Migaama, Centre - WBT - NT non Drama

Migaama, Centre - WBT - NT Drama

<div class="version vid2999 iso6393mmy" data-vid="2999" data-iso6393="mmy">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s1">Ka tatta &#436;iila mulunniti Mellayi</div><div class="r">(Ello&#331; Mark 9.33-37, Lik 9.46-48)</div><div class="p"> 1Gaa oko wikinne kaaka saa gu jobookeetee Iisa sappiyyee katta, guu inniyya goo: &#171;Ay we pe ma ay ka tatta &#436;iila mulunniti Mellayi?&#187; 2Gaa Iisa kolli&#599;e miica rootta ka, gaa wirriyya &#599;a&#599;&#599;akkico. 3Gaa beneyyiyyoo gaa: &#171;Na beneyyato&#331;ca seene, kuu magica &#599;a nuntito&#331; ku lee&#599;iy zeneeto&#331; rootta ale&#331; miici, ku akka un&#816;n&#816;a &#599;a ta kaw mulunniti Mellayi. 4Ay &#599;akko appe ga gimu ma leewaa ziiti rootta ale&#331; miica keeke, al&#599;o gata pe ma akka dee ka tatta &#436;iila mulunniti Mellayi.&#187;</div><div class="s1">Warro&#331; maa&#436;i min liyaw ta zunubgeyyo</div><div class="r">(Ello&#331; Mark 9.42-48, Lik 17.1-2)</div><div class="p"> 5Gaa Iisa gaayi&#599;e payya gaa: &#171;Maa gaa joobe miica ale&#331; keeke saanantu, jobowwinoo saa naa ma kayaatu. 6A innasoo gaa gimu esekkaa zunubgeyyo ka&#436;i ka kulla min oko giimi ma dowwiy galbigeeco oko naa, guta ma ay ale&#331; miici ku rootta kooko, gi samaanee &#436;iila oko gata kaaka gu onniyyee ur&#816;uuti itira yaata, guu uwwiyya baharriti ga deesi&#599;o, min maa gi parlanti Mellayi baagiyya.</div><div class="p"> 7&#171;Diigane yaata ocokkica dunuune teete ma lekke gaari ma esekkay giimi zunubgeyyo. A gata pa, ay tirta appe gu gaari kotti al&#599;o, innasoopa gi diigane ocokkiya gimu ma ay milco gaari kotti ma katawko giimi zunubgeyyo. 8Gaa piccum e ba&#331; ga asincum esekkam zunubgeyyo, ki reepiya, kii uwwiyya arro min oko kii ku maa ga al&#599;um issa &#599;a zunubgeyyo. A gita pa samaane &#436;iila ki gassi&#599;o hayaatane ma gakamma &#599;a ta kaw ma pissi ka&#436;i e ba&#331; ga asin ka&#436;i min maa gu uwwi&#599;um ma piccam serco e ba&#331; ga ma asincam serco, aatt&#237; okko ma batakka &#599;a ta kaw. 9A gii i&#599;iicum pa esekkam zunubgeyyo, ki cimmica, kii uwwicca arro min oko kii ku maa gi al&#599;um issa &#599;a zunubgeyyo. A gita pa samaane &#436;iila ki gassi&#599;o hayaatane ma gakamma &#599;a ta kaw ma i&#599;iicum ka&#436;i ka min maa ki lekki&#599;o i&#599;i seera, guu uwwi&#599;um aatt&#237; okko ma batakka &#599;a ta kaw.&#187;</div><div class="s1">Masal ta tamo ma masile</div><div class="r">(Ello&#331; Lik 15.3-7)</div><div class="p"> 10-11Gaa Iisa beneyyi&#599;e payya gaa: &#171;Warro&#331; maa&#436;i! Ya ka&#436;i min oko giimi ma ay ale&#331; miici ku rootta kooko ku anneeca jaala &#599;a. Na beneyyato&#331; kadar gu malaykatnigeeco wara&#599;&#599;e a&#599;e go&#331;&#331;a diiman uwwa samaani saripti Tattu ma aaye samaani. 12A oko mooyito&#331; ka pa kuu me? Gaa gimu lekka tamee orooruwee orro, gii ta ka&#436;i masil&#599;e ga leewa gaa me? Gata capakkayo &#599;a a&#599;e oko ku orooruwee parnaka&#436;i o parnaka&#436;i kayaati dambi gaa kaati&#599;o ga dee&#599;ica diyya ta ka&#436;i ma masalle e? 13Na beneyyato&#331;ca seene, gaa gassica tamo tee ma masalle, ga parhanna ta tirta &#436;iila min oko tamee ku orooruwee parnaka&#436;i o parnaka&#436;i ma masalle &#599;a. 14Ay go&#331;&#331;a appe ga Tatto&#331; ma aaye samaani kulla, al&#599;o a&#331;ka &#599;a ga ya ka&#436;i ka kulla min oko ku rootta kooko masil&#599;o.&#187;</div><div class="s1">Botol ka saamiyti gaa giicum ni&#331;giyam</div><div class="p"> 15Gaa Iisa beney&#599;iyo missa gaa: &#171;Gaa giicum ni&#331;giyam ki a&#599;e ki dee&#599;iya gassa, kii dee&#599;eeca gaara ooranti, innasoo ga a&#331;ka ku al&#599;o serto&#331; ka. Gaa giyyum pa, ga icciyya beneycum ku taaceero paa&#599;e. 16Gaa pooce giyyicum pa, ki yookee ma gimu ka&#436;i e ba&#331; gu seera. Ma kaaka pa, gu &#8220;gaari paracco deewa taacenta oko beneyco giimi seera e ba&#331; pa subba ma elle o gu giyye&#8221;, ale&#331; maa gi Kitamniti Muusa beneyye#18.16 Ello&#331; &#394;illico Hukumnigeyyo 19.15.. 17Gaa pooce payya giyyico pa, ki beneyyiy gaari kotti oko gimtaw ma temekka saanantu. A gaa pooce giyyico gimtaw pa kulla, ki elliya ale&#331; gimu gonek ka ma aabadda &#599;a Mella e ba&#331; ga ale&#331; sokooka ka miiri. 18Na beneyyato&#331;ca seene: Gaari paracco maa ku akka pooca i&#331;ee ki&#599;aati ay guta ma akka dee poocenta samaani, o gaari paracco maa ku akka oyya i&#331;ee ki&#599;aati ay guta ma akka dee oyyenta samaani. 19Na gayaato&#331; payya naa: I&#331;ee ki&#599;aati, guu giimi seera min aatto&#331; onniya beneyco, guu inni&#599;e ca&#331; ga ini me, ga Tattu ma aaye samaani oyaayooga. 20A gata pa were maa gu giimi seera e ba&#331; gu subba teme&#599;&#599;e ma semeetaw, na aaye &#599;a&#599;&#599;akkico.&#187;</div><div class="s1">Masal ta lubaaka ma saamayya &#599;a</div><div class="p"> 21Gaa Piyer saapiyyee saripti Iisa. Gaa inniyya gaa: &#171;Miltu, gaa giitu negekkaw, na saamayyee namma ya minawti&#331;? Namma ya paysarati&#331; e?&#187; 22Gaa Iisa pa tiiliyyee gaa: &#171;Kaw, na leewam &#599;a naa namma ya paysarati&#331; ka, innasoo namma ya orooruwee paysara, paysarati&#331;.</div><div class="p"> 23&#171;A gita pa mulunniti Mellayi saabayye ale&#331; sultan ma a&#331;ke gu lubaakeetee pilkiyyeegu &#599;annannico ku guruzzi maa gu ecekke. 24Maa ga diili&#599;e gemmo ta &#599;annannico, guu itiriyyee lubaaka ka&#436;i ma lekke &#599;aane maani ta kaw ta guruzzi. 25Mile&#331; ga lubaaka kaaka pa lekka &#599;a maatiki ku maa ga pilkicca &#599;aaniti taata, ga sultan beneyye gaa gu gi&#599;ikiki ale&#331; lawwu, gata o daatti o rontee o lawtee paracco maa ga lekka ku maa ga pilkicca &#599;aaniti. 26Gata pa darse unti sultanti. Gaa malmiliyya gaa: &#8220;Ban&#816;n&#816;u, su&#595;arraw, na pelekkamca paratt&#237;.&#8221; 27Gaa sultan elli&#599;e saamuwti. Gaa saamiyiyyeeca &#599;aaniti, gaa duwiyyee ga kaati&#599;e. 28Gata pa oomiti ka, ga waagikki ka&#436;i min oko gittee ku lubbi ma lekke &#599;aane alpa&#331;gee minnaw ka. Gaa gabbibiyya ga se&#436;ew&#599;eeca ur&#816;uuti o ga beneyyee ma ra&#599;&#599;a gaa: &#8220;Pilkawca &#599;aanitu.&#8221; 29Gaa giiti kaaka darsi&#599;e unti, gaa malmiliyya gaa: &#8220;Ban&#816;n&#816;u su&#595;arraw, na pelekkamca.&#8221; 30Gaa gata soopa pooci&#599;e. A ta &#436;iila payya pa, ga deyya issa da&#331;ayi kadar ga pele&#599;&#599;eeca &#599;aaniti. 31Maa gu gittee elliyya latta kaaka ma deero, guu zorontiy&#599;e ta kaw. Guu dee&#599;eegu gemma saa oko sultanco gaari kooko paracco ma deero. 32Gaa sultanco n&#816;aami&#599;e gu dee&#599;iki asa lubaaka gata kee. Gaa beneyyiyyee gaa: &#8220;Kii keeke ay lubaaka ma gidaani &#599;a. Na saamiyyamca &#599;aanicum paratt&#237; maa ki lekkaw asan ki malmilnoo. 33Kii kulla ampane kee ki kawayyee &#599;a a&#599;e oko giicum ale&#331; tanni maa na kawiyiyyam e?&#8221; 34Gaa sultanti bo&#331;siyyee ta tirta. Gaa biriyyooga oko asaakargee ma deegeyya giimi gu diigiyiyya namma ga pilkiyyeeca &#599;aaniti paratt&#237; maa ga lekkee.&#187;</div><div class="p"> 35Gaa Iisa beneyyi&#599;e payya gaa: &#171;Ay go&#331;&#331;a appe ga Tattu ma aaye samaani kulla asitto&#331; lee, gaa ka&#436;i min aatto&#331; saamayyee &#599;a oko giiti ma galbanti paratti.&#187;</div>
 </div>
 </div>
</div>

Gaa oko wikinne kaaka saa gu jobookeetee Iisa sappiyyee katta, guu inniyya goo: «Ay we pe ma ay ka tatta ƴiila mulunniti Mellayi?» Gaa Iisa kolliɗe miica rootta ka, gaa wirriyya ɗaɗɗakkico. Gaa beneyyiyyoo gaa: «Na beneyyatoŋca seene, kuu magica ɗa nuntitoŋ ku leeɗiy zeneetoŋ rootta aleŋ miici, ku akka un̰n̰a ɗa ta kaw mulunniti Mellayi. Ay ɗakko appe ga gimu ma leewaa ziiti rootta aleŋ miica keeke, alɗo gata pe ma akka dee ka tatta ƴiila mulunniti Mellayi.»


Gaa Iisa gaayiɗe payya gaa: «Maa gaa joobe miica aleŋ keeke saanantu, jobowwinoo saa naa ma kayaatu. A innasoo gaa gimu esekkaa zunubgeyyo kaƴi ka kulla min oko giimi ma dowwiy galbigeeco oko naa, guta ma ay aleŋ miici ku rootta kooko, gi samaanee ƴiila oko gata kaaka gu onniyyee ur̰uuti itira yaata, guu uwwiyya baharriti ga deesiɗo, min maa gi parlanti Mellayi baagiyya.
«Diigane yaata ocokkica dunuune teete ma lekke gaari ma esekkay giimi zunubgeyyo. A gata pa, ay tirta appe gu gaari kotti alɗo, innasoopa gi diigane ocokkiya gimu ma ay milco gaari kotti ma katawko giimi zunubgeyyo. Gaa piccum e baŋ ga asincum esekkam zunubgeyyo, ki reepiya, kii uwwiyya arro min oko kii ku maa ga alɗum issa ɗa zunubgeyyo. A gita pa samaane ƴiila ki gassiɗo hayaatane ma gakamma ɗa ta kaw ma pissi kaƴi e baŋ ga asin kaƴi min maa gu uwwiɗum ma piccam serco e baŋ ga ma asincam serco, aattí okko ma batakka ɗa ta kaw. A gii iɗiicum pa esekkam zunubgeyyo, ki cimmica, kii uwwicca arro min oko kii ku maa gi alɗum issa ɗa zunubgeyyo. A gita pa samaane ƴiila ki gassiɗo hayaatane ma gakamma ɗa ta kaw ma iɗiicum kaƴi ka min maa ki lekkiɗo iɗi seera, guu uwwiɗum aattí okko ma batakka ɗa ta kaw.»


Gaa Iisa beneyyiɗe payya gaa: «Warroŋ maaƴi! Ya kaƴi min oko giimi ma ay aleŋ miici ku rootta kooko ku anneeca jaala ɗa. Na beneyyatoŋ kadar gu malaykatnigeeco waraɗɗe aɗe goŋŋa diiman uwwa samaani saripti Tattu ma aaye samaani. A oko mooyitoŋ ka pa kuu me? Gaa gimu lekka tamee orooruwee orro, gii ta kaƴi masilɗe ga leewa gaa me? Gata capakkayo ɗa aɗe oko ku orooruwee parnakaƴi o parnakaƴi kayaati dambi gaa kaatiɗo ga deeɗica diyya ta kaƴi ma masalle e? Na beneyyatoŋca seene, gaa gassica tamo tee ma masalle, ga parhanna ta tirta ƴiila min oko tamee ku orooruwee parnakaƴi o parnakaƴi ma masalle ɗa. Ay goŋŋa appe ga Tattoŋ ma aaye samaani kulla, alɗo aŋka ɗa ga ya kaƴi ka kulla min oko ku rootta kooko masilɗo.»

Gaa Iisa beneyɗiyo missa gaa: «Gaa giicum niŋgiyam ki aɗe ki deeɗiya gassa, kii deeɗeeca gaara ooranti, innasoo ga aŋka ku alɗo sertoŋ ka. Gaa giyyum pa, ga icciyya beneycum ku taaceero paaɗe. Gaa pooce giyyicum pa, ki yookee ma gimu kaƴi e baŋ gu seera. Ma kaaka pa, gu “gaari paracco deewa taacenta oko beneyco giimi seera e baŋ pa subba ma elle o gu giyye”, aleŋ maa gi Kitamniti Muusa beneyye. Gaa pooce payya giyyico pa, ki beneyyiy gaari kotti oko gimtaw ma temekka saanantu. A gaa pooce giyyico gimtaw pa kulla, ki elliya aleŋ gimu gonek ka ma aabadda ɗa Mella e baŋ ga aleŋ sokooka ka miiri. Na beneyyatoŋca seene: Gaari paracco maa ku akka pooca iŋee kiɗaati ay guta ma akka dee poocenta samaani, o gaari paracco maa ku akka oyya iŋee kiɗaati ay guta ma akka dee oyyenta samaani. Na gayaatoŋ payya naa: Iŋee kiɗaati, guu giimi seera min aattoŋ onniya beneyco, guu inniɗe caŋ ga ini me, ga Tattu ma aaye samaani oyaayooga. A gata pa were maa gu giimi seera e baŋ gu subba temeɗɗe ma semeetaw, na aaye ɗaɗɗakkico.»

Gaa Piyer saapiyyee saripti Iisa. Gaa inniyya gaa: «Miltu, gaa giitu negekkaw, na saamayyee namma ya minawtiŋ? Namma ya paysaratiŋ e?» Gaa Iisa pa tiiliyyee gaa: «Kaw, na leewam ɗa naa namma ya paysaratiŋ ka, innasoo namma ya orooruwee paysara, paysaratiŋ.
«A gita pa mulunniti Mellayi saabayye aleŋ sultan ma aŋke gu lubaakeetee pilkiyyeegu ɗannannico ku guruzzi maa gu ecekke. Maa ga diiliɗe gemmo ta ɗannannico, guu itiriyyee lubaaka kaƴi ma lekke ɗaane maani ta kaw ta guruzzi. Mileŋ ga lubaaka kaaka pa lekka ɗa maatiki ku maa ga pilkicca ɗaaniti taata, ga sultan beneyye gaa gu giɗikiki aleŋ lawwu, gata o daatti o rontee o lawtee paracco maa ga lekka ku maa ga pilkicca ɗaaniti. Gata pa darse unti sultanti. Gaa malmiliyya gaa: “Ban̰n̰u, suɓarraw, na pelekkamca parattí.” Gaa sultan elliɗe saamuwti. Gaa saamiyiyyeeca ɗaaniti, gaa duwiyyee ga kaatiɗe. Gata pa oomiti ka, ga waagikki kaƴi min oko gittee ku lubbi ma lekke ɗaane alpaŋgee minnaw ka. Gaa gabbibiyya ga seƴewɗeeca ur̰uuti o ga beneyyee ma raɗɗa gaa: “Pilkawca ɗaanitu.” Gaa giiti kaaka darsiɗe unti, gaa malmiliyya gaa: “Ban̰n̰u suɓarraw, na pelekkamca.” Gaa gata soopa poociɗe. A ta ƴiila payya pa, ga deyya issa daŋayi kadar ga peleɗɗeeca ɗaaniti. Maa gu gittee elliyya latta kaaka ma deero, guu zorontiyɗe ta kaw. Guu deeɗeegu gemma saa oko sultanco gaari kooko paracco ma deero. Gaa sultanco n̰aamiɗe gu deeɗiki asa lubaaka gata kee. Gaa beneyyiyyee gaa: “Kii keeke ay lubaaka ma gidaani ɗa. Na saamiyyamca ɗaanicum parattí maa ki lekkaw asan ki malmilnoo. Kii kulla ampane kee ki kawayyee ɗa aɗe oko giicum aleŋ tanni maa na kawiyiyyam e?” Gaa sultanti boŋsiyyee ta tirta. Gaa biriyyooga oko asaakargee ma deegeyya giimi gu diigiyiyya namma ga pilkiyyeeca ɗaaniti parattí maa ga lekkee.»
Gaa Iisa beneyyiɗe payya gaa: «Ay goŋŋa appe ga Tattu ma aaye samaani kulla asittoŋ lee, gaa kaƴi min aattoŋ saamayyee ɗa oko giiti ma galbanti paratti.»

Listen to Matiye 18