ទំនុកតម្កើង 16

គ្មានសេចក្ដីល្អណាក្រៅពីព្រះ

មីកតាំ#16:0 មីកតាំ―ឬ “កំណាព្យ”។របស់ដាវីឌ។

1ឱព្រះអើយ សូមការពារទូលបង្គំផង

ដ្បិតទូលបង្គំបានជ្រកកោនក្នុងព្រះអង្គហើយ!

2ខ្ញុំ#16:2 ខ្ញុំ―ឯកសារបុរាណខ្លះថា “អ្នក”។ទូលព្រះយេហូវ៉ាថា៖ “ព្រះអង្គជាព្រះអម្ចាស់នៃទូលបង្គំ

ទូលបង្គំគ្មានសេចក្ដីល្អណាក្រៅពីព្រះអង្គឡើយ”។

3ចំពោះវិសុទ្ធជនដែលនៅលើផែនដី ពួកគេជាមនុស្សដ៏ឧត្ដុង្គឧត្ដម

អស់ទាំងសេចក្ដីត្រេកអររបស់ទូលបង្គំនៅក្នុងពួកគេ។

4ទុក្ខព្រួយរបស់ពួកអ្នកដែលប្រញាប់តាមព្រះ#16:4 ព្រះ―ជាពាក្យជំនួយ។ដទៃនឹងកើនឡើង;

ទូលបង្គំនឹងមិនច្រូចឈាមជាតង្វាយច្រូចរបស់ពួកគេនោះឡើយ

ក៏មិនលើកយកឈ្មោះរបស់ព្រះទាំងនោះលើបបូរមាត់ទូលបង្គំដែរ។

5ព្រះយេហូវ៉ាជាចំណែកមរតករបស់ទូលបង្គំ និងជាពែងរបស់ទូលបង្គំ;

គឺព្រះអង្គហើយ ដែលកាន់វាសនា#16:5 វាសនា―ន័យត្រង់គឺ “ឆ្នោត”។របស់ទូលបង្គំ!

6ខ្សែរង្វាស់បានធ្លាក់នៅកន្លែង#16:6 កន្លែង―ជាពាក្យជំនួយ។គាប់ចិត្តសម្រាប់ទូលបង្គំ

ពិតមែនហើយ ទូលបង្គំបានមរតកដ៏ល្អ!

7ទូលបង្គំនឹងថ្វាយពរព្រះយេហូវ៉ា ជាព្រះអង្គដែលជួយគំនិតទូលបង្គំ;

សូម្បីតែពេលយប់ ក៏ចិត្តទូលបង្គំប្រៀនប្រដៅទូលបង្គំដែរ។

8ទូលបង្គំបានតាំងព្រះយេហូវ៉ានៅមុខទូលបង្គំជានិច្ច;

ដោយសារព្រះអង្គគង់នៅខាងស្ដាំទូលបង្គំ ទូលបង្គំមិនរង្គើឡើយ។

9ហេតុនេះហើយបានជាចិត្តរបស់ទូលបង្គំអរសប្បាយ

ព្រលឹង#16:9 ព្រលឹង―ន័យត្រង់គឺ “សិរីរុងរឿង”។របស់ទូលបង្គំត្រេកអរ

ហើយរូបកាយទូលបង្គំក៏រស់នៅដោយសុខដុមរមនា;

10ដ្បិតព្រះអង្គនឹងមិនបោះបង់ព្រលឹងរបស់ទូលបង្គំចោលនៅស្ថានមនុស្សស្លាប់ឡើយ

ហើយព្រះអង្គក៏នឹងមិនបណ្ដោយឲ្យអង្គដ៏វិសុទ្ធរបស់ព្រះអង្គជួបការរលួយ#16:10 ជួបការរលួយ―ឬ “ឃើញរណ្ដៅមរណៈ”។ដែរ។

11ព្រះអង្គនឹងឲ្យទូលបង្គំស្គាល់ផ្លូវនៃជីវិត;

នៅចំពោះព្រះអង្គមានអំណរដ៏ពោរពេញ

នៅព្រះហស្តស្ដាំរបស់ព្រះអង្គមានសេចក្ដីរីករាយជាដរាប៕

ទើបបានជ្រើសរើសហើយ៖

ទំនុកតម្កើង 16: GKHB

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ខគម្ពីរពេញនិយមពី
ទំនុកតម្កើង 16