Popular Bible Verses from Иоанн 2

ಶೇರ್

Тяфта Иисус Галилеянь Кана ошса тиезе васень тяштьксонц и тянь вельде няфтезе Эсь оцюшинц, и тонафниенза кармасть кемама Тейнза.

Иисус мярьги тейнза: «Вай, ава, кали тя Монне али тонне тевсь? Монь пингозе нинге ашезь са».

Иисус корхтай покодихненди: «Пяшкодесть кукшеттнень ведьта». Пяшкодезь синь вельф. И мярьги тейст: «Тяни амолдада и кандость рьвяямань илань вятити». Сят амолдасть и кандозь.

Иисус мярьгсь тейст: «Калафтость тя Шкаень кудть, и Мон колма шиста путса сонь меки».

Иисус тись лама пикскаста локша, сембонь панезень Шкаень кудть пирьфстонза учаснон и букаснон мархта; ярмаконь полафнихнень ярмакснон ёрязень келес, а шраснон веляфнезень. Гуленянь мишендихненди мярьгсь: «Сявость тяста семботь тянь; и тясть тиенде Алязень кудонц мишендемань-рамсемань вастокс!»