ខគម្ពីរពេញនិយមពី San Lucas 6

ចែក​រំលែក

Ac'beyaic te bila ma'yuc yu'un te yantique, jich me ya yac'beyex uuc te Diose: Lec p'isbil, tenbil ta nojesel ta lec, yuq'uilbil, xt'oquet nax me te ya scojc'an coel ta yawile. Te jich yipal ya ap'isbeyic te yantique, jich nix yipal ya sp'isbeyex uuc te Diose —xi' te Jesuse.

Te mach'a lec te yo'tane, lec te bila ya yal loq'uel ta yee, yu'un nojel ta yo'tan te bila leque. Yan te mach'a amen te yo'tane, ma lecuc te bila ya yal loq'uel ta yee, yu'un nojel ta yo'tan te bila amene. Melel ta jc'optic ya xchicnaj te bila nojel ta co'tantique.

Yan te ja'exe, c'ux me xawaiy ta awo'tanic te mach'atic ya scontroninexe. Pasbeyaic bila lec soc ac'beya smajanbat te bila ay awu'unique. Ma me x'ac'anbey sjol. Jich me bayal awutsilal ya awich'ic yu'un, soc jich me yal-snich'an ya xc'oex te ch'ul Dios te ay ta ch'ulchane. Melel ya xc'uxtay te mach'atic ma sna'ic yalel wocole soc te mach'atic amen yo'tanique.

Jich yu'un te ja'exe aiyaic me c'uxtaywanej uuc jich bit'il ya yaiy c'uxtaywanej te Atatique.

“Ma me xalebey smul te yane, swenta yu'un jich ma ba ya yich'beyex ac'opic te Diose. Ma me xawac'beyic castigo yu'un smul te yantique, jich ma ba ya yac'beyex castigo yu'un amulic uuc te Diose. Pasaic perdón, jich me ya spasbeyex perdón uuc te Diose.

“Yan te ja'ex te ya awaiybonic stojol te jc'ope, ya calbeyex: C'ux me xawaiy te acontroe. Soc pasbeyaic bila lec te mach'atic ya yilayexe. C'anbeya bendición te mach'a ya sbolc'optayexe, soc c'oponbeyaic Dios te mach'a ya stoybac'optayexe.

Te bi ya sc'an awo'tanic te ya spasbotex yu'un te yane, jich me xapasbeyic uuc.

Teme ay mach'a ya smajbat te achoe, ac'beya smajbat xan te yan mejch'e. Soc teme ay mach'a ya spojbat te ac'u'e, ac'beya te anajt'il-c'u'e, ma me ayuc bila ya awal yu'un. Spisil mach'a ay bila ya sc'anbeyex, ac'beyaic. Soc teme ay mach'a ya spojbeyex te bila ay awu'unique, ma me x'ac'anbeyic sujt'el.

“Ma'yuc lequil te' te amen sit ya yaq'ue; soc ma'yuc amen te' te lec sit ya yaq'ue.

Melel te juju-jpejt' te'e ya jna'beytic sba ta swenta te site. Jich bit'il ma ba ya sitin higo ta bay te ch'ixe, soc ma ba ya sitin ts'usub ta bay te chicch'ixe.