Matalikilo 10
10
Mazyalani aabana ba Nowa
(1 Makani 1.5-23)
1Ngaaya mazyalani aabana ba Nowa, ba Syemu, Hamu, a Jafeti, alo akazyalwa ciindi zambangulwe nilyakamana. 2Bana ba Jafeti bakali ba Goma, Magogi, Madayi, Javani, Tubali, Misyeki, a Tilasi. 3Lino bana ba Goma bakali ba Asikenazi, Lifati, a Togaama. 4Javani wakazyala ba Elisyaa, a Taasyisyi, aziinga zya Bakiti aba Dodani. 5Aaba mbabakali bataanzi kukkala kumbali aalwizi alimwi amunsumbu zyalwizi. Mbambabo aaba balunyungu lwa Jafeti. Bakali kukkala mumisyobo yabo yaandeene amumanyika aandeene. Umwi aumwi musyobo wakali kwaamba mwaambo wawo ulikke.
6Bana ba Hamu bakali ba Kusyi, Ijipiti, Puti a Kenani. 7Bana ba Kusyi bakali ba Seba, Havila, Sabita, Laama, a Sabiteka. Lino bana ba Laama bakali ba Syeba a Dedani. 8Kusyi wakazyala mwana wakali kwiitwa kuti Nimulodi. Ooyu wakaba ngomuleli mupati wakusaanguna wakali kulela anguzu munyika yoonse. 9Alimwi wakali muvwimi mupati kwiinda munyika yoonse kuli Leza. Ncenciceeco asunu bantu ncobacijisi kasimi kakuti, “Ooyu mmuvwimi mupati mbuli Nimulodi kuli Leza.” 10Bulelo bwakwe bwakusaanguna bwakali kujatikizya masi aaya, Babeli, Eleki, Akadi. Zisi eezi zyoonse zyakali munyika ya Syainaa. 11Kuzwa kooko wakaya ku Asiliya nkwaakaakuyaka minzi mipati eeyi, Nineva, Lehoboti, Kala, 12a Leseni, iili akati ka Nineva amunzi wa Kala. 13Mwaalumi uutegwa Ijipiti wakaba sikale wamikowa ya Ludi, Anami, Lihaabi, Nafutu, 14Patulisi, Kasilaa, awa Kafitoli, kwakazwa musyobo wa Bafilisiti.
15Mwana wakusaanguna wa Kenani ngu Sidoni. Musule wakazyala Heti, 16abaciinga ca Jebusi, ca Amoli, ca Giigasyi, 17ca Hivi, ca Aaki, ca Sine 18ca Aavadi, ca Zemali, aca Hamati. Musule akooku mikowa yaandeene ya Bakenani yakamwaika, 19limwi minyinza ya cisi ca Bakenani yakali kutalikila kuzwida ku Sidoni, kulangana aku Gelaa akuyoosika ku Gaza, akuya kuminzi ya Sodomu, Gomola, Adima, a Zeboyimu mane akuyoosika ku Lasya. 20Aaya ngamazyalani aa Hamu. Bakali kukkala mumisyobo yabo yaandeene, nkabela umwi aumwi musyobo wakali kwaambaula mwaambo wawo wini.
21Syemu wakali sikale wa Bahibulu alimwi wakali ngomupati wa Jafeti. Wakalijisi bana awalo. 22Aaba bakali ba Elamu, Asyuwa, Aafakisadi, Ludi, a Alamu. 23Bana ba Alamu bakali Uzi, Hulu, Getele a Masyi. 24Aafakisadi wakali wisi wa Syela, awalo Syela wakali wisi wa Eba. 25Walo Eba wakajisi bana bobilo, umwi wakali Pelegi, nkaambo kuciindi ncaakali kupona, bantu bakali andeene. Zina lyamwanookwabo wakali Jokitani. 26Lino Jokitani wakazyala Alimodadi, Syelefu, Hazalamaveti, Jelaa, 27Hodolamu, Uzalo, Dikila, 28Obali, Abimayeli, Syeba, 29Ofii, Habila a Jobabu. Boonse aaba bakali bana ba Jokitani. 30Nyika yabo yakali kutalikila ku Mesya, akutozya ku Sefaa, kumalundu aakujwe. 31Aaba mbabana baciinga ca Syemu, bakali kukkala mumisyobo yabo yaandeene. Umwi aumwi musyobo wakali kwaambaula mwaambo wawo wini.
32Eeyi yoonse njemikowa yabana balunyungu lwa Nowa, mumikowa yakuzyalwa kwabo, alimwi amisyobo yabo. Yoonse misyobo yabantu iili munyika sunu yakazyalwa kuzwa kubana ba Nowa aaba nilyakamana zambangulwe.
ទើបបានជ្រើសរើសហើយ៖
Matalikilo 10: Tonga96
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Tonga Bible © United Bible Societies, 1994.