Migaama, Centre - WBT - NT non Drama

Migaama, Centre - WBT - NT Drama

<div class="version vid2999 iso6393mmy" data-vid="2999" data-iso6393="mmy">
 <div class="book bkMAT">
 <div class="chapter ch19" data-usfm="MAT.19">
 <div class="label">19</div><div class="s1">Iisa beneyya ma gaari ku cappiti daato</div><div class="r">(Ello&#331; Mark 10.1-12, Lik 16.18)</div><div class="p"> 1Maa ga Iisa gaami&#599;iy beneyyi&#331;geetee kotti, gaa &#436;iili&#599;e min ki&#599;a ta Galilee. Gaa kaati&#599;e ki&#599;a ta Yudee ma aaye ta nussanti katik oko &#436;iiro ta Yurden ma sorotta diiman. 2Guu giimi maani maani jobo&#599;&#599;iya. Gaa i&#331;aa ga rayyidi&#599;iy giimi ma parayya.</div><div class="p"> 3Guu lekki&#599;o Pariziyennigee daare ma asiyee saripti ku maa gu cokkiyya. Guu inniyya goo: &#171;Hukumnigeetine oyowwine a&#599;&#599;e ga gimu cappitti oko daatti ma kulla oorane ka maa ga gassiti?&#187; 4-5Gaa Iisa pa tiiliyyoo gaa: &#171;Kitamniti Mellayi gee: &#8220;Min diilit&#237; dunuuniti ga Mella kilgiyiy giimi, mii&#599;i o daate#19.4-5 Ello&#331; Diilo ta Lawwi Paracco 1.27..&#8221; Gaa Mella beneyyi&#599;e payya gaa: &#8220;Ay &#599;akko appe ga mii&#599;i asi&#599;o ooma min girco tatti ma yaati, gaa dee&#599;o nunta ma daatti. Gaa serco appe gu dee&#599;o pe zii ka&#436;i ka#19.4-5 Ello&#331; Diilo ta Lawwi Paracco 2.24..&#8221; Ku garkiyiy &#599;a a&#599;e beneyyi&#331;gee ku Kitamniti kooko e? 6Ay go&#331;&#331;a appe gu al&#599;o &#599;a payya seera, guta deero pe zii ka&#436;i ka. Ga gimu pa ayya ipira &#599;a maa ga Mella onokke.&#187; 7Guu guta pa beneyyiyyee payya goo: &#171;A gaa go&#331;&#331;a, ayme ga Muusa gaa gaa mii&#599;i capakkati oko daatti, ga kitipiyati katkat ta cappiti, gaa cappitti?&#187; 8Gaa Iisa tiiliyyoo gaa: &#171;Muusa oyowwito&#331;ca jagaw asan gu kayyeeto&#331; talta. Goneka kee min diilit&#237; dunuuniti pa ga ay go&#331;&#331;a &#599;a. 9A oko keeke pa, na beneyyato&#331;: Gaa mii&#599;i cappiti oko daatti o gi esekke &#599;a mii&#599;i, gaa icci&#599;e ka&#436;i, ga gata kaaka un&#816;n&#816;e daatti.&#187;</div><div class="p"> 10Guu jobookeetee beneyyiyyee goo: &#171;A gii ay taata appe ay nuntiti mii&#599;i ma daatti, gi samaane &#436;iila ga mii&#599;i al&#599;o icca &#599;a daate.&#187; 11Gaa Iisa pa tiiliyyoo gaa: &#171;Ay mi&#599;i paracco &#599;a ma gederra gu oyyiyya beneyto&#331; ka icciti &#599;a keeke, illa ay daare ka maa ga Mella berewwiyoo. 12A guta pa, lekka mi&#599;i ma daa &#599;a mi&#599;i min wiyawco saa, daare pa ay giimi ka doolowwiy o daare pa ay guta saa a&#331;ke gu nunti&#599;o ale&#331; giimi ma deewa &#599;a mi&#599;i saanane ka mulunniti Mellayi. Maa gaa gederra ga oyyicca giraane teete ga oyyica.&#187;</div><div class="s1">Iisa jobay miici ku rootta</div><div class="r">(Ello&#331; Mark 10.13-16, Lik 18.15-17)</div><div class="p"> 13Gaa wikinne paalta omma, gu giimi daare a&#599;e itiriyyee miici oko Iisa goo ga gagaayoogu pittee kayyeeco ga inniyyo Mella. Guu jobookeetee pa maka&#599;&#599;iyo oko gayyeeco. 14Gaa beneyyiyyoo gaa: &#171;Duwaaniyo oko miico gu asiyyaw. A&#599;aaniyo to&#599;&#599;a &#599;a asan gi mulunniti Mellayi ay oko giimi ma ay ale&#331; guta.&#187; 15Gaa Iisa gagiyyoogu pittee kayyeeco oko miico ku maa ga baariki&#599;iy. Gaa &#436;iili&#599;e min i&#331;aa.</div><div class="s1">Iisa o &#599;ibilu ma ay ayaawa</div><div class="r">(Ello&#331; Mark 10.17-31, Lik 18.18-30)</div><div class="p"> 16Lekka &#599;ibilu ka&#436;i a&#599;e ma asiyee oko Iisa. Gaa inniyya gaa: &#171;Garaawa, na lee ini me ka samaane ku maa na gassicca hayaatane ma gakamma &#599;a ta kaw?&#187; 17Gaa Iisa pa tiiliyyee gaa: &#171;Ayme ki enew&#599;ino ma ka samaane? Ka&#436;i ka ma leewa ka samaane, gata pa ay Mella kayti ka. Kii a&#331;ka ki gassicca hayaatane ma gakamma &#599;a ta kaw, ki jobbiy hukumnigee.&#187; 18Gaa gimu kaaka inni&#599;e payya gaa: &#171;Hukumnigee ay &#331;awwa maa na jobbu?&#187; Gaa Iisa pa tiiliyyee gaa: &#171;&#8220;Addo dee &#599;a gimu ma aaniyo, o ga kii mii&#599;i addo un&#816;n&#816;a &#599;a oko daatti giicum o ga ka&#331; daate pa kulla ka addo issa &#599;a mitti gatte, o ki addo maasa &#599;a. Arki ar&#599;a &#599;a giicum ma borooli. 19Cipiliy semeetee taccum o ku yaacum&#8221; o &#8220;ki &#436;ekkiya giicum ale&#331; maa ki &#436;ekkiyya ziicum#19.19 Ello&#331; Oomiti min Masir 20.12-16 o &#394;illico Hukumnigeyyo 5.16-20 o So&#436;oowee ku Sa&#599;ika&#331;geyyo 19.18..&#8221;&#187; 20Gaa &#599;ibilu kaaka beneyyiyyee oko Iisa gaa: &#171;Na jobokkiy paa&#599;e hukumnigee kooko paracco. Ay me payya ma koyowwiyaw unti Mellayi?&#187; 21Gaa Iisa tiiliyyee gaa: &#171;Kii a&#331;ka ki dee&#599;o gimu maa ga lekka &#599;a ya maatiki ma koyowwiyee, ki addo ki dee&#599;iko gi&#599;a lawcam paracco, kii biriyyooga gurus kaaka oko giimi ku saamo. Go&#331;&#331;a ga Mella beram ayaawi gonek samaani. Kii yooki&#599;o ki asinno jobba.&#187; 22Maa ga &#599;ibilu giyyiyya beneyti Iisa kaaka, gaa yooki&#599;e ma zorontiyti asan ga ay ayaawa ta tirta.</div><div class="p"> 23Gaa Iisa beneyyiyyoo oko jobookeetee gaa: &#171;Na beneyyato&#331;ca seene, ayaawa gi ra&#599;&#599;ee ta tirta ga un&#816;n&#816;i&#599;o mulunniti Mellayi. 24Na gayaato&#331; payya: Oko lukumi gi ra&#599;&#599;ee ta tirta ga &#599;aami&#599;o ma buuliti &#436;ibirri. Oko ayaawayi soopa gi ra&#599;&#599;e payya &#436;iila ga un&#816;n&#816;i&#599;o mulunniti Mellayi.&#187; 25Maa gu jobookeetee Iisa giyyi&#599;iy beneyyi&#331;geetee kotti, guu ajjibi&#599;e ta tirta. Guu beneyyi&#599;e goo: &#171;A gaa go&#331;&#331;a ga ay we pe ma gederra ga dee&#599;o najjiyenta?&#187; 26Gaa Iisa elel&#599;iy &#436;oy. Gaa beneyyiyyoo gaa: &#171;Giimi gederree &#599;a ta kaw oko keeke, Mella soopa gederree oko latta paratti.&#187;</div><div class="p"> 27Gaa Piyer beneyyiyyee oko Iisa gaa: &#171;A nii keeke ma cappiyoo oko lawtini paracco nii jobbi&#599;um, ay ini me pe ma akkini dee?&#187; 28Gaa Iisa tiiliyyoo gaa: &#171;Na beneyyato&#331;ca seene, oko dunuune ta marawta, ga Runti Gimi akka nunta wikirti ka mulunniti ma garaa darjanti. Ku&#331; ma jobbinoo pa, akka nunta ga ku&#331; kulla wereeriyee ku mulunniti orro o seera. Kuu asi&#599;iy hikimiya balleeco giimi ku Isirayel ku orro o seera. 29Kulla gimu a&#599;e ma capakkayo oko gerratee, oko seneetee ku mi&#599;itta o ku daatta, o oko tatti o oko yaati, o oko rontee o oko gannatee saanantu oko naa, akka gassa miyati&#331; &#436;iila o ga gasakka hayaatane ma gakamma &#599;a ta kaw. 30Maani min oko giimi ku ha&#331;ka kooko ma ay ku omma akka dee ku sulaayi o ku sulaayi akka dee ku omma.&#187;</div>
 </div>
 </div>
</div>

Maa ga Iisa gaamiɗiy beneyyiŋgeetee kotti, gaa ƴiiliɗe min kiɗa ta Galilee. Gaa kaatiɗe kiɗa ta Yudee ma aaye ta nussanti katik oko ƴiiro ta Yurden ma sorotta diiman. Guu giimi maani maani joboɗɗiya. Gaa iŋaa ga rayyidiɗiy giimi ma parayya.
Guu lekkiɗo Pariziyennigee daare ma asiyee saripti ku maa gu cokkiyya. Guu inniyya goo: «Hukumnigeetine oyowwine aɗɗe ga gimu cappitti oko daatti ma kulla oorane ka maa ga gassiti?» Gaa Iisa pa tiiliyyoo gaa: «Kitamniti Mellayi gee: “Min diilití dunuuniti ga Mella kilgiyiy giimi, miiɗi o daate.” Gaa Mella beneyyiɗe payya gaa: “Ay ɗakko appe ga miiɗi asiɗo ooma min girco tatti ma yaati, gaa deeɗo nunta ma daatti. Gaa serco appe gu deeɗo pe zii kaƴi ka.” Ku garkiyiy ɗa aɗe beneyyiŋgee ku Kitamniti kooko e? Ay goŋŋa appe gu alɗo ɗa payya seera, guta deero pe zii kaƴi ka. Ga gimu pa ayya ipira ɗa maa ga Mella onokke.» Guu guta pa beneyyiyyee payya goo: «A gaa goŋŋa, ayme ga Muusa gaa gaa miiɗi capakkati oko daatti, ga kitipiyati katkat ta cappiti, gaa cappitti?» Gaa Iisa tiiliyyoo gaa: «Muusa oyowwitoŋca jagaw asan gu kayyeetoŋ talta. Goneka kee min diilití dunuuniti pa ga ay goŋŋa ɗa. A oko keeke pa, na beneyyatoŋ: Gaa miiɗi cappiti oko daatti o gi esekke ɗa miiɗi, gaa icciɗe kaƴi, ga gata kaaka un̰n̰e daatti.»
Guu jobookeetee beneyyiyyee goo: «A gii ay taata appe ay nuntiti miiɗi ma daatti, gi samaane ƴiila ga miiɗi alɗo icca ɗa daate.» Gaa Iisa pa tiiliyyoo gaa: «Ay miɗi paracco ɗa ma gederra gu oyyiyya beneytoŋ ka icciti ɗa keeke, illa ay daare ka maa ga Mella berewwiyoo. A guta pa, lekka miɗi ma daa ɗa miɗi min wiyawco saa, daare pa ay giimi ka doolowwiy o daare pa ay guta saa aŋke gu nuntiɗo aleŋ giimi ma deewa ɗa miɗi saanane ka mulunniti Mellayi. Maa gaa gederra ga oyyicca giraane teete ga oyyica.»


Gaa wikinne paalta omma, gu giimi daare aɗe itiriyyee miici oko Iisa goo ga gagaayoogu pittee kayyeeco ga inniyyo Mella. Guu jobookeetee pa makaɗɗiyo oko gayyeeco. Gaa beneyyiyyoo gaa: «Duwaaniyo oko miico gu asiyyaw. Aɗaaniyo toɗɗa ɗa asan gi mulunniti Mellayi ay oko giimi ma ay aleŋ guta.» Gaa Iisa gagiyyoogu pittee kayyeeco oko miico ku maa ga baarikiɗiy. Gaa ƴiiliɗe min iŋaa.


Lekka ɗibilu kaƴi aɗe ma asiyee oko Iisa. Gaa inniyya gaa: «Garaawa, na lee ini me ka samaane ku maa na gassicca hayaatane ma gakamma ɗa ta kaw?» Gaa Iisa pa tiiliyyee gaa: «Ayme ki enewɗino ma ka samaane? Kaƴi ka ma leewa ka samaane, gata pa ay Mella kayti ka. Kii aŋka ki gassicca hayaatane ma gakamma ɗa ta kaw, ki jobbiy hukumnigee.» Gaa gimu kaaka inniɗe payya gaa: «Hukumnigee ay ŋawwa maa na jobbu?» Gaa Iisa pa tiiliyyee gaa: «“Addo dee ɗa gimu ma aaniyo, o ga kii miiɗi addo un̰n̰a ɗa oko daatti giicum o ga kaŋ daate pa kulla ka addo issa ɗa mitti gatte, o ki addo maasa ɗa. Arki arɗa ɗa giicum ma borooli. Cipiliy semeetee taccum o ku yaacum” o “ki ƴekkiya giicum aleŋ maa ki ƴekkiyya ziicum.”» Gaa ɗibilu kaaka beneyyiyyee oko Iisa gaa: «Na jobokkiy paaɗe hukumnigee kooko paracco. Ay me payya ma koyowwiyaw unti Mellayi?» Gaa Iisa tiiliyyee gaa: «Kii aŋka ki deeɗo gimu maa ga lekka ɗa ya maatiki ma koyowwiyee, ki addo ki deeɗiko giɗa lawcam paracco, kii biriyyooga gurus kaaka oko giimi ku saamo. Goŋŋa ga Mella beram ayaawi gonek samaani. Kii yookiɗo ki asinno jobba.» Maa ga ɗibilu giyyiyya beneyti Iisa kaaka, gaa yookiɗe ma zorontiyti asan ga ay ayaawa ta tirta.
Gaa Iisa beneyyiyyoo oko jobookeetee gaa: «Na beneyyatoŋca seene, ayaawa gi raɗɗee ta tirta ga un̰n̰iɗo mulunniti Mellayi. Na gayaatoŋ payya: Oko lukumi gi raɗɗee ta tirta ga ɗaamiɗo ma buuliti ƴibirri. Oko ayaawayi soopa gi raɗɗe payya ƴiila ga un̰n̰iɗo mulunniti Mellayi.» Maa gu jobookeetee Iisa giyyiɗiy beneyyiŋgeetee kotti, guu ajjibiɗe ta tirta. Guu beneyyiɗe goo: «A gaa goŋŋa ga ay we pe ma gederra ga deeɗo najjiyenta?» Gaa Iisa elelɗiy ƴoy. Gaa beneyyiyyoo gaa: «Giimi gederree ɗa ta kaw oko keeke, Mella soopa gederree oko latta paratti.»
Gaa Piyer beneyyiyyee oko Iisa gaa: «A nii keeke ma cappiyoo oko lawtini paracco nii jobbiɗum, ay ini me pe ma akkini dee?» Gaa Iisa tiiliyyoo gaa: «Na beneyyatoŋca seene, oko dunuune ta marawta, ga Runti Gimi akka nunta wikirti ka mulunniti ma garaa darjanti. Kuŋ ma jobbinoo pa, akka nunta ga kuŋ kulla wereeriyee ku mulunniti orro o seera. Kuu asiɗiy hikimiya balleeco giimi ku Isirayel ku orro o seera. Kulla gimu aɗe ma capakkayo oko gerratee, oko seneetee ku miɗitta o ku daatta, o oko tatti o oko yaati, o oko rontee o oko gannatee saanantu oko naa, akka gassa miyatiŋ ƴiila o ga gasakka hayaatane ma gakamma ɗa ta kaw. Maani min oko giimi ku haŋka kooko ma ay ku omma akka dee ku sulaayi o ku sulaayi akka dee ku omma.»

Listen to Matiye 19