Juan 10 - 인기 성경 구절

공유

Ca cachaxaic da anac, qalaq chaqdata da huo'o ca decachiÿa qataq da huo'o ca ÿalauat qataq da huo'o ca nlaxajñi. Aÿim, qalaxayi ñanac, da yaqto' huo'o da lca'alaxa anamayipi, qataq da chochaq huañi de'eda lca'alaxa.

Aÿim mayi nachaÿim no'on qagueta l'o. Ca no'on qagueta l'o, camayi ÿaalec da nachaalataxac ana qaguetapi.

Cha'ayi anam qagueta mayi selotague', anamayi ÿauatton da ivilÿaxac, qataq aÿim sauatton anamayipi, qaq anamayi aÿim ca'attague'.

Qaq aÿim sanem da lca'alaxa mayi chochaq tateec anamayipi. Huaña, nachi sa ishit da ileu, qataq sa ishit da huo'o ca ishit da nqateeguesop da iuaqÿaxac anamayipi.

Qaq aÿim mayi nachaÿim lasom. Qaq ca aÿim tateu'a, nachi camayi nca'aleec. Nachi camayi 'eeta'am aca qagueta da pa'auo qataq da npa'aueguesop aca laÿi', nachi ÿanata ca 'auaqpi.

Aÿim mayi nachaÿim no'on qagueta l'o. Qaq de'eda 'eetec da ñi ita'a aÿim ÿauattoota, qataq da aÿim sauatton ñimayi, qaq nachida da 'eetec da aÿim sauattoota ana ilo qaguetapi, qaq anamayipi nataq'en ÿataqta aÿim ÿauattoota. Qaq aÿim san da ñachaalataxac souaxat anamayipi.

Qaq anamayipi aÿim ÿanem ñi ita'a ñi napacalec 'enauacna, qataq sa ishit da huo'o ca nqateeguesop da lhuaqÿaxac ñimayi anamayipi. Aÿim qataq ñi ita'a qomi' 'oonolec da qadataxac.

Aÿim mayi nachaÿim no'on qagueta l'o. Qaq de'eda 'eetec da ñi ita'a aÿim ÿauattoota, qataq da aÿim sauatton ñimayi, qaq nachida da 'eetec da aÿim sauattoota ana ilo qaguetapi, qaq anamayipi nataq'en ÿataqta aÿim ÿauattoota. Qaq aÿim san da ñachaalataxac souaxat anamayipi.

Qaica ca ishit da deuotaxanec de'eda ñachaalataxac, qalaxayi maichi aÿim chigoqchigui da san damayi. Qaq aÿim huo'o da shinec da san damayi, qataq da ñi'iguelaxajla't. Qaq 'eda dam aÿim ÿamaxalec ñi ita'a.

Nachi so Jesús qaltaq ÿi'iguelaxalec da da'aqtaxan, 'eeta': –Ÿataqta 'eesa de'eda qami' sa'axatema, 'eeta': Aÿim mayi nachaÿim lasom mayi aÿim lligueuo ana qagueta.

Qaq cam chochi do'onataxaatapeguelec aca lashiue, camayi da huo'otaq ila'aguet cam dequi'iÿapec, nachi camayi n'onaxatchigui aca qaguetapi da datauec, cha'ayi camayi sa ishit da ÿoqta l'o ana qagueta, qataq sa ishit da ÿoqta lalamaqtepi anamayi. Nachi cam dequi'iÿapec ishit da ÿaconeu'a ana qaguetapi qataq ilagaxatapec.

Qaq ÿoqta 'eesa de'eda qami' sa'axatema, da ca sa ishit da tateu'a ca lasom aca laÿi' ana qaguetapi da huo'otaq inoxoneuo, chaqdata da tateu'a na laÿi, qachi camayi cachaxaic qataq huotaxanaxaic.