មាគ៌ាពិតនៃព្រះទៅកាន់ភាពជោគជ័យគំរូ

គ្មាននរណាម្នាក់ខំប្រឹងប្រែងណាស់ ដើម្បីឱ្យខ្លួនត្រូវបរាជ័យឡើយ។ ហើយក្នុងខណៈពេលថា យើងមិនអាចវិលត្រឡប់បកក្រោយវិញបាន និងពុំអាចកែកំហុសខុសឆ្គងនៃអតីតកាលរបស់យើងបានទេ នោះយើងនៅតែមានជម្រើសឱ្យក្លាយទៅជាអ្នកមានភាពជោគជ័យ ចាប់ពីពេលនេះតទៅបាន។ យើងអាចចាប់ផ្ដើម ឬបន្តធ្វើដំណើរ ដោយបំពេញតាមគោលដៅជីវិត ដែលព្រះមានសម្រាប់យើង។

ព្រះជាម្ចាស់ប្រទានដល់យើងនូវអាថ៌កំបាំងនៃការរស់នៅក្នុងជីវិតដ៏ជោគជ័យ តាមអត្ថបទគម្ពីរ ទំនុកតម្កើង ២៥៖១៤។ ការស្គាល់ពីសម្ពន្ធមេត្រីនៃព្រះ នោះគឺជាការស្គាល់ពីក្ដីសប្បុរសនិងព្រះពររបស់ព្រះអង្គ។  សម្ពន្ធមេត្រីរបស់ព្រះអង្គ នោះផ្សាភ្ជាប់ទៅនឹងការឃុំគ្រងរបស់ព្រះអង្គ។ ចូរតម្រឹមរូបខ្លួនអ្នកក្រោមការគ្រប់គ្រងនៃព្រះ សម្រាប់ជីវិតរបស់អ្នក នោះអ្នកនឹងទទួលបានភាពជោគជ័យខាងឯវិញ្ញាណ។ 

ប៉ុន្តែខគម្ពីរនេះមានភ្ជាប់មកនូវលក្ខខណ្ឌ៖ អ្នកអាចមកស្គាល់ពីសម្ពន្ធមេត្រីព្រះបាន ដោយការគោរពកោតខ្លាចព្រះ តែប៉ុណ្ណោះ។ នេះជាស្ថានភាពអនុវត្ត តាមដំណើរហេតុនឹងផល ដើម្បីឱ្យអ្នកអាចទទួលបាននូវភាពជោគជ័យខាងវិញ្ញាណ។ វាថ្លែងអំពីការប្រតិបត្តិតាម ដោយយោងទៅលើការលើកតម្កើងនិងការថ្វាយការគោរព ដែលអ្នកបង្ហាញទៅចំពោះព្រះ និងព្រះបន្ទូលរបស់ព្រះអង្គ។ ការនេះនឹងប៉ះពាល់ដោយផ្ទាល់ទៅលើកម្រិតនៃភាពជោគជ័យខាងឯវិញ្ញាណរបស់អ្នក។ អ្នកមិនអាចទៅបង្ខូចព្រះនាមព្រះតាមការសម្រេចចិត្តរបស់អ្នក រួចហើយរំពឹងថានឹងទទួលបានសមិទ្ធផលក្នុងកម្រិតណាមួយ នៃភាពជោគជ័យក្នុងនគរព្រះបានទេ។ ភាពជោគជ័យគឺចាប់ផ្ដើមដោយការគោរពនិងការស្ដាប់បង្គាប់។

តើមានផ្នែកណាខ្លះនៃជីវិតរបស់អ្នក ដែលអ្នកពុំបានបង្ហាញពីការគោរពកោតខ្លាចត្រឹមត្រូវចំពោះព្រះ?

តើការមានសម្ពន្ធមេត្រីជាមួយនឹងព្រះ នោះមានន័យយ៉ាងដូចម្ដេច?

យើងខ្ញុំសង្ឃឹមថាមេរៀនទាំងនេះជួយលើកទឹកចិត្តដល់អ្នក។ ស្វែងយល់បន្ថែមពី លោកគ្រូ ថូនី អេវិន និងការក្រោកឡើងនៃបុរសសម្រាប់នគរព្រះ តាមតំណភ្ជាប់ ត្រង់នេះ។