Markus 11
11
1Tanḅadi tilo Yerusalem ka Baitfaji ka Bait'anya abasa mwotso Zaitun, nda len miye gbei avor miyedi‐kwoden a tsaren a chi:
2“Wudum a hwodiye kake, iye ahumwasowno. Gbel naya huna perro hwodiye huḅa pa ndso‐mbuse, a ḅwara á nda liyen, miya ḅweyeren. Parramran, huna sikan.
3Nagi wano a tsowno a chi: Lemomino huno ḍa che yo? huna tsaren: Homengum moren; gbel ndaḅa leneren gano.”
4Ta wudo a pa ndso‐mbuse, miya ḅweyeren a kwamuha a kwaka tuffe. Ta parren.
5Imi ne kangi do a tsaren: “Mino hunadi ḍa huna parra ndso‐mbuse?”
6Ta boyoren botsi a Yesu a tsaren; ta ḍakaren.
7Ta sika ndso‐mbuse haka Yesu. Ta por basyesyeden a ḍikken abesen, ndi gban nda liyen.
8Ḅware kabagban ta pugdo basyesyeden a da tuffe; imi gban ta pugdo jibe, iye ta ḍawa a gasye.
9Ka miye akwamu ka iye abei ta mar kwormungeren adi tsa a chi: “Hosanna, ndso‐hulatsi ma di si avor kwaka Homengum;
10homne ne di si, ungo bageino Dawuda, ḅo hula gban, Hosanna avor ma perrigo ha.”
11Nda perro vor Yerusalem a wudo haikali. Nda nihei, a mbo nda dimmo a wudo Bait'anya karen bow a mbidi gbei; kade ḅe liya kenno.
12Miya bo hido, ha keda naya ta dim go Bait'anya meatso a gen.
13Nda na kada ngwaltso ka jibei aha ḅonge; nda si sie ndaḅa ḍim ndong so gakan. Naya nda si ha kan a pan, tá so do sie jibei, gibo á kwa mbwotso da ngwalei no.
14Nda tsan a chi: “Bé ma di zem ndong so ga kow ahumwa nagi gwoḍi.” Miyedi‐kwoden ne kelli.
15Ta si Yerusalem a perro vor haikali. Nda dimmado miye ḅa ḍersye ka miyedi‐ḍerri avor haikali. Nda ndel gbogleke da miyedi ḍer gullegballamye,
16ndá ḍaka ama nda perro haikali, nda ngur sie.
17Nda kenneren a tsaren a chi: “Miya ḍaḍuwe: Miya tsa hwodei, hwodiye hiwotso gekelo miye chang? huḅe minden gongore lowsye.”
18Miyegbanye malamye ka miyedi‐dori ta kello, ta el geche ta kipan, gibo ta hweyigen gekelo lektso miye ta ndello ka kensyeden.
19Kade a kenno nda dimma go garutso.
20Ka hawure naya ta perro, ta na kada ngwale nda nibboko kat ka kwiringen.
21Bitrus a ḍyanga leme a tsan: “Rabbi, ni kada ngwala a hye kidden, ḅo nibboko.”
22Yesu a mwa a tsan a chi: “Vomdo diyalome gaka Pwa.
23Diyalome nadi boyowno, ma kat ḅa tsa mwotsi ino: Nguri nanga hye perro bahar, ndi gban ndá ndello a mensen, gibo nda vo diyalome la ndadi boyo ḅa ḍa, ḅa ḍimmo.
24Gekelo lano na boyowno, sye kat huna hiwo a ngiso, vomdo diyalome huna liya luwo, huḅa ḍimmo.
25-26Nagi gwoḍi huna kangi a hiwo, na huḅo ka a lemo peiyi ka ama, vomen piyatso, gekelo Bagowno ara vor pwa ḅa vowno piyatso ka lemohaseidowno.”
27Ta minna a si Yerusalem. Naya ndadi weyo avor haikali miyegbanye malamye ka miye‐ḍaḍuwe ka miyegbangbanye ta si gakan a tsa a chi:
28“Ka ndo geche hyedi ḍa sye iyeno? Wano ma vu leme ano hyeḅo ḍa sye iyeno?”
29Yesu a tsaren a chi: “Na ḍiyowno leme hido kal kal, na hu mwa, na kennowno leme geche nadi ḍa sye iyeno.
30Baptisma da Yohanna di pwa nda si, nagi di haka ḅware nda dimma? mweyumi.”
31Ta ḍyengleme avor yedingeren a tsa a chi: “Na hum tsan a chi: Di pwa, nda tsa a chi, gomino huná ven diyalome.
32Na hum tsan a chi: Di haka bware” — ten nedi hweyigo miye; gibo miye kat ta tsa a chi, Yohanna annabi diyangen.
33Ta mwa Yesu a tsan: “Hiní leyo.” Yesu a tsaren a chi: “Hen gban tá boyowno geche nadi ḍa sye iyeno.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Markus 11: BCYMRK
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
First published by the British and Foreign Bible Society in 1915.
