Popular Bible Verses from यूहन्ना 14

ಶೇರ್

“मए तुमके शान्ति देत हओं जौन शान्ति मोएमे हए। जा बो शान्ति नाए हए जो संसार देतहए, तुम दुखी मतहोबओ और मतडराओ।

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

येशू चेलनसे कही, “तुम दुख मत् मानओ। तुम अपन भरोसा परमेश्वरमे करओ और मोएमे फिर करओ।

पर सल्लाहकार, अर्थात् पबित्र आत्मा, जौनके दौवा मेरे ठिहाके लेनके ताहीं पठाबैगो, पबित्र आत्मा तुमके सब बात सिखाबैगो, और जो कुछ मए तुमसे कहो हओं, पबित्र आत्मा तुमके सब बातको याद करबाबैगो।”

जौन मिर आज्ञाके जान्त हए और बोके पालन करत हए कहेसे बो मोके प्रेम करत हए, और जो मोसे प्रेम करैगो बोके मिर दौवा फिर प्रेम करैगो, और मए फिर बोके प्रेम करंगो, और मए अपनए बोमे दिखाइ पणंगो।”

मए दौवासे प्राथना करंगो, और परमेश्वर तुमर ताहीं एकजनै सल्लाहकार पठाए देबैगो, और बा सदा दिन तुमर सँग रहाबैगो। बा बो आत्मा हए जो परमेश्वरके बारेमे सच्चाईके प्रकट करत हए। पर संसार बाके नाए पाबैगो काहेकी संसार बाके नए देखत हए नए चिन्त हए। पर तुम बाके चिन्त हओ काहेकी बा तुमरी सँग रहात हए और बा तुमरी भितर बास करैगो।

तुम मेरे नाउँमे जो माँगैगे, बहे मए देमंगो काहेकी लौंणाके द्वारा दौवाकी महिमा होए। अगर तुम मेरे नाउँमे जो कुछ फिर माँगैगे कहेसे मए बो देमंगो।

अगर तुम मोके प्रेम करत हओ कहेसे, जो आज्ञा मए तुमके दओ हओं बोके फिर पालन करओ।

मिर दौवा परमेश्वरके घरमे बैठन बारे बहुत ठिहा हएं और मए तुमर ताहीं ठिहा तयार करन डटो हओं। अगर उइसो नाए हुइतो कहेसे मोके तुमर ताहीं जा बात कहानए नाए पणतो।

तुमर ताहीं ठाउँ तयार करके मए घुमके आमंगो और तुमके मेरे सँग रहानके ताहीं अपने ठिन लैजामंगो, ताकी जहाँ मए रहामओं हुवाँ तुम फिर रहाबओ।

थोमा येशूसे कही, “हे प्रभु, तुम कहाँ जात हओ, बो हमके पता नाए हए कहेसे तुम जान बारो ठाउँकी डगर हम कैसे पता पएहएं?”