मर्कूस 13
13
अन्तिम दिनिक चिन्ह
मत्ती २४:१-५१; लूका २१:५-३६
1येशू मन्दिरमसे जाइलग्ल त, उहाँक एकठो चेला उहाँह कलन, “गुरुजी, यी मन्दिरक भव्यभव्य महल हेरी त, कत्रा बराबरा पत्थ्रले बनल बा!”
2येशू कल, “टुँ यी महलक अत्रा नाउँ उठाइटो, एक पत्थ्रक उप्पर और पत्थ्रा रह नैदेक, यी सब महल ध्वस्त बनाजाई।”
3पाछ येशू मन्दिरमसे खल्ह्यार जग्गक उपार जैतून पर्वत्वम बैठलरलह। येशू अकल्हे रहलब्याला, पत्रुस, याकूब, यूहन्ना, ओ अन्द्रियास उहाँकठे आक पुछ्ल, 4“हमन जनाई कि यी घटना कैह्या हुई? यी घटना हुइलागी त, का चिन्ह देखपरी।”
5येशू हुँकन कहभिर्ल, “होसियार रहो! केक्रो उल्का जिन लगहो। 6काजेकलसे धेर जन ‘ख्रीष्ट मैहे हुइटुँ’ कैक दाबी कर्टी अइहीँ ओ म्वार नाउँ बेँच्क धेर जहन उल्कैहीँ। 7जब टुह्र लराइ हुइट्, ओ लराइ हुइना हल्ला सुन्बो, तब जिन डरैहो। यी त हुइहीपरी, तर संसारक अन्त्यभर तबहेँ नैहुई। 8काकरकि जातिक विरोधम जाति, ओ राज्यक विरोधम राज्य उठी। जहोँरतहोँर भुइँचाल जाई, ओ अनिकाल परी। यी सब त बेदनाइल दुःखक सुरुअस केल हो।
9“टुह्र अपन्हे होसियार रहो। हुँक्र टुँहन अदालतम लैजहीँ ओ सभाघरम लैजाक कोर्रा लगैहीँ। महीह विश्वास कर्लक कारण, टुँहन राजन्हक आघ ठह्र्याक साक्षी देहपरी।#मत्ती १०:१७-२०; लूक १२:११-१२ 10संसारक अन्त्य हुइनासे आघ, सब जातिक मनैन खुशीक खबर प्रचार कैजाई। 11जब-जब हुँक्र टुँहन पकर्क लैजहीँ, तब-तब जवाफ कसिक देना कैक आघहेँ चिन्ता जिन करहो। उहब्याला टुह्र परमेश्वरक देहल वचन बोल्बो। काजेकलसे बोलुइया टुह्र नैरबो, तर पवित्र आत्मा बोलहीँ।
12“मनै आपन दादुभैयन मुवाइक लाग ध्वाखा देहहीँ। बाबहुँक्र आपन छाई-छावन ध्वाखा देहहीँ। ओ छाई-छावहुँक्र आपन डाई-बाबक विरोध करहीँ ओ हुँकन मुवाइक लाग सुम्पदेहहीँ। 13महीह विश्वास कर्लक कारण, टुँहन सबजन हेल्हा करहीँ। तर जियटसम विश्वासम अरेइल रहुइयन् अनन्त जीवन पैहीँ।#मत्ती १०:२२
14“जब टुह्र नाश करुइया घिनलग्टिक दुष्टह उ रह नैपर्ना ठाउँम ठह्र्याइल देख्बो (पह्रुइया बुझ), तब यहूदियम रहुइयन पर्वत्तोओर भगहीँ।#१३:१४ दान ९:२७, ११:३१, १२:११ पुरान नियमम अगमवक्ता दानिएलक उल्लेख करल घिनलग्टिक दुष्टक बारेम येशू यिहाँ कहट। 15घरक छतम रहुइयन सरसामान लिह घरभित्तर नैजाक छतहेँमसे भग्ने करहीँ।#लूक १७:३१ 16खेत्वम रहुइयन आपन ओर्ह्ना फे जिन उठैहीँ। 17उ समयम गम्हिरजीउ रहल जन्नीमनैन्हक ओ दूध पियैना डाई मनैन्हक कत्रा बिजोग हुहीन। 18यी घटना हिउँदम जिन ह्वाए कैक परमेश्वरसे प्रार्थना करो।#१३:१८ इस्राएलम हिउँदम धेर वर्षा हुइठा, बाहर अइठा। जार हुइना हुइलकओर्से, यात्रा कर्ना ओ बास पैना धेर मुस्किल हुइठा। 19काकरकि उ समयम अस्सिन महासङ्कष्ट हुई कि परमेश्वर सृष्टि करलठेसे आम्हीसम कबु फे नैहुइलहो, ना कबु हुउइया हो।#दान १२:१; प्रस ७:१४ 20यदि परमेश्वर उ कष्टक समय नैघटैलरट त, कुई फे नैबच्नेरह। तर आपन र्वाजल मनैन्हक कारणले, परमेश्वर उ समय घटादेरख्ल।
21“उ ब्याला कुई, ‘हेरो! ख्रीष्ट अठे बाट’ या ‘ओठे बाट’ कही कलसे, विश्वास जिन करहो। 22काकरकि झूटा ख्रीष्ट ओ झूटा अगमवक्तन देखपरहीँ। स्याकलसम परमेश्वरक र्वाजल मनैन फे उल्काइक लाग हुँक्र अचम्म-अचम्मक काम ओ चिन्ह देखैहीँ। 23उहओर्से होसियार रहो। हेरो, मै टुँहन सब बात आघहेँ जनादेरख्नु।
24“उ समयम महासङ्कष्ट ओरैटीकि दिन अन्धार होजाई, ओ जोन्ह्या फे नैचम्की।#यशै १३:१०; इज ३२:७; योए २:१०,३१; ३:१५; प्रका ६:१२ 25आकाशमसे तोरैँया खसजाई, ओ आकाशक सब शक्ति#१३:२५ आकाशक सब शक्ति: शक्तिक अर्थ दुइ किसिमले लाग सेकी। एक अर्थम जोन्ह्या, दिन, ओ तोरैँया हुइसेकी कलसे, द्वासर अर्थम भूतन्हक रज्वा, शैतान, ओ वाकर पाछ लगुइयन हुइसेकी। डगमगाजाई।#यशै ३४:४; योए २:१०; प्रका ६:१३ 26तब मनै मै मनैयक छावह शक्ति ओ महिमासहित बद्रीकसँग आइट् देखहीँ।#मर्क १४:६२; दान ७:१३; प्रका १:७ 27मै स्वर्गदूतन पठैम, ओ हुँक्र सारा स्वर्ग ओ पृथ्वीमसे म्वार र्वाजल मनैन जम्मा करहीँ।
28“अञ्जीरक रूख्वमसे एक बात सिखो: जसिक रूख्वा पल्हाक पत्या लागल कलसे, घाम छ्याँक लग्घ बा कैक टुह्र जन्ठो, 29ओसहेँक म्वार कहल बात पूरा हुइट् देख्बो त, म्वार अइना दिन पुगरहल कैक जनहो।#१३:२९ कुई-कुई बाइबल विद्वानहुँक्र येशू अप्न फेदोस्र अइना बात बट्वाइट कैक बुझ्ठ। 30मै जाट्टीसे टुँहन कहटुँ, यी सब घटना नैहुइट्सम, मनै महीह इन्कार कर्टीरह्हीँ। 31आकाश ओ धर्ती बित्क जाई, तर म्वार वचन कबु नैबिती।
32“म्वार अइना दिन कैह्या हो कैक ना त स्वर्गदूत जन्ठ, ना त मै, स्वर्गसे आइल मनैया, जन्ठुँ। यी बात परमेश्वर बाबा केल जन्ठ। 33उ घटना कैह्या हुई कैक थाहाँ नैहुइलकओर्से, होसियार रहो! जागा होओ! 34म्वार अइना दिन त मालिक आपन नोकरचाकरन कामकाज जिम्मा लगाक परदेश लागअस हो। घर छोर्क जाइबेर हुँक्र करपर्ना काम एक-एक कैक मालिक हुँकन अह्रैठ ओ द्वरपालेह जागा रना आदेश देठ।#लूक १२:३६-३८
35“उहओर्से जागा रहो, काकरकि घरमालिक कब घुम्क अइहीँ कना टुँहन थाहाँ नैहो। ऊ सन्झ्या, कि आधा रात, कि मुर्घी बस्ना जुन, कि बिहान, कौनो समयम फे आइसेक्ठ। 36ऊ नैचिताइल ब्याला एकचोट्टे आजैहीँ त, ऊ टुँहन जग्ल रहल भेँटाइपर्ठा, सुत्ल रहल नाही। 37मै टुँहन ज्या कहटुँ, उ सक्कुजहन कठुँ, ‘जागा रहो।’”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
मर्कूस 13: thl
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
