LUKA 5
5
1 #
Mat 13:1-2; Mrk 3:9-10; 4:1. Kighyongö Yeso asistanka sörömu nanampa Kenasaret,#5:1 nanampa Kenasaret: Kayne anka nyo pö nanampa Kalilaya. kimi pich cho kipïr kegh kutang wölo kimi nyinte cho kimököy kïlïmöy ngölyonto Tororöt. 2Kisïwa melin odeny cho kikïrötyï sörömu nanam, wölo kikingeta nömiko kaghagh oringwa, akimi kïmwötöy netinekwa. 3Kïpus Yeso akonga pö melinechoni nyo kipö Simon, akïtep nyinte lö, “Ipö meli kutang pögh.” Kumpur Yeso melinay akunet söpïchay. 4Kïkany kuwany kïngalan, kïlenchï Yeso Simon, “Yumtenö meli kutang pögh kwen atoreytenö netinekwa atanama kaghagh.” 5#Yna 21:3. Kuyokyï Simon lö, “Echotyon, kökinoghyecha amïna kïyech amökïnamachanye kïgh nyonikïny. Wölo ato imwaghanyi lenyoni, oreytonan netine.” 6Kureytö netinechay kïpa pögh ori, kïnam kaghagh cho möngörï ntökïmach kïngötïy netinekwa. 7Kïlenyona, kïkurö morïn pikökwa walaka cho kimi melinay anka kïpka kungarak chane kuchut kaghaghe. Kunyïghit kaghaghechay melinekwa kwodeny ntökïmach kïlït pögh meline. 8Kïkany kïsïwa Simon Petro choni kighisyö, kupïtyï kelyo Yeso akïlö, “Ngetena wölo omitan, Echotyon, ompöwölo ochan chi pö ngokï.” 9Kimwa Petro lenyoni ompöwölo kïtöngönchï nyinte nko cho kimi tïkwïl, chongïn pö kaghagh cho kinam chane, 10kitöngönchï tïkwïl Yakopo nko Yoana cho kile werpö Sepedayo akï cho kightoy akonga pöghisyengwa nko Simon. Kïlenchï Yeso Simon, “Mewöghisyö, ompöwölo kïngeta ye kutang tagh, inömunenyi pich le nya kïnömöy kaghagh.” 11Kuchutyï Simon nko pïchay kimi tïkwïl melinekwa sörömu nanam, akïpïstö tïkukwa löwïr akïrïp Yeso.
Sopöy Yeso chi
(Mat 8:1-4; Mrk 1:40-45)
12Ato kimi Yeso asistanka kanasyan nyo kimi korononi, kungwïn chi nyo kyamate psenkwet. Otini kisïwa Yeso, kïwirchï kegh ngwïny kïrïwotö mu akïsagh nyinte, lö, “Ato imökenyi Echotyon, imukenyi itïlilanïn.”
13Kughïtö Yeso ewunyi akïswany nyinte akïlenchï, “Omökan, tïlilitunö ye.” Kïnyini lawel kïngeta nyinte sömewonay. 14#Law 14:1-32. Kïtagha Yeso nyinte lö, “Memwochï chi ngölyontononi, wölo rotanyi ntet wölo mi tïsin aipïsï nyinte kurosinyi, atolapay itötö amöros ompö kisopötengu le wölo kimwayta Musa, atökunkïtï chi anka tïkwïl lö, ketïlilitunyi.”
15Wölo kitas tagh kïyasta lökoyechi, kïghamïtï kegh pich cho chang kïpka kïlïm ngalechi, akesop cho kichiryote. 16Kïkany kulowit kegh nyinte, kïwö wölo le siriron tökïsagh.
Kisop Yeso chi nyo kimeyta por
(Mat 9:1-8; Mrk 2:1-12)
17Kinetisyegho asistanka Yeso wölo kimi Parisaytin nko koneti kirurut cho kipkana kanastin löwïr cho pö Kalilaya nko Yudea nko Yerusalem. Kutö Tororöt Yeso owesyö nyo sopo pich cho kichiryote. 18Kipka pich cho kikösöno menyon chi nyo kimeyta por. Kumukyï chane or nyo kiptoy chichay kïlït köyoni kimi Yeso atökutö tawunyi, 19wölo kimemïcha ompö chongïn pö pich chang pich cho kimi atoni. Kïlenyona kïpus chane pörko köyay akïngany, akurekunö chichay kïmi nko menyontenyi ntökwitï kwenu tuyonay otini le tawu Yeso. 20Kïkany kïsïwa Yeso kighanatengwa, kïlenchï chichay, “Wena Kikelöstowunyi ngokiku.”
21Kïngölonchinö koneti kirurut nko Parisaytin akïtep kegh lö, “Akï chi nyo ngölonöy cho mwoghöy Tororöt nya? Chi ngo nyo muköy kïlöstoy ngokï, möpotonye Tororöt onkïtï?” 22Wölo kipköchï Yeso ngalechini kingölonchinegho kegh, kïlenchï chane, “Ne ngale chï oteponekwa kegh mïkulis nya? 23Omwowune nyo kwïskwïs, kemwa lö, ‘Kikelöstowunyi ngokiku,’ anta kemwa lö, ‘Ngeta aiweghö kelyeku?’ 24Wölo omökan Oporwokwa ye nyu lö tïng Wero Chi owesyö ompö ngwïnyinï nyo löstoghchini pich ngokikwa.” Kïlenchï chichay kimeyta por, “Ngeta aisït menyontengu aiwechï kegh katangu!” 25Kïngeta chichay tawungwa panini lawel akïsït menyontenyi akïwechï kegh katanyi, akï sölotoy Tororöt. 26Kïtöngönchö chane lapay nyoman, akukus Tororöt, akïwir chane mïghotö kïlentöy, “Kakïsïwecha asete tïkwïn cho tomö kesïwena asistanka.”
Kuröy Yeso Lawi
(Mat 9:9-13; Mrk 2:13-17)
27Kïngeta Yeso kanasyantanay akwotini kimi pan, kïsïwa kwöghinto surï nyo kikïkuro Lawi, kimpuröy atay kïkwögho surï. Kïlenchï Yeso nyinte, “Rïpkanïn.” 28Kïpïstö tïkuchi löwïr akïrïp nyinte. 29Atolapay kikurchï Lawi Yeso omisyö nyo wow, kïtuyechï tuyot nyo wow ompö katanyi kïmi kwoghi surï. 30#Luk 15:1-2. Kïngwïrngwïronchï, kinetanpa Yeso Parisaytin nko koneti kirurut kïlentöy, “Ompö ne tomisïyekwa agheghsïyi nko kwöghi surï nko mwokïyis?”
31Kuyokyï Yeso chane lö, “Melö möröy pich cho karamach porwöy chepsakïtyan, kïpoto cho chiryote. 32Kimangwïnanye okur pipö man, wölo mwokïyis atökïkötö ngokikwa.”
Kinetut paraku kïrurat
(Mat 9:14-17; Mrk 2:18-22)
33Kïtep pikö walaka Yeso lö, “Atï kïruröy kinetanpa Yoana kïnomnyö akïsöghöy akwighöy lenyoni kinetanpa Parisaytin tïkwïl, wölo omisïyi akïgheghsïyi kinetanköku.” 34Kuyokyï Yeso lö, “Ekumuko kïkïrur to cho kapka koyögh otini tökïmi chito koyögh nko chane nya? Memukonye nyonikïny. 35Wölo pkonöy osiswö cho kïchengo kwenungwa chito koyögh, osiswechoni nyu ato kïruröy chane.”
36Kïmwochï Yeso tïkwïl körkeyïn anka lö, “Möminye chi nyo polöy sïra nyo rel akï kïnö sïra nyo kiyosit. Ato igh lenyoni kïkörero nyinö rel, amemukönye kïnöwonta nyo rel ntökïnomnyö nko nyo kiyosit. 37Metöninye chi dipay* cho kötökeryököy tökol cho kiyositu ompöwölo ato igh lenyoni, kïköreröy tökolkö akïmïlta kegh. 38Wölo mïchini ketö dipay cho kötökeryököy tökol cho relach. 39Möminye chi nyo chömöy kïgheghöy dipay cho kötökeryököy nyo kikïgha cho kipöyit köny, ompöwölo lentöy, ‘Dipay sonye chay kipöyit köny?’ ”
Kinetut paraku Sapato*
(Mat 12:1-8; Mrk 2:23-28)
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
LUKA 5: PIPÏLIA
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
©Bible Society of Kenya, 2019
