Markus 12
12
1Nda tiya boyeren leme kiwatso: “Ama a nguḅo gasye annab, nda takkaden ka kanda. Nda ra gwei gekelo nda ngig annab avorsen, nda no bonge, nda ḍakan gaka imi iyedi hawi, a wudo a njiya.
2Naya a kenno nda len a kissa gaka miyedi‐hawi, gekelo nda luwo avor hulatso gasye a tuffo miyedi‐hawi.
3Ta kitten a levren, ta ḍakan nda muḍo ka tyefungen di peiya.
4Nda minna len a kissa ḅo; mano ta tilan a nangen, ta gen sye a kyewen.
5Nda minna len ama, ta ḅelten, ka imi hananan; miyata leb imi, miyata ḅel iye.
6Ma a mbidi hido, ndso a nda ḍik gen no; nda lenten gakaren abesen kat ndadi tsa a chi: ‘Ta na fukatso da ndsedei, sopiye a gerren.’
7Miyeno miyedi‐hawi a tsa so di siren: ‘Mano ndso‐minha no. Ma ḅellumren, minsye a go ungum no.’
8Ta kissa a ḅelten. Ta ḍongden abete gasye.
9Mino homo‐gasye ḅa ḍa? Nda si ḅa ḅel miyedi‐hawi, nda vo imi som gasye.
10Huná na leme ano avor ḍuwe:
‘Faratso iche miyedi‐no vune a ko, miya minden nda go no mbateha.
11Ano di haka Homengum; so‐ndeltso no a diyengum’?”
12Ta elo ḅa nguten, ta hweyigo fure, gibo ta na nda boyo leme ano anangeren. Ta ḍakan a muḍo.
13Ta lenensye imi di haka Farisawa, ka miye da Hirudus, gekelo ta ḍimren ha avor lemeden.
14Naya ta pan ta tsan a chi: “Malam hi leyo hye ma‐diyalemo, té bo go miye mentsi gibo té ni miye, ka diyalome hyedi kenno miye tuffe da Pwa. Ḅo kanna hina vodo chamtso go Ḳaisar, ko ḅé hiná ḍa? Hina vodden, ná tso hina ko?”
15Ndi, gekelo ḅo leyi walitsidaren nda tsaren a chi: “Gomino huna kannari? Hwam ka ta henḅa nan.” Ta sikan.
16Nda tsaren a chi: “Ndso‐passatsi ino ka ḍaḍuwe ano, ungo waneyo?” Ta tsan a chi: “Ungo Ḳaisar no.”
17Yesu a boyeren: “Vomo Ḳaisar sye ungo Ḳaisar no, ka Pwa gban sye ungo Pwa no.” Ta ndello hananan.
18Sadukiyawa ta si gakan gban, iye a tsa a ch miyá maḍo aha mberrotso; ta ḍiyen adi tsa a chi:
19“Malam, Musa a ḍeino ḍuwe, na ndso‐nogo ma a mberro, nda ḍaka mesen abei, á ḍaka ndse ndse‐nogen a ngur metso gekelo nda ḍimmo ndso‐nogen ndse.
20Naya miye nedo tukwelugbei, dziye‐nuwetsi, ma a kwamutso a ḍim metso, nda mberro á ḍaka ndse.
21Gbeiyetso a ḍimmo, nda mberro ḅo, á daka ndse abesen; mwakenotso ḅo che.
22Ten tukwelugbei, tá ḍaka dziye. Betse angen metso a mberro.
23Avor madtso miye‐mberri ngaḅa ndsa metso wano avorsen? gibo ten tukwelugbei ta ḍimtiro kat.”
24Yesu a tsaren a chi: “Á che no tuffe a kipgowno gekelo huná leyi ḍuwe ka kentso da Pwa?
25Gibo fira ta maḍo kan, miyá ngur metso, miyá ḍimmaren murye; ta ndsa botsi malaiku gara a pwa.
26Leme miye‐mberri ka madtsodaren, huná naro avor malamtso da Musa aha leme da kada hwale, Pwa a boyen leme ndadi tsa a chi: Hen, no Pwa ungo Ibrahim, ungo Ishaku, ungo Yaḳub gban?
27Ndi á Pwa da miye‐mberro no, ungo miyeka pitso no. Huna ḍeiyo ka tuffe kabagban.”
28Ama nedo avor miyedi‐dor malamtso, tsi ne si, nda kello tadi ḍiyo so, ḅo leyo gban Yesu a mwaren pe pe, nda ḍiyen: “Ndo hiwatsi no akwamutso avorsen kat?”
29Yesu mwa: “I‐kwamutso no: Hu kello, Israila, Pwa Homengum, tsi no Homen hido;
30hye ḍik go Homenga Pwa no ka yedinga kat, ka mensa kat, ka zeregyedow kat, ka nyeretso?-?dow kat.
31I‐gbeiyetso no: Hye ḍik go ndso‐vunegu no botsi hye ḍik go mensa no. Tá hiwatsi do a perrigo iyeno ka gbanatso.”
32Ma‐dori a tsan: “Diyalo malam, la hye boyo diyangen no, tsi no hido,
33tá ama do sei ndi; ḍik gen no ka yeji kat, ka zeregye kat, ka nyeretso kat; ḍik go ndso‐vunegu no botsi mensa gban ḅo perrigo hinasye ka ḅelsye.”
34Naya Yesu a nan nda mwa ka yedingen nda tsan: “Hye tám ḅong ḅong ka homne da Pwa.” Bete angen tá ḅwara do a nyera disen ḅa ḍiyen le.
35Yesu ne di kenno miye avor haikali ndadi tsa: “Ya miyedi‐dori a tsa, Kristo no ndse ḍa Dawuda?
36Dawuda ka nangen a tsa ka Pitso Tsubwatso: Homen a boyo Homedei, ndsa ga tuffo zumedei, na mindo miye‐kora a go so‐bo mborriyedow.
37Dawuda ka nangen nda warren Homen, nda gaya nda go ndsangen?” Lektso miye a kello, haningeren.
38Avor kensyeden nda tsa: “Siḍum ka yedingowno go miyedi‐ḍaḍuwe, miya mo weyetso ka rukute gerretse, ta mo miya pokaren avor lumotso,
39ta mo ḅa ndsa kwamu a hwodiye hiwotso. Ha miye zemsye do ta el ha ndsatso avor miyegbanye.
40Miyadi zem hwada ngamsei no. Miyadi hiwi gbididing ka kuta, ten no miya ga bashiye?-?ren kabagban.”
41Nda wudo a ndsa aha miya ḍik sye da Pwa do. Nda na lektso miye tadi pugdo bara avor ha ḍik sye. Dziye‐ḍim ginetso a si hananan ta kaji sye kabagban.
42Itsi ngamsatsi ndso‐poritsi nga si a pugdo ta gbei, botsi aninitso gbei.
43Nda wa miyedi‐kwoden a tsaren: “Diyalo nadi boyowno, sye ngamsatsi ino ndso‐poritsi nga pugden, nda perrigo ungeren kat a ta pukko a ha ḍik sye;
44gibo miyeno kat avor ginetsodaren ta kajido sye, ngei gban avor poritsodaro nga pukkodo sa nga ḍimmo kat, mbatso sye a tuffongero ne.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Markus 12: BCYMRK
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
First published by the British and Foreign Bible Society in 1915.
