Luka 21

Esadaka y’omoboraka

(Mar 12:41-44)

1Yeso akaimokia amaiso aye, akarora abanto abanda bakobeeka ebiegwa biabo ase ekebekerero gi’esadaka. 2Akarora omoboraka oyomo omotaka, okobeeka ebisabwa bibere bie chitaai. 3Erio akabora, “Ekeene nabateebirie, Omoboraka oyo omotaka obekire ebinge kobua bonsi, 4ekiagera aba bonsi babeekire korwa ase obonge bwe chinibo chiabo, korende oyo ase obotaka bwaye obeekire ebinto bionsi ebiarenge nabio.”

Yeso okobana ogotagorwa gwe Hekalu

(Mat 24:1-2; Mar 13:1-2)

5Ekero abanto bande barenge gokwana amang’ana igoro ye Hekalu, buna echabeire namagena amaya na ebiegwa, agateeba. 6“Aya morooche; amatuko nache ritatigare rigena erimo igoro ase erinde eritatagorwe.”

Amabe agochi‐gocha

(Mat 24:3-25; Mar 13:3-23)

7Erio bakamobooria, “Omworokia, aya indi arabe rende? Naende ninki ekemanyererio kiaye ekero aya onsi araabe ang’e goikerana?”

8Akabora, “Mwerende, timong’ainwa, ekiagera abange nabaache ase erieta riane babore: Ninche ere! Nengaki yaikire! Nabo, timobabwatia abwo. 9Na inwe ekero moraigwe amang’ana y’esegi na eburu‐buru, timogoswa, ekiagera aya bori nache kooroka ritang’ani, korende omoerio toraba ang’e.”

10Erio akabateebia, “Egesaku nakeimoke korwana negesaku kende, na oborwoti naborwane noborwoti bonde; 11emetengecho emenene y’ense nebe chinsemo ne chinsemo, na enchara, na emechando emenene; nabe namang’ana y’ogoichania, na ebimanyererio ebinene bikorwa igoro. 12Korende ritang’ani ase aya onsi nabababwaate na kobachanda, nabaabaire ase chisinagogi, na ase chichela, namoirwe ase abarwoti na ase abagabana ase engencho y’erieta riane. 13Eke nekero kiaino koba kirori. 14#Luk 12:11,12Manya gaki ase emioyo yaino, ng’a timorengereria ritang’ani eki morairanerie, 15ekiagera inche nimbae chinkwana na obong’aini, abachandi baino batanyare gokana gose koamererania nabio. 16Na inwe namoruegwe nabaibori baino, na bamura bamino, na eamate yaino, na abasani baino, na barabwo nababeeke abande baino ase ogoitwa. 17Inamogechwe nabaanto bonsi ase engencho y’erieta riane. 18Korende nonya nagatukia akamo k’emetwe yaino tikagosira. 19Na ase okoremereria kwaino namonyoore obogima bwaino.

20“Korende, komorarore Yerusalemu oetananirwe nemeganda y’abarwani b’esegi, erio momanye ng’a ogosareka kwaye gwaikire ang’e. 21Erio abare Boyahudi tiga batame gochia ase ebitunwa, na abare ime ase omochie basoke isiko, na abare isiko tibasoa aroro, 22#Hos 9:7ekiagera aya namatuko egesiomba, onsi ayarigetwe anyare goikerana. 23Nabe aakong’u ase abare barito na abakogonkia ase amatuko aria, ekiagera nebe emechando emenene igoro ase ense, na endamwamu ase egesaku eke. 24Barabwo nabagwe ase chinsonga chi’emioro, nabooswe bairwe ase ebisaku bionsi, na Yerusalemu notachwe nabaanto b’Ebisaku, goika ebiro biabo biikeranigwe.

Omoerio bw’ense

(Mat 24:29-31; Mar 13:24-27)

25 # Isaya 13:10; Ezek 32:7; Yoel 2:31; Okom 6:12,13 “Naende nabibe ebimanyererio ase erioba, na omotienyi, ne ching’enang’eni, na ase ense emechando ase ebisaku, nabatang’ang’e ase okoeera kw’enyancha na emerindo yaye. 26Abanto mbakwe ekeondoko na okoiroka kobaganyete ayagoochera ense, ekiagera chinguru chia igoro nachitengechigwe. 27#Dan 7:13; Okom 1:7Erio nabanyare korora Omwana‐o‐Mwanyabaanto ogochaase riire ase chinguru na obonene obonge. 28Nabo karachake koba ayio, rigereria igoro, ekiagera okoboorigwa kwaino gwaikire ang’e.”

Amorokererio korwa ase Omoko

(Mat 24:32-35; Mar 13:28-31)

29Akabateebia omoreng’anio, “Rigereria omoko na emete ende yonsi; 30ekero egochaka goseboka mwarora na komanya ase emioyo yaino ng’a egura gura ng’ang’e ere. 31Nainwe boigo komorarore ayio agokoreka, momanye ng’a oborwoti bwa Nyasae ng’ang’e bore. 32Ekeene nabateebirie: Ekegori eke tikegoeta nonya ng’ake goika aya onsi aikeranire. 33Igoro na ense nabiete, korende amang’ana aane takonyara goeta nonya ng’ake.

34“Nabo mwerende chinkoro chiaino tichicha koengerwa nokoria bobe na ogotinda, na okwerosia kw’obogima obo, rituko riria ribachere mobosokano, buna omoeto okobwata. 35Naki naboigo eranyaare goochera abanto bonsi abamenyete igoro ase ense yonsi. 36Ase ayio, renda kera ekero na gosaba, monyoore chinguru chi’ogoeta ase aya onsi araache koba, naende gotenena ase obosio bw’Omwana‐o‐Mwanyabaanto.”

37 # Luk 19:47 Na kera rituko nigo arenge kworokereria Hekalu ime, korende botuko ogenda isiko obeera ase egetunwa ki’Emezeituni. 38Abanto bonsi bakamochiera mambia chuni aria Hekalu ime, erinde banyaare komoigwa.

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

Luka 21: EKGE

Highlight

ಶೇರ್

ಕಾಪಿ