यूहन्ना 14

चेलनके येशूको हौसला

1येशू चेलनसे कही, “तुम दुख मत् मानओ। तुम अपन भरोसा परमेश्वरमे करओ और मोएमे फिर करओ। 2मिर दौवा परमेश्वरके घरमे बैठन बारे बहुत ठिहा हएं और मए तुमर ताहीं ठिहा तयार करन डटो हओं। अगर उइसो नाए हुइतो कहेसे मोके तुमर ताहीं जा बात कहानए नाए पणतो। 3तुमर ताहीं ठाउँ तयार करके मए घुमके आमंगो और तुमके मेरे सँग रहानके ताहीं अपने ठिन लैजामंगो, ताकी जहाँ मए रहामओं हुवाँ तुम फिर रहाबओ। 4जहाँ मए जात हओं, तुम बो ठाउँमे जान बारो डगर जन्त हओ।”

येशू इकल्लो एक डगर

5थोमा येशूसे कही, “हे प्रभु, तुम कहाँ जात हओ, बो हमके पता नाए हए कहेसे तुम जान बारो ठाउँकी डगर हम कैसे पता पएहएं?” 6येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए। 7तुम मोके सच्चो रुपसे चिन्ते कहेसे मिर दौवाके चिनजैते। अबसे तुम मिर दौवाके चिन्हैगे काहेकी तुम परमेश्वरके देखडारे हओ।”

8फिलिप येशूसे कही, “हे प्रभु, हमके दौवाके दिखाए देओ, जहेमे हम संतुष्ट हुइ जामंगे।” 9येशू बिनसे कही, “फिलिप! इत्तो दिनतक मए तुमर सँग रहो, तहुँफिर तुम मोके नाए चिनपाए? जौन मोके देखो हए, बो मिर दौवाके फिर देखडारी हए। मोके देखके फिर, तए मोसे काहे दौवाके दिखाएदे कहात हए?” 10का तुम बिश्वास नाए करत हओ, कि मए दौवामे हओं और दौवा मोएमे हए? मए तुमसे जे बात अपनएसे नाए कहो हओं पर दौवा मोएमे रहिके बहे करत हए, जो दौवा चाँहत हए। 11मोके बिश्वास करओ, कि मए दौवामे हओं, और दौवा मोएमे। नत, जो शक्तिशाली चमत्कार मए करो हओं बहीं काम देखके बिश्वास करओ।

येशूके नाउँसे प्राथना

12नेहात्तओ मए तुमसे कहात हओं, मोएमे बिश्वास करन बारे मए करोजैसो काम करैगो, और बोसे फिर बडो-बडो शक्तिशाली चमत्कार करैगो काहेकी मए दौवा ठिन जाएरहो हओं। 13तुम मेरे नाउँमे जो माँगैगे, बहे मए देमंगो काहेकी लौंणाके द्वारा दौवाकी महिमा होए। 14अगर तुम मेरे नाउँमे जो कुछ फिर माँगैगे कहेसे मए बो देमंगो।

पबित्र आत्माको प्रतिज्ञा

15अगर तुम मोके प्रेम करत हओ कहेसे, जो आज्ञा मए तुमके दओ हओं बोके फिर पालन करओ। 16मए दौवासे प्राथना करंगो, और परमेश्वर तुमर ताहीं एकजनै सल्लाहकार पठाए देबैगो, और बा सदा दिन तुमर सँग रहाबैगो। 17बा बो आत्मा हए जो परमेश्वरके बारेमे सच्चाईके प्रकट करत हए। पर संसार बाके नाए पाबैगो काहेकी संसार बाके नए देखत हए नए चिन्त हए। पर तुम बाके चिन्त हओ काहेकी बा तुमरी सँग रहात हए और बा तुमरी भितर बास करैगो।

18“मए तुमके अनाथ नाए छुणेहओं। मए तुमर ठिन घुमके आमंगो। 19जल्दीयए संसार मोके फिरसे नाए देखपएहए, पर तुम मोके देखैगे काहेकी मए फिरसे जिन्दा हुइ जामंगो। और जहेमारे तुम फिर जिन्दा रहाबैगे। 20जब मए मारके जिन्दा हुइके लौटके आमंगो तओ तुम जान लेबैगे, कि मए मिर दौवामे हओं और तुम मोएमे और मए तुमरमे हओं। 21जौन मिर आज्ञाके जान्त हए और बोके पालन करत हए कहेसे बो मोके प्रेम करत हए, और जो मोसे प्रेम करैगो बोके मिर दौवा फिर प्रेम करैगो, और मए फिर बोके प्रेम करंगो, और मए अपनए बोमे दिखाइ पणंगो।”

22यहूदा इस्करियोत नाए, बल्कि औरो यहूदा कहान बारो चेला येशूसे कही, “हे प्रभु, काहे तुम हमर ठिन इकल्लो अपनएके प्रकट करैगे, और संसारके आदमीके ठिन काहे प्रकट नाए होबैगे?”

23येशू बाके जबाफ दइके कही, “जौन मोके अपनए कता प्रेम करैगो, बो मिर बचनको शिक्षाके पालन करैगो कहेसे मिर दौवा बाके प्रेम करैगो, और हम बोके ठिन आमंगो, और बोके सँग रहामंगे। 24जो मोके प्रेम नाए करत हए, बो मिर बचनके आज्ञापालन नाए करत हए और जो बचन तुम सुनत हओ बे मए अपनएसे नाए कहो हओं पर मोके पठान बारो दौवासे आओ हए।”

25“तुमरी सँग रहात पेती मए तुमसे जे बात कहो हओं। 26पर सल्लाहकार, अर्थात् पबित्र आत्मा, जौनके दौवा मेरे ठिहाके लेनके ताहीं पठाबैगो, पबित्र आत्मा तुमके सब बात सिखाबैगो, और जो कुछ मए तुमसे कहो हओं, पबित्र आत्मा तुमके सब बातको याद करबाबैगो।”

येशूको शान्तिको उपहार

27“मए तुमके शान्ति देत हओं जौन शान्ति मोएमे हए। जा बो शान्ति नाए हए जो संसार देतहए, तुम दुखी मतहोबओ और मतडराओ। 28‘मए हियाँसे जानडटो हओं और फिरसे तुमर ठिन घुमके आमंगो’ कहिके मए कहो बात त तुम सुनिलए हओ। तुम मोके सच्चो रुपसे प्रेम करेहुइते त मए दौवा ठिन जात पेती तुम खुसी हुइते काहेकी मोसे त दौवा महान हए। 29और मए जे सब बात होनसे पहिली तुमसे कहीदओ हओं और जे बात पुरा होत पेती तुम मोएमे बिश्वास करैगे। 30मेरे ठिन तुमसे बात करनके ताहीं जद्धा समय नाए हए, काहेकी संसारको सासक शैतानको शक्ति आनडटो हए। और बोको शक्ति मोके कुछु नाए कर्पएहए। 31मए उइसीयए करत हओं, जैसे दौवा मोके आज्ञा देत हए। ताकी संसारके आदमीनके पता चलए, कि मए दौवासे प्रेम करत हओं। उठओ, अब हम जा ठिहासे जामएं।”

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

यूहन्ना 14: THRNT

Highlight

ಶೇರ್

ಕಾಪಿ