LUKA 19
19
1Go e sili Yeriko po surata duaduru asa. 2Go kuga leo, naatam̃oli sikai waina nagisana e pei tea sosoana ki Sakaio; go nae e pei tea tape nasautoga warua liu sikai, go e pei sogolapa. 3Go e laaga naga ega vunusi Yesu e pei sei? Go e mari sa punusi a nalakena taua ni naatam̃oli maga, nalakena e pei naatam̃oli vuru. 4Go e sava pea, po pagi naita sikai naga ega vunusi a: nalakena e pei m̃aladigi naga ega surata pae napua wanogoe. 5Go ragi waina Yesu e umai paki tokora wanogoe, e leo sake, po noa ki nia, e naga, Sakaio, p̃a m̃araverave siwo umai; nalakena e one au one naga aga toko nasum̃a anigo masoso. 6Go e m̃araverave siwo umai, po piragi soki a po laelaea. 7Go ragi waina eu punusi a, eu dauruuru puti, po naga, E po paki ekopu naga ega m̃enaki sikoti naatam̃oli sikai waina e pei tea mari naleo sa. 8Ma Sakaio e lawodu, po noa ki Nawota, e naga, P̃a leo, Nawota, namagovai ni naleo maga waina a peani ra a dua tea tika maga asa; go a pe tapepavakoto te navatuna ki te naata, a pe tua e tagona pati liliu. 9Go Yesu e noa ki nia, e naga, Masoso namautipauriana e po umai paki nasum̃a waia, nalakena nae ma e pei Abraham natuna sikai. 10Nalakena naatam̃oli Natuna e umai naga ega laaga po mautipauri tea waina e sasap̃o puoli.
11Go ragi waina eu do dogo tea maga wanogoe, e sokari a po noa naluluakia sikai, nalakena e pei m̃aladigi ki Yerusalem, go nalakena eu midoaki nia naga namarakiana ki Sup̃e e pei m̃aladigi naga ega vakilina m̃araverave. 12Nalakena tea wanogoe e naga, Naatam̃oli sikai waina e pei nawota natuna e paki navanua ni uvea pano, naga ega tape namarakiana sikai ega vei tea aneana, go naga ega moro liliu. 13Go e soso tea suasua aneana maga rualima sikai kakada, po dua ra mina rualima sikai, po noa ki da, e naga, Kuga to p̃osiwosi asa pa pa aga moro liliu. 14Ma naatam̃oli maga ni natokoana aneana eu pilosi a, po dip̃aki lua tea tautauana seara eu edakugoro e pano, po naga, Au karai naga naatam̃oli waia ega maramara dap̃au gami. 15Go e pakilina, ragi waina e dape sua namarakiana, po moro liliu umai, naga e pitip̃aki naga tea suasua maga wanogoe, waina e dua ra m̃ane, euga vei tea sosoana umai punusi a, naga ega atae tea waina eu dalua e ki navakokotoana. 16Go tea vea e umai punusi a, po naga, Nawota, mina anigo e mari mina rualima sikai eu sokari a. 17Go e noa ki nia, e naga, E p̃ia, tea suasua wia: nalakena ku pei lomau tea kiki sa, p̃a veani naveinawotaana dap̃au natokoana rualima sikai. 18Go kerua e umai, po naga, Mina anigo, Nawota, e mari mina lima. 19Go e moro noa ki nia, e naga, Nigo ma p̃a tap̃au natokoana lima. 20Go tea p̃ota sikai e umai, po naga, Nawota, p̃a leo, mina anigo nea, waina a dape a po doropusi a e one tea kasitoro sikai: nalakena a matau ki‐go, 21nalakena ku pei naatam̃oli kasua: ku dape dakati tea waina ku da doropusi a mau, po dagaukotovi tea waina ku da sapuraki nia mau. 22E noa ki nia, e naga, Tea waina e po dave nawokam̃a aga wo pasap̃otae ko asa, tea suasua sigisigileo. Ku atae naga kinau a pei naatam̃oli kasua, waina a dape dakati tea waina a da doropusi a mau, po dagaukotovi tea waina a da sapuraki nia mau; 23go ekasana ku da pitua ki m̃ane aginau paki wede ni nasum̃a ni m̃ane, go kinau ragi waina a pe umai a pe tape a go narogoviana kakana? 24Go e noa ki tea maga waina eu lawodu pisari a, e naga, Kuga tape lua mina kiana, po pitua ki nia paki tea waina e peani mina rualima sikai. 25Go eu noa ki nia, eu naga, Nawota, e peani mina rualima sikai. 26A noa ki mu, naga sara naata waina eu peani ega wo pei tea vituakiana paki da; ma naata waina e da peani mau, tea waina e peani a ma ega wo pei tea tapeluaana kiana. 27Ma tea kokona ki nau maga waia, waina eu karai naga aga maramara dap̃au ra, kuga viragi ra umai, po mari punue ra naraegu.
28Go ragi waina e noa sua tea maga wanogoe, e surata pea pano, po do sake paki Yerusalem.
29Go e pakilina, ragi waina e do paki m̃aladigi ki Bethface go Bethania, paki tava waina e pei tea sosoana ki tava ni Oliva maga, e dip̃akilua tea vasapiseikiana maga e dua kakada, 30po naga, Koroga vaki natokoana kiki waina e doko kivea ki mu; go ragi waina koroga wo sili asa koroga wo pap̃ai ass tureai sikai waina e pei tea likotiana, waina te naata e ko da sakesaake asa mau: koroga veresi a, po piragi a umai. 31Go te naata e pe vusuusu paki mu, e pe naga, Ekasana koro peresi a? Koroga noa dapala waia, naga Nawota e masauna. 32Go tea waina ero pei tea tip̃akiluaana ero pano, po pap̃ai dapala waina e noa ki da asa. 33Go ragi waina ero do peresi ass tureai wanogoe, talakeana maga eu noa ki da, eu naga, Ekasana koro peresi ass tureai? 34Go ero naga, Nawota e masauna. 35Go ero piragi a umai punusi Yesu: go ero sawa ki sugoro adeada maga ass tureai wanogoe, po pusake Yesu asa. 36Go ragi waina e do pano eu p̃elesa ki sugoro adeada maga napua. 37Go ragi waina e po do umai paki m̃aladigi, paki tokora ni nasiwoana ni tava ni Oliva, taua mamau ni tea vasapiseikiana maga eu pae asa laelaea po samasamani Sup̃e ki nadaleo kasua nalakena nawosiana kasua maga mamau puti waina eu punusi sua ra; 38eu naga, Tea vasap̃iakiana Nawota waina e umai pae nagisa ni Yehovah: natam̃ateana nakoroatelagi, go nasamasamaana tokora magi ni elagi mau. 39Go Farisi maga seara kakada waina eu m̃elu taua ni naatam̃oli maga eu noa ki nia, eu naga, Tea Vasapiseiki, p̃a vasa kasua ki tea vasapiseikiana anigo maga. 40Go e pasa dara po naga, A noa ki mu naga, nara eu pe vunuta, vatu maga eu pe vioso.
41Go ragi waina e do paki m̃aladigi, e punusi natokoana po dagisi a, po naga, 42Ku pe atae, nigo ma, ku pe atae tea maga ni natam̃ateana naaleatia ni masoso! Ma ragi waia eu pei tea surukiana paki namatam̃a maga. 43Nalakena naaleatia maga euga wo umai paki‐go, go tea kokona ki‐go maga euga wo nadi ki p̃aaka sikai sake daliviri ki‐go, po dalivirigoro ko, 44po p̃onoti ko sara tokora, go euga wo lep̃esi ko pakitano, go natum̃a maga nap̃alaum̃a; go euga wo da doropusi vatu sikai ega toko elagi ni vatu sikai nap̃alaum̃a mau; nalakena ku da atae ragi ni naumaipunusi‐ko‐ana mau.
45Go e paki roara ni nasum̃a tapu, po pae asa kopasi tea maga waina eu sorisori paki etaku, po noa ki da, 46e naga, E pei tea midiriana, Go nasum̃a aginau ega wo pei nasum̃a ni natapasavasaana: ma nimu ku mari a e pei valea ki tea tape pavakoto maga.
47Go e do pasapiseiki sara naaleatia nasum̃a tapu. Ma tea viri warua maga go tea midiri maga go tea warua maga ni narei eu laaga naga euga mari punue a: 48go eu da p̃ap̃ai tea waina euga mari a mau; nalakena narei eu mamau puti dau asa dau, dakidorogo.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
LUKA 19: NTB
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Bible Society of the South Pacific
