Debtere ba'ad waa ba'ad voo nɔ 2 - 인기 성경 구절

공유

Piɛ́r hí̧i̧d vu̵: “I gbɔ mbaalı̵́ see víí vu̵ ú̵! Kóó nɔ́nná a woo mam Tayɨɨ woo kan yɛ́g Yesu Krístu woo, moo Tayɨɨ a kéé hȩn ɓı̵́d woo gbɔ ú̵. Tée víń nuŋ hȩn pú̵lı̵́ Tayɨɨ woo, wu̵ yigid woo nɔ.

Nán sú̵ggı̵́ vu̵ baa ki moo tú"í waa ba'ad voo, vu̵ fȩȩ 'yɛ́ zó̧ó̧lȩ́ á̧ḿ, vu̵ baa yȩ'ȩn hȩn voo vu̵, vu̵ baa lá hȩn Tayɨɨ, vu̵ baa o̧d Tayɨɨ moo á̧ḿ.

Ma yigid Tayɨɨ woo dɔ́ hi̧' voolı̵́ 'waapád, vu̵ bé' ya̧g tóó vu̵ moolȩ́ kɔ́ ı̵́ yigid Tayɨɨ woo ka tú'ud vu̵ u̵u̵ moo o̧ máa wɔgɔ.

ma hȩn tóó nam zu̵u̵ be"ı̵́ kɔ́ ı̵́ sápéém gbo̧o̧ tóó wɔgɔ, ya hi̧' lig vu̵n mbaa wu̵lı̵́ peelı̵́. Vu̵ ho̧ hȩn tóó vúd maa vu̵ wu̵lı̵́ kɔ́ ı̵́ vee nɔ́ɔ́ wɔgɔ. Aga vu̵ pə́gə́n zu̵u̵, vu̵ há'ay daa yúú nán yȩ voolı̵́ dágá dágá. Ma yigid Tayɨɨ woo dɔ́ hi̧' voolı̵́ 'waapád, vu̵ bé' ya̧g tóó vu̵ moolȩ́ kɔ́ ı̵́ yigid Tayɨɨ woo ka tú'ud vu̵ u̵u̵ moo o̧ máa wɔgɔ.

Zá̧ga̧ 'waapád vu̵ baa sú̵g mbaa na'am gbo̧o̧ lig hȩn ha"ı̵́lı̵́, vu̵ baa sú̵g lá hȩn kíi voo vu̵lı̵́, vu̵ lá hȩn kan zó̧ó̧ dȩ"ȩ́, vu̵ mbaan kan zó̧ó̧ to̧o̧. Vu̵ na' Tayɨɨ. Nán 'waapád hí̧í̧ vu̵. Ɨ́ 'yɛ́lı̵́ Yesu baa ha'ad vu̵ nán ı̵́ ka səd vu̵ máa zá̧ga̧ 'waapád.

Tayɨɨ o̧: ‘Sey hág 'wáané a kéé waaná' tée, míń pú̵ nán vu̵ 'waapád yigid míí ú̧. Wayée waa kan wakȩ́ȩ́ waa víí vú̵ń o̧d nán vu̵ moo Tayɨɨ. Náásaa waa víí vú̵ń ho̧ hȩn ho̧lȩ́ vu̵. Ɨ́ gbo̧o̧naa víí vú̵ń gaa moo yȩ́ń Tayɨɨ woo yúú nəəgı̵́.

Nán sú̵ggı̵́ vu̵ 'waapád vu̵ sú̵g mbaan du̵u̵lı̵́ na'a, vu̵ 'yɛ́ hȩn voo vu̵ zo'ná. Vu̵ baa gí hȩn dáń voo vu̵, vu̵ ɓɛ sɨɨde ku̵u̵ nuŋ wu̵lı̵́ yȩ, vu̵ yȩ' nán ı̵́ ku̵u̵ maa hȩn pú̵lı̵́ máa vu̵.

Tée nán ı̵́ ku̵u̵ duu ı̵́ 'yɛ́lı̵́ máa vú̵ń sə́d 'waapád.’

Zá̧ga̧ wú̵ń tún ní, sȩȩ wú̵ń tii yȩ́ȩ́ná kɔ́ ı̵́ mɛm wɔgɔ pȩ́ń, zá̧ga̧ gbo̧o̧ ı̵́ 'yɛ́lı̵́ woo wú̵ń yaa kan na"ȩ́ woo.