Gen 36
36
Inzalo kaEsawu
1Lezi yizizukulwana zikaEsawu onguEdoma. 2UEsawu wathatha abafazi kuwo amadodakazi kaKanani, uAda indodakazi kaEloni umHethi, loOholibama indodakazi kaAna, indodana kaZibeyoni umHivi,#Gen 26:34 3loBasemathi indodakazi kaIshmayeli udadewabo kaNebayothi.#Gen 28:9 4UAda wamzalela uEsawu uElifazi, loBasemathi wazala uRehuweli; 5uOholibama wazala uJewushi loJalama loKora; lawo ngamadodana kaEsawu azalelwa elizweni laseKanani.
6UEsawu wasethatha omkakhe lamadodana akhe lamadodakazi akhe, kanye labo bonke abendlu yakhe, lezinkomo zakhe lemfuyo yakhe yonke lempahla yakhe yonke abeyizuzile elizweni laseKanani, waya elizweni elikhatshana lomfowabo uJakobe. 7Ngoba imfuyo yabo yayinkulu kakhulu bengelakuhlala ndawonye, lelizwe abebehlala kulo lahluleka ukubathwala ngenxa yezinkomo zabo. 8UEsawu wakha entabeni yaseSeyiri; uEsawu unguEdoma.
9Lezi yizizukulwana zikaEsawu uyise wabakoEdoma abahlala ngasentabeni yaseSeyiri; 10la ngamabizo amadodana kaEsawu, uElifazi indodana kaAda umkaEsawu, loRehuweli indodana kaBasemathi umkaEsawu. 11Amadodana kaElifazi ayengoTemani loOmari loZefo loGatama loKenazi. 12UTimina wayengumfazi omncane kaElifazi indodana kaEsawu, wamzalela uElifazi uAmaleki; lawo ngamadodana kaAda umkaEsawu. 13La ngamadodana kaRehuweli, uNahathi loZera loShama loMiza; lawo ngamadodana kaBasemathi umkaEsawu. 14La ngamadodana kaOholibama indodakazi kaAna, indodana kaZibeyoni umkaEsawu; wamzalela uEsawu uJewushi loJalama loKora.
15Lezi yizinduna emadodaneni kuEsawu; emadodaneni kuElifazi izibulo likaEsawu zazingoTemani loOmari loZefo loKenazi 16loKora loGatama loAmaleki; lezo yizinduna ezivela kuElifazi elizweni lakoEdoma; bangamadodana kaAda. 17La ngamadodana kaRehuweli indodana kaEsawu; ayizinduna uNahathi loZera loShama loMiza; lezi yizinduna ezivela kuRehuweli elizweni lakoEdoma; bona bangamadodana kaBasemathi umkaEsawu. 18La ngamadodana kaOholibama, umkaEsawu; ayizinduna uJewushi loJalama loKora; lezi yizinduna ezivela kuOholibama, indodakazi kaAna, umkaEsawu. 19Lawo ngamadodana kaEsawu onguEdoma, futhi labo babeyizinduna zawo.
Inzalo kaSeyiri
20La ngamadodana kaSeyiri umHori, ayakhe kulelolizwe, angoLotani loShobali loZibeyoni loAna#1 Lan 1:38–54 21loDishoni loEzeri loDishani; laba babeyizinduna abadabuka kuwo amaHori, abantwana kabaSeyiri elizweni lakoEdoma. 22Abantwana bakaLotani babengoHori loHemama; udadewabo kaLotani wayenguTimina. 23Laba babengabantwana bakaShobali, uAlivani loManahathi loEbali loShefo loOnama. 24Laba babengabantwana bakaZibeyoni, uAya loAna; nguye uAna owafumana imithombo yamanzi atshisayo enkangala alusile obabhemi bakaZibeyoni uyise. 25Laba babengabantwana bakaAna, uDishoni, loOholibama indodakazi kaAna. 26Laba babengabantwana bakaDishoni, uHemidani loEshibani loJitrani loKerani. 27Laba babengabantwana bakaEzeri, uBilihani loZahavana loAkani. 28Laba babengabantwana bakaDishani, uUzi loArani. 29Lezi yizinduna ezadabuka kuwo amaHori, zinguLotani loShobali loZibeyoni loAna 30loDishoni loEzeri loDishani; lezo yizinduna ezadakuba kuwo amaHori, izinduna ngezinduna elizweni laseSeyiri.
Amakhosi elizwe lakoEdoma
31La ngamakhosi ayebusa elizweni lakoEdoma, abantu bakoIsrayeli bengakabuswa yinkosi. 32UBela indodana kaBeyori wabusa eEdoma, ibizo lomuzi wakhe laliyiDinihaba. 33UBela wafa, uJobabi indodana kaZera waseBozira waba yinkosi esikhundleni sakhe. 34UJobabi wafa, loHushama owaselizweni lamaTemani waba yinkosi esikhundleni sakhe. 35UHushama wafa, loHadadi indodana kaBedadi owanqoba amaMidiyani emagcekeni aseMowabi waba yinkosi esikhundleni sakhe; ibizo lomuzi wakhe laliyiAvithi. 36UHadadi wafa, loSamila waseMasireka waba yinkosi esikhundleni sakhe. 37USamila wafa, loShawuli waseRehobothi ngasemfuleni waba yinkosi esikhundleni sakhe. 38UShawuli wafa, loBali‐Hanani indodana kaAkibori waba yinkosi esikhundleni sakhe. 39UBali‐Hanani indodana kaAkibori wafa, loHadari waba yinkosi esikhundleni sakhe; ibizo lomuzi wakhe laliyiPawu; ibizo lomkakhe lalinguMehetabeli indodakazi kaMatiredi indodakazi kaMezahabi.
40La ngamabizo ezinduna ezadabuka kuEsawu ngezimuli zazo, langendawo zazo, langamabizo azo, zazingoTimina loAliya loJethethi 41loOholibama loEla loPinoni 42loKenazi loTemani loMibizari 43loMagidiyeli loIrama; lezo yizinduna zikaEdoma ngokwakha kwabo elizweni elaliyilifa labo; uEsawu nguyise wabakoEdoma.
ទើបបានជ្រើសរើសហើយ៖
Gen 36: BE1978
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of Zimbabwe 1978