LUKA 6
6
1 #
Krt 23:25. Asistanka nyo pö Sapato ato kimi Yeso nko kinetankachi kuweröy pareni nkanun, kïpach kinetankachi pakan pö pagh akïpirir akïnyagh. 2Wölo kïlenchï Parisaytine* walaka lö, “Ompö ne nya! Nkaghakwa kïgh nyo machamatnye kirurutköcho keghöy asispa Sapato?” 3#1Sam 21:1-6. Kuyokyï Yeso chane lö, “Tomönye osomönökwa so cho kigh Daudi atanya kisut nyinte nko cho kimi tïkwïl? 4#Law 24:9. Kilït Daudi Kö pö Tororöt* akïcheng makatyan nyo kipöy tawu Echotyon akwam akutö pïchay kimi tïkwïl kwam. Akimöchömchinicha Kirurutköcho chi anka tïkwïl kwomöy kïpoto tïsï opïn.” 5Kuwany Yeso kïlenchï pïchay, “Tïngeto Wero Chi owesyö ompö paraku tötut pö Sapato.”
Chi nyo kimeyta ewï
(Mat 12:9-14; Mrk 3:1-6)
6Ompö asistanka nyo pö Sapato, kïlït Yeso kö pö saghat* akunetisyö. Kimi chi köyoni nyo kimeyta ewu tagh. 7Kïtopön Yeso koneti kirurut nko Parisaytin atökïsïwa lö ekusopöy Yeso chi asispa Sapato. Kigh lenyoni atökïrumchï ana or nyo nyorchïnegho Yeso lelut, ato sop chi asispa Sapato atökïnyorï kïgh nyo rwokyinegho nyinte. 8Wölo kinkït Yeso kinonutkökwa, kïlenchï chichay kisipat ewï, “Ngeta aighyongö otï le kwen.” Kïnget chichay akughyongö otini. 9Kïlenchï Yeso pïchay, “Otepokwa lö, chömwecha Kirurutköcho asispa Sapato keghchine chi nyo karam nya anta nyo gha? Kesörï söpon pö chi nya anta kepar chichoni?” 10Kïtopön kuwit pïchoni löwïr akïlenchï chichay, “Ghïtenö ewungu,” Kughïtö chichay ewunyi, akïsöp lö chïkïl. 11Wölo kïnörekyö chane nyoman, akïteptep kegh wölo kidoy Yeso.
Kakïl Yeso pich taman nko odeny cho kiyoktoy
(Mat 10:1-4; Mrk 3:13-19)
12Kipus Yeso kutïng asistanka atö kïsagh Tororöt, saghat nyo kilet oghononi kïyech. 13Otini kipusï asis, kïkur kinetankachi, atolapay kïkïl cho le taman nko odeny cho kimïnchi nyinte lö kikurö, kiyoktoghï. 14Pïchoni kï Simon (nyo kitö Yeso kaynat nyo kïlentöy Petro) nko werïngwa Andrea nko Yakopo nko Yoana nko Pilipo nko Partolomayo nko 15Matayo nko Tomas nko Yakopo wero Alpayo nko Simon (nyo kikïkuro Silot) nko 16Yudas wero Yakopo nko Yudas Iskariote, nyo kilïkwï wïchtoghinto Yeso.
Netisïyi Yeso akusopisïyi
(Mat 4:23-25)
17Kïrökunö Yeso kutïngay nko chane, akughyongö ato le tömkö kïmi nko kinetankachi cho chang nko söpïch nyo wow nyo pö pich cho kïpkana Yudea kïmïkul nko Yerusalem nko walaka cho kipkana koros cho mi sörömu nanam cho lekïtinö kanastina Tiro nko Sidon. Kïpka chane kïter ngalechi akesopö kichirutkökwa. 18Kisop Yeso tïkwïl pich cho kisusöy oy cho ghach. 19Kïlenyona kïyar söpïchay or nyo kimuköy tökïswany nyinte ompöwölo kingwïno orinyi owesyö nyo kisop chane löwïr.
Ngörekyö nko nyarïl
(Mat 5:1-12)
20Kïwaghach kegh Yeso kura kinetankachi akïlenchï,
“Ochikwa soyönote cho ochï mey,
ompöwölo nyinkwa Pöyunöto Tororöt.
21Ochikwa soyönote cho amatak kömöy ye,
ompöwölo kipïghyongokwa.
Ochikwa soyönote cho oloksot ye,
Ompöwölo onyorunekwa ngörekyö.
22 #
1Pt 4:14. “Ochikwa soyönote chona reyok pich, akeyonchok sany, kechïpok akemïnak akenyarenak kaynötut lö ochï pich cho ghach akwompö paraku Wero Chi! 23#2Ot 36:16; Ist 7:52. Oturönchenö adangony ompö ngörekyö ato itï choni, ompöwölo wow ropöwontenkwa nyo mi yïm. Lenye nyoni wölo kida papotïnekwa werkoy cho kimwoghöy ngala Tororöt.
24Wölo ochech akwa cho ochï monkor otï le ye,
ompöwölo konyorukwa ropöwontengwo.
25Ochech akwa cho ochï pïghyongote ye,
ompöwölo pkonöy osiswö cho omokwa kömöy.
Ochech akwa cho ororsot ye,
ompöwölo oriryokwa alokyö!
26Ochech akwa ato kusokwa pich,
ompöwölo kikus lenyoni papotïnekwa
werkoyi putintön.
Achama punkökwo
(Mat 5:38-48; 7:12)
27“Wölo omwowokwa ye, chona olïmanïn lö, achama punkökwo aporchï köromnyö chona reyokwa. 28Osoyönö chane cho chopokwa kong asoghchï chane cho mwoghekwa. 29Akwato rapakïn chi lalapka, iwöghökyï nyinö anka. Ato chengenïn chi kotingu, ikany kïcheng syati tïkwïl. 30Tönö chi anka tïkwïl kïgh nyo sominyi, ato cheng chi kingu, ipïsyï. 31#Mat 7:12. Oghchinö pich tïkwïn cho omökekwa kwighwekwa chane.
32“Ato ochömekwa opïn pich cho chömekwa, onyorunekwa tösunöt ne? Ompöwölo chömöy mwokïyis tïkwïl cho chömöy chane. 33Ato oghchikwa nyo karam opïn pich cho ighwokwa nyo karam, onyorunekwa tösunöt ne? Ighöy mwokïyis lenyoni! 34Akwato opösönchikwa pich opïn cho okönekwa lö ghoku, osïkekwa ropöwon nyo pö ne? Pösönchini kegh mwokïyis tïkwïl akïghokchini kegh lechini kipösön. 35Wölo achama punkökwo aghchï chane nyo karam, opösöntenö amokön kïgh. Ato aghakwa lenyoni, kïwow ropöwontenkwa alïkunekwa nyu monïngo Tororöt nyo Töror Tya. Ompöwölo ighchini nyinte nyo karam pich cho meyoktoy sörö nko mwokïyis. 36Osïkö kisyonöt le wölo syonchini Paponkwa.
Kerwokyï pikö walaka
(Mat 7:1-5)
37“Morwokyï pich atömö kirwokwok. Mogheghchï pich atömökigheghchok, olöstoghchinö atökelöstowok. 38Otötenö tïkwïn, atökekonok. Kïkoneninyi sompïr nyo nyighitate, akepïr ntökïrarak. Ompöwölo kïkoninyi kïrïpata kegh nko wölini ketöteghtenyi.”
39 #
Mat 15:14. Atolapay kïmwochï Yeso chane körkeyïn nyo kilö, “Ayo, muköy chepkarot kureto chepkarot anka? Ato igh lenyoni, mepïtïninye kwodeny pïrïmï? 40Möminye kinetana nyo tïlöy konetintenyi. Wölo ato kakuwany nyinte kisomönötenyi, kï körökegh nko konetintenyi. 41Ompö ne tesïwïyenyi wïtanian nyo mi konto tupchengu amesïwïyenyi kuntïl nyo mi kontangu? 42Imukenyi lö ne lenchine tupchengu, ‘Pïswante asyar wïtanian nyo mi kontangu,’ akwanyï mesïwïyenyinye nyinte kuntïl nomi kontangu? Nyi lïsintonï, nyagha maltena kuntïlyonona mi kontangu terosïtena, atesyara wïtanian nyo mi konto tupchengu.
Ket nko akwechi
(Mat 7:16-20; 12:33-35)
43“Möminye ket nyo karam nyo yinu akwa cho ghach, akï möminye ket nyo gha nyo yinu akwa cho karamach. 44#Mat 12:33. Kinkïtuno ket anka tïkwïl akwa cho yinöy, melö kïpïto makany sesoy amöpïtonye chi sapipun panyïrit. 45#Mat 12:34. Ipuno chi nyo karam köromnyö ompö kaplawachtanyi nyo karam, kwipuno chi nyo gha tïkwïn cho ghach kaplawachtanyi nyo gha. Ompöwölo mwoghöy chi tïkwïn cho mi mïkulöwunyi.
Teki korïn odeny
(Mat 7:24-27)
46“Ompö ne tokuranïkwa lö, ‘Echotyon, Echotyon,’ amelö oghekwa le nyo komwowokwa? 47Nyomwowok wölo lata, chi anka tïkwïl nyo ngwïnöy wölo omitan, kïlïm ngalechan akïrïp. 48Okongityonan nyinte nko tekin nyo kiwas ngwïny lasiny akutoro tekseyo konyi ghat. Kuwachta museryonta ompö lalwa. Kïwir köyay, wölo kimemïnye kutimtim ompöwölo kikïtekï paraku ghat. 49Wölo chi anka tïkwïl nyo lïmöy ngalechan amarïp, kekongityot nko chi nyo kitek konyi nyïngwïtyan parak, nyo otini kiwachta lalwatïna ompö puseryon, kïwir köyay, kïrul panini akunyara nyoman.”
Sopöy Yeso mötworinto wowïn pö Rumi
(Mat 8:5-13)
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
LUKA 6: PIPÏLIA
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
©Bible Society of Kenya, 2019
