Markus 13
13
1Nda dimma di vor haikali, ama nedo avor miyedi‐kwoden a tsan a chi: “Malam, na fara iyeno, na hwodiye!”
2Yesu a tsan a chi: “Hye na hwodiye iyeno kabagban, miyá ḍaka a fara do a no a, a miyá kidden.”
3Nda ndsa a no mwotso Zaitun ahumwa haikali, Bitrus ka Yohanna ka Andarawus ta ḍiyen a ḅotso:
4“Boyeino gwoḍi sye iyeno ḅa ndsa? Ndo so biltsi miya ḍa, fira sye nino ten ne avor sito?”
5Yesu a tsaren a chi: “Niyum gekelo ḅé miyá kipowno.
6Ḅware hananan ḅa si ka kwaka ta tsa: ‘Hen no ndi’. Tanḅa kipa miye hananan.
7Fira huna kel leme kawatso hananan, leme kawatso a ndsa kabagban ahaka ḅware ḅé huná hweyo, sye nino a mbamtso ḅa da, mbatso ha áḅo nda kenno.
8Gibo imi ḅa maḍo a ngiya ka a ha; homne a maḍo a peiyo ka a; njiya ḅa humoro gaka baro, meatso ḅa si kabagban; sye nino tenḅa tiya tonotso.
9Huna bo mensowno a sisowno, gibo miyaḅa kipowno ahaka miyegbanye, a vune hiwotso miyeḅa levrowno, huḅa kango ahumwa miye di ḍa bashitso ka homye gekela, gekelo sagda ahakaren.
10Miyaḅa boyo lemefeme haka dziye‐kwaleme kat.
11Naya ta ngallarowno a ha bashitso ta kipowno, ḅé huná bel yeje a no lema huna boyo, sa miya vowno avor ḍatingen, angen no huḅa boyo, gibo á hu no ka boyile, Pitso Tsubwatso no.
12Ndse‐nuwetso ḅa vo ndso‐nogen wei, Bato ḅa ven ndsangen, dziye ḅa maḍo ka ngyatso a ḅel sungeren.
13Huḅa ndsa so koti haka miye kat gekelo kwaka; ma gbo nzimsen kei a ḅoretso, ndadi mbi hido.
14Fira huna na sogbeye da tukunto tsi ne kangi aha á passa (ḍaka ndso‐bel malamtso, ma nda kello), getingen miye avor Yahudiya ta gyeḅo a dso haka mwei.
15Ma a no vune ḅé ndá janga, bé ndá perro vorti go nda ngur sa avor hwodiye.
16Ma avor gasye ḅé ndá minna go nda ngur base chopwatso.
17Tonotso ne haka dziye‐woptso ka miyedi vo bopye avor botsi iyeno.
18Huna ḍa hiwotso ḅé sano a ḍa ka ḅoile.
19Botsi iyeno tanḅa ndsa ka poritsi, itsi miyá nda liya naro kenneneng a dimmatso vratso fira Pwa a dimmaden, miyárei naro gban.
20Na Homengum á bonggo botsi iyeno ta go gbillim, má nda mbidi ka mensen, a mbo. Gekelo iye‐tadto, iye nda tadtiren, nda bonggo botso ta go gbillim.
21Getingen nagi wano tsowno tso: Ni huna na Kristo gye, nagi niyam garo; ḅé huná mwa diyalo,
22gíbo dziye‐zheringye tanḅa maḍo a tsa a chi: Hi no Kristo; ka annabawa ka zheringye tanḅa ḍa syebiltso ka lentso ndeltso gekelo ta kyapa ye‐tadto iye tanḅa leyo.
23Huna bo mensowno hen liya tsowno lemongen chang.
24Avor botsi iyeno bete tonotsi ino fere ḅa ḍa kulitso, likitso árei ḅurro.
25Tekalye ta fuko di pwa, nyeretso a pwa yangkat sisen ḅa wureren.
26Getingen ta na Ndso Bwara ḅa dimma avor perḅye ka kerkertso ka fukatso.
27Getingen ndaba len malaiku nda gbappado taḍaḍu iye nda taḍa di basa njiyen, ka basa wela, ka basa pwa, ka basa hwombino, di haka mbatso njiya, ka mbatso pwa gban.
28Ḍiyegennum gosen a kada ngwaltso, naya basa kada a go ḅellak ḅellak nda mana jibei, hu leyi a chi viringtso ḅe tsikha.
29Che gban fira huna na sye iyeno ḅa tiya, huna eyi a chi ḅe tsikha, tsi ne a kwamu ha.
30Diyalo nadi boyowno, mano nduwo ádi mbo, sie miya naḍo sye iyeno kat.
31Pwa ka vratso ta syekara, lemedei tárei syekoro.
32Leme feringen ka getingen tá ḅwara a leyi, nagi malaiku, nagi Ndse, sie Batso.
33Huna bo mensowno a niya a ḍa hiwotso, gibo huná leyi fira leme ḅa na kan.
34Botsi ḅwara a ḍa omotso avor a njiya, nda liya taka so ka hwoden, nda vodo kisseiden leme, nagi wano nda ven lentsoden, nda hiwa homo tuffe, ma nda gra.
35Huna gra, dwat gibo huná leyi fira homo‐hwodiye ḅa si kan, nagi ka kade, nagi ka vor tukurtso, nagi ka watso ḍyekei, nagi ka hagbite;
36ḅé ndá powno hu ne di chini.
37La nadi tsowno hen ne di tsa miye kat, huna gra.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Markus 13: BCYMRK
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
First published by the British and Foreign Bible Society in 1915.
