លេវីវិន័យ 16:32-34 មានតែបូជា‌ចារ្យ*ដែលបានទទួលការចាក់ប្រេងតែង‌តាំង ឲ្យបំពេញមុខងារជាបូជា‌ចារ្យស្នងឪពុករបស់ខ្លួនប៉ុណ្ណោះ ទើបមានសិទ្ធិធ្វើពិធីលោះបាប។ បូជា‌ចារ្យនោះត្រូវស្លៀកសម្លៀក‌បំពាក់ធ្វើពី | ព្រះគម្ពីរភាសាខ្មែរបច្ចុប្បន្ន ២០០៥ (គខប)

លេវីវិន័យ 16:32-34 គខប

មានតែបូជា‌ចារ្យ*ដែលបានទទួលការចាក់ប្រេងតែង‌តាំង ឲ្យបំពេញមុខងារជាបូជា‌ចារ្យស្នងឪពុករបស់ខ្លួនប៉ុណ្ណោះ ទើបមានសិទ្ធិធ្វើពិធីលោះបាប។ បូជា‌ចារ្យនោះត្រូវស្លៀកសម្លៀក‌បំពាក់ធ្វើពីអំបោះធ្មៃ ដែលជាសម្លៀក‌បំពាក់សក្ការៈ។ គាត់ត្រូវធ្វើពិធីជម្រះទីសក្ការៈដ៏វិសុទ្ធ ជម្រះពន្លាជួបព្រះ‌អម្ចាស់ និងជម្រះអាសនៈឲ្យបរិសុទ្ធ ព្រមទាំងរំដោះបាបបូជា‌ចារ្យ និងប្រជា‌ជនទាំងអស់ក្នុងសហគមន៍។ នេះជាច្បាប់ដែលអ្នករាល់គ្នាត្រូវកាន់រហូតតទៅ ឥតប្រែ‌ប្រួលឡើយ ដើម្បីឲ្យរៀងរាល់ឆ្នាំ ជន‌ជាតិអ៊ីស្រា‌អែលបានរួចផុតពីអំពើបាបទាំងប៉ុន្មាន»។ គេក៏ធ្វើតាមព្រះ‌បន្ទូលដែលព្រះ‌អម្ចាស់បង្គាប់មកលោកម៉ូសេ។

អាន លេវីវិន័យ 16

ស្ដាប់នូវ លេវីវិន័យ 16