TIMOTHI NSENDƐ 5
5
Lanɛ la ŋa ha ha ko ŋanɛ ha laanɛ
1Ma hɔl laŋgbaŋ bɛn kɛ ŋthelema wɔ ka limani kendɛ mɔ theli ki baaɛ. Ŋyoŋ ŋdaŋgbaŋdɛ kendɛ mpɛnte, 2amaa bɛn ken ŋyaa, ŋwanthɛmdɛ ken ŋwante naythin charaŋday gbi.
3Ŋwɔŋ li mani ko mboraɛ. 4Yɛ bora bi gbo apuma o apumanthetha, ŋa ha le kaŋha pɛiŋ jali ŋa li haɛ ko Hɔbatokɛ ko ram ŋaɛ ni wɔŋ paka pum ko abɛna ŋa; haliwɔ lanɛ ki la kɔkani Hɔbatokɛ chee. 5Wɔnɛ fuli wɔ boraɛ, ni wɔ ye le ha ndelmawɔ, koŋ bɛ kithgbɔl wɔɛ ko Hɔbatokɛ ni ka sɛliɛ ni ŋkɛn ni sɛli ichɔl ni ipal; 6yɛlabɛ bora wɔ woth jali hɔlɔɛ bol lɛ wɔ wu yɛlabɛ wɔ lɛliɛ. 7Gbɔnda lanɛ ki, che lɛ ŋa chen bi ha bi nthɛkɛ. 8Yɛ nɔ gbi kani gbo anyawɔɛ, ni thɛmbɛthɛmbɛ ŋa wɔ ram dɛ, koŋ hɛm laanɛ ni wɔ wɛi chaŋ nɔ ibiɛ laanɛ.
9Ŋtɔm ma boraɛ wɔ koŋ chaŋ nɛn thi koŋaŋyara, wɔ koŋ cheɛ nɔma gbisiŋhɛ ki nɔpukan bulɛ; 10ni pɔ ha wɔŋ sei li yegbe ha jaliwɔ haɛ yegbeɛ, kendɛ wɔnɛ wɔ koŋ dum apumaɛ, wɔ toŋgi ikɛlɛŋ, thɔk bɛŋthi anya charaŋdɛ, bɛmani ŋanɛ ŋa thenɛkiɛ, ni wɔŋniŋkɛn ha ha ikɛlɛŋ naythinday gbi. 11Kɛ ŋa ma tɔma mbora ŋwanthɛmdɛ, haliwɔ yɛ ŋa koŋ theni ichɛk ma gbisiŋdɛ ŋa yɛ thimni hiŋk Krayst, 12ni ŋa ye bi ŋthɛkɛ ha simi kaŋgbe ŋa nsendɛ. 13Lababɛcheɛ lanɛ, ŋa pɛni ha cheɛ anya iyema ha len, ŋa chaŋchaŋ hiŋk hoŋ o hoŋ, ni chen gboɛ anya iyema ha len kɛ anya thelekɛ ni anya jalemɛ, theli la ŋa chen ha theliɛ. 14Labiɛ ya yema mbora ŋwanthɛmdɛ gbisiŋ, ŋa gbem apuma, ŋa lɛli ichɛli ŋaɛ atok, ni ŋa ma ka nɔ ŋcheŋgɛ mɛŋk ha poli ŋa. 15Haliwɔ apum ŋa koŋ bɛ chaŋchaŋ min Ŋsɔyandɛ veleŋ. 16Yɛ nɔma laanɛ wɔ bi anyawɔɛ ŋa mboraɛ, wɔ ha bɛmaŋani; ha woth ŋaɛ kɔ ma che kump Hɔbatokɛ bol, chelɛ la bɔ bɛmani ŋanɛ ŋa mboraɛ fuliɛ.
17Ha ni ŋgbakoɛ ŋa ha mpanth ŋkɛlɛŋdɛ ŋa sɔthɔ mani li leŋgiɛ, thɛmbɛthɛmbɛ ŋanɛ ŋa ha mpanth ma thɛkɛsi ŋhɔk ma Hɔbatokɛ ni toŋgiɛ; 18Haliwɔ Ray Hɔbatokɛ ŋɔ hɔɛ, “Ma gbiŋgith mindɛ ni sum naa yɛ wɔ yuk ŋkɔs ma ŋyikiɛ”, ni, “Nɔ ha mpanthɛ wɔ ha sɔthɔ paka ha mpanth ma wɔɛ.” 19Chɔlnɛn ma kwe la pɔ hɔ ha gbakoɛ chaŋ mbi ŋsei atiŋ o ara. 20Kɛ ha ŋanɛ ŋa gbɛnthilni iwɛiyɛ, ŋa ha hɔl athɔmaŋaɛ gbi chee, chelɛ ŋanɛ gbi ŋa leɛ ŋa bi ha che ŋkwathay.
21Hɔbatokɛ chee ni Krayst Jisɔs ni malkaɛ ha pɔ kweɛ ya nɔ ni gbɔnda ha ŋan yɛthi saba thɛ ki ha iŋɛthiɛ yen gbi, hani be lan hiŋk iŋɛthiɛ. 22Ma lɛni ka gbaŋg thi pia, o ma bɛ thi pia ki iwɛi nɔ tilaŋ; ŋthuŋgul ni ŋkɛn charaŋ.
23Ma gbo pɛ kul mɛn man kɛn, kɛ ŋkwe mɔɛ nton ha satokin kunɛ mɔɛ ni nɛki mɔ bɔnɔbulɛ.
24Iwɛi anya pum ŋɔ leiŋ, ŋɔ tɛk su ko thoŋgaɛ, kɛ iwɛi anya tilaŋ ŋɔ keni thi chee. 25Labiɛ mpanth ŋkɛlɛŋ ma keni leiŋ; ni yɛlabɛ yɛ ma chen keniɛ, ma chen bɔ mathini.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
TIMOTHI NSENDƐ 5: SNT
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Sherbro New Testament Portions © Bible Society in Sierra Leone, 2020.