ទំនុកតម្កើង 15

អ្នកដែលរស់នៅលើភ្នំរបស់ព្រះ

បទតម្កើងរបស់ដាវីឌ។

1ព្រះយេហូវ៉ាអើយ តើនរណានឹងស្នាក់នៅក្នុងព្រះពន្លារបស់ព្រះអង្គ?

តើនរណានឹងរស់នៅលើភ្នំដ៏វិសុទ្ធរបស់ព្រះអង្គ?

2គឺអ្នកដែលដើរដោយទៀងត្រង់

ប្រព្រឹត្តសេចក្ដីសុចរិត

ហើយនិយាយសេចក្ដីពិតក្នុងចិត្តរបស់ខ្លួន

3មិនមួលបង្កាច់ដោយអណ្ដាត

មិនប្រព្រឹត្តការអាក្រក់ដល់អ្នកជិតខាង

ហើយក៏មិនលើកយកការត្មះតិះដៀលទាស់នឹងមិត្តភក្ដិរបស់ខ្លួនដែរ។

4ក្នុងភ្នែករបស់អ្នកនោះ គាត់មើលងាយមនុស្សដែលត្រូវព្រះ#15:4 ព្រះ―ជាពាក្យជំនួយ។បោះបង់ចោល

ប៉ុន្តែឲ្យតម្លៃមនុស្សដែលកោតខ្លាចព្រះយេហូវ៉ាវិញ;

បើបានស្បថអ្វីមួយ ក៏គាត់មិនប្រែប្រួលដែរ ទោះបីជាត្រូវរងទុក្ខក៏ដោយ។

5គាត់មិនឲ្យគេខ្ចីលុយដើម្បីយកការប្រាក់ឡើយ

ក៏មិនយកសំណូកទាស់នឹងមនុស្សឥតទោសដែរ។

អ្នកដែលប្រព្រឹត្តសេចក្ដីទាំងនេះហើយ ដែលមិនរង្គើជារៀងរហូត!៕

ទើបបានជ្រើសរើសហើយ៖

ទំនុកតម្កើង 15: GKHB

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ខគម្ពីរពេញនិយមពី
ទំនុកតម្កើង 15