, e runne bɑ pyɑ̈r ɑ́bïngwen?”

Abrɑhɑm ɑ́köbbi yi Jwøk kinni, “Nyingi cyëgí ko cwøl ɑ́ Sɑrɑy këti, cɑg ɑnɑn, nyinge ócwøl ɑ́ Sɑrɑ̀.

Ngøl wun ceth, ɑ́ nyuudhi kinni wu ɑ́yïëy ki cyɑ̈dhø kì kömi kwøbb-ɑ ɑ́nywɑg yi wɑ.

De kwëng møg-ɑ ɑ́köbbɑ yïn ying-ɑ kömi Isɑɑk, nyel-ɑ ónywøl yi Sɑrɑ̀ piny nɑ men run-ɑ óbï.”

Cɑg ɑnɑn ceth, keløg nyel-ɑ jɑlø pɑ̈dh-ɑ piny, ngøl ceth kì bïdɑ̈ɑ̈g cyɑ̈ng. Ji møg-ɑ nywøl kì gølí, kí bɑ̈ngg-ɑ ngew gɑ tyëngpɑth, ngøl gen. Ngøl gen bënn, gen ɑ møg-ɑ nywøl kì gølí ki møg-ɑ ngew. Keny-ɑ óbëëde kinøw møg-ɑ ɑ́nywɑg yi wɑ ónënni ɑ́ ngïji kì dëlli wun; ngïji me pɑ lɑ̈ɑ̈ny gïti ɑtheer.