Gen 39
39
UJosefa lomkaPotifa
1UJosefa wasiwa eGibithe; uPotifa, inceku kaFaro lenduna yabalindi, engumGibithe, wamthenga kumaIshmayeli ayemuse khona. 2INkosi yayiloJosefa, waba ngumuntu ophumelelayo; wayehlala endlini yenkosi yakhe yomGibithe.#Seb 7:9 3Inkosi yakhe yabona ukuthi iNkosi ilaye, lokuthi konke akwenzayo iNkosi yakuphumelelisa. 4UJosefa wafumana umusa phambi kwayo, wayisebenzela; yamenza waba ngumphathi wendlu yayo lakho konke eyayilakho. 5Kusukela esikhathini eyamenza ngaso abe ngumphathi wendlu yayo lakho konke eyayilakho, iNkosi yayibusisa indlu yomGibithe ngenxa kaJosefa; isibusiso seNkosi saba phezu kwakho konke okwayo, endlini lasemasimini. 6Yamphathisa uJosefa konke okwayo; yayingazi lutho lwayo kuphela ukudla eyayikudla. UJosefa wayemuhle ebukeka.
7Kwathi emva kwesikhatshana inkosikazi yenkosi imbona yamkhanuka; yathi: Lala lami. 8Kodwa wala, wathi enkosikazini: Khangela, inkosi yami kayikwazi engilakho endlini, ingiphathisile konke okwayo; 9ngakhoke kakho omkhulu kulami endlini le; kayingigodlelanga lutho, kuphela wena ngoba ungumkayo; ngingenza kanjani isono esingaka, ngone kuNkulunkulu na? 10Insuku ngensuku yayimcela uJosefa ukuba alale layo, ahlale layo, kodwa kayilalelanga. 11Kwathi ngosuku oluthile wangena endlini esiyakwenza umsebenzi wakhe, kungekho loyedwa owendlu phakathi, 12yambamba ngengubo yakhe yathi: Lala lami. Kodwa watshiya ingubo esandleni sayo, wabaleka, waphumela phandle. 13Kwathi isibonile ukuthi utshiyile ingubo yakhe esandleni sayo, wabaleka, 14yabiza abendlu yayo, yakhuluma labo isithi: Khangelani, silethelwe umHeberu ukuba adlale ngathi; wangena ukuba alale lami, ngahlaba umkhosi; 15esezwile ngihlaba umkhosi, watshiya ingubo yakhe kimi, wabaleka, waphumela phandle. 16Yasiyigcina leyongubo yakhe yaze yafika inkosi yakhe. 17Yakhuluma layo ngalamazwi yathi: Inceku engumHeberu, osilethele yona, izile kimi ukuba idlale ngami; 18kwathi ukuba ngihlabe umkhosi, yatshiya ingubo yayo kimi, yabalekela phandle.
19Inkosi kaJosefa yathukuthela lapho isizwa amazwi omkayo esithi: Inceku yakho yenze njalo kimi. 20Inkosi yakhe yamthatha yamfaka entolongweni indawo lapho zazibotshelwa khona izibotshwa zenkosi; wahlala khona entolongweni. 21Kodwa iNkosi yaba loJosefa, yaba lomusa kuye, yenza ukuba umlindintolongo amphathe kuhle.#Seb 7:9 22Umlindintolongo wammisa uJosefa ukuba aphathe zonke izibotshwa ezazisentolongweni; lakho konke ezazikwenza lapho kwakusenziwa ngelizwi lakhe. 23Umlindintolongo kasakhangelanga lutho olwaluphethwe nguJosefa, ngoba iNkosi yayilaye; lalokho akwenzayo iNkosi yakuphumelelisa.
ទើបបានជ្រើសរើសហើយ៖
Gen 39: BE1978
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of Zimbabwe 1978