ខគម្ពីរពេញនិយមពី San Marcos 13

ចែក​រំលែក

Ya me awich'ic ilayel yu'un spisil ants-winiquetic ta jwenta. Te mach'a ya xcujch' yu'un c'alal ta slajibal, lec me ayix abi.

“Jich yu'un tsajtaya me abaic. Wiq'uiluc me asitic, soc c'oponaic me Dios, yu'un ma na'biluc awu'unic te bi ora ya xc'ot te yoraile.

Te c'alal ya x'ac'otex ta c'abale, ma me xanopilay ta awo'tanic te bila ya xc'o awalique. Ma me xanop ta awo'tanic xujt'uc. Ja' me ya awalic te bila ya yalbeyex ta awo'tanic te Diose te c'alal ayatix tey a, melel ma ja'uquex te ya xc'opojexe. Ja' ya xc'opoj stuquel te Ch'ul Espiritue.

Ya xlaj te ch'ulchane soc te balumilale. Yan te jc'ope, ma xlaj sc'oplal stuquel.

“Ja'uc me to, ma'yuc mach'a ya sna' stojol te bi ora soc te bi c'aalil ya xc'ot ta pasele. Ma sna' uuc te ch'ul abatetique, soc ma sna' uuc te Nich'anile. Ja' nax ya sna' stuquel te Jtatic Diose.

“Yan te ja'exe te c'alal ya awaiyic stojol te ay guerra lum to soc te ay guerra ta c'ubule, ma me xnijc' awo'tanic yu'un. Melel puersa me jich ya xc'ot ta pasel, ja'uc me to, ma to ja'uc te slajibal c'aale.

Jich yu'un wiq'uiluc me asitic, yu'un ma na'biluc awu'unic te bi ora ya xjul tel te yajwal nae, teme yijc'ubel q'uinal, teme olil ajc'ubal, te c'alal ya x'oc' mut, o ta sacubel q'uinal. Teme ay bit'il tal ta orae, ma me wayaluc ya xjul staex. Ya calbeyex te ja'exe, soc uuc te yantique: Wiq'uiluc me asitic ta apisilic —xi' te Jesuse.

Melel te nacionetique ya me scontroin sbaic, soc te muc' ajwaliletique ya me xjajch' scontroin sbaic ta guerra. Ya me xtal tulan nijq'uel ta yantic q'uinal, soc bayal wi'nal. Ja' in to, xjajch'ibal to nax xc'uxul te woclajel ya xtale.

Puersa me ya yich' cholel ta stojol spisil ta jchajp nacionetic ta spamal balumilal te lec yach'il c'op swenta te scolelique.

Melel ay me tsobolic ya xtalic te ya slotbonic jbiile. Ya me yalic: “Jo'on Cristoon”, xiic me. Ay me tsobolic ta jtul te ya xlajic ta lo'layel yu'unique.

“Te ja'exe tsajtaya me abaic. Melel ya me x'ac'otex ta sc'ab te muc'ul tsobleje, soc ya me awich'ic majel ta bay te sinagogaetique. Ya me awich'ic tejc'anel ta stojol ajwaliletic soc ta bay muc' ajwaliletic ta scaj te ach'uunejonique. Jich me testigo ya xc'oex cu'un ta stojolic.

Melel ay ya xchicnaj lotil cristoetic soc lotil j'alwanejetic. Ya me spasic señailetic soc jchajp at'eliletic. Ya me slo'layic uuc te mach'atic tsabilic yu'un te Diose te yacuc xju' yu'unique.

“Ja'uc me to, teme c'axix yorail a te woclajele, ya x'ijc'ub te c'aale, jich ma xyac' xojobil te ue, soc ya xch'ay coel ta ch'ulchan te eq'uetique. Soc ya yich' tijel te bitic ay yipic ta yolil te ch'ulchane.