Gen 35
35
UNkulunkulu ubusisa uJakobe eBetheli
1UNkulunkulu wasesithi kuJakobe: Suka, uye eBetheli, uhlale khona; umenzele ialtare uNkulunkulu owabonakala kuwe mhla ubalekela uEsawu umnewenu.#Gen 28:11–17 2UJakobe wathi kubo abendlu yakhe lakubo bonke ababelaye: Khuphani izithombe zabonkulunkulu bezizwe eziphakathi kwenu, lizihlambulule lina, lintshintshe izambatho zenu. 3Asisuke sikhuphukele eBetheli, ngimenzele khona uNkulunkulu ialtare owangiphendula mhla ngihlupheka, waba lami endleleni engahamba kuyo. 4Basebemnika uJakobe zonke izithombe zabonkulunkulu bezizwe ababelazo, lamacici ayesezindlebeni zabo; uJakobe wakufihla ngaphansi kwesihlahla esikhulu esasingaseShekema. 5Basebehambake; ukumesaba uNkulunkulu okukhulu kwehlela emizini yakhona; abantu bemizi kabaxotshananga lamadodana kaJakobe. 6UJakobe wafika eLuzi, eliliBetheli eliselizweni laseKanani, yena labantu bonke ababelaye. 7Wakha khona ialtare, wayibiza indawo ngokuthi yiEliBetheli, ngoba uNkulunkulu wabonakala kuye khona mhla ebalekela umnewabo. 8UDebora umlizane kaRebeka wafa, wambelwa eduze leBetheli ngaphansi kwesihlahla esikhulu, ngakho sabizwa ngokuthi yiAloni‐Bakuthi.
9UNkulunkulu wabuya wabonakala kuJakobe esevela ePadani‐Arama, wambusisa. 10UNkulunkulu wathi kuye: Ibizo lakho linguJakobe, kodwa kalisayikuthiwa nguJakobe; ibizo lakho lizakuba nguIsrayeli. Wambiza wathi nguIsrayeli.#Gen 32:28 11UNkulunkulu wathi kuye: NginguNkulunkulu uSomandla; zala wande; kuzakuvela kuwe isizwe, yebo ibandla lezizwe; amakhosi azazalwa nguwe.#Gen 17:4–8 12Ilizwe engalinika uAbrahama loIsaka ngizalinika wena, lenzalo yakho emva kwakho ngiyinike lona. 13UNkulunkulu wenyuka esuka kuye lapho abekhuluma laye khona. 14UJakobe wasemisa insika yokukhonzela lapho abekhuluma laye khona, insika yelitshe. Wathela phezu kwayo umnikelo wokuthululwa, wathela lamagcobo phezu kwayo.#Gen 28:18–19 15UJakobe wabiza indawo lapho uNkulunkulu akhuluma laye khona ngokuthi yiBetheli.
Ukufa kukaRaheli
16Basebesuka eBetheli: kwathi kusesengummango ukuya eEfrathi, uRaheli wahelelwa, wabeletha kanzima. 17Kwathi esabeletha, umbelethisi wathi kuye: Ungesabi, ngoba khathesi uzakuba lenye indodana. 18Kwathi umphefumulo wakhe usuzakuphuma kuye, ngoba esesifa, wayitha ibizo wathi nguBenoni; kodwa uyise wayibiza ngokuthi nguBenjamini. 19URaheli wafa, wambelwa endleleni eya eEfrathi, eliliBetlehema. 20UJakobe wamisa insika phezu kweliba lakhe; yona iyiNsika yeliba likaRaheli kuze kube lamhla. 21UIsrayeli wasuka, wamisa ithente lakhe ngaphambi komphotshonga waseEderi. 22Kwathi uIsrayeli esehlala kulelolizwe, uRubeni waya walala loBiliha umfazi omncinyane kayise; uIsrayeli wakuzwa lokhu.
Amadodana kaJakobe lokufa kukaIsaka
Amadodana kaJakobe ayelitshumi lambili; 23amadodana kaLeya ayengoRubeni, izibulo likaJakobe, loSimeyoni loLevi loJuda loIsakari loZebuluni; 24amadodana kaRaheli ayengoJosefa loBenjamini; 25amadodana kaBiliha, incekukazi kaRaheli, ayengoDani loNafitali; 26amadodana kaZilipa, incekukazi kaLeya, ayengoGadi loAsheri; lawo ngamadodana kaJakobe azalelwa ePadani‐Arama.
27UJakobe wasefika kuIsaka uyise eMamre, eKiriyathi‐Arba, eliliHebroni, lapho bake bahlala khona oAbrahama loIsaka.#Gen 13:18 28Iminyaka yokuhamba kukaIsaka yayilikhulu lamatshumi aficaminwembili. 29UIsaka wafa, wambelwa kwabakibo eseluphele eleminyaka eminengi; uEsawu loJakobe amadodana akhe bammbela.
ទើបបានជ្រើសរើសហើយ៖
Gen 35: BE1978
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of Zimbabwe 1978