ខគម្ពីរពេញនិយមពី મત્તિ 21

ចែក​រំលែក

અનેં ઝી કઇ તમું પ્રાર્થના મ વિશ્વાસ થકી માંગહો, વેયુ બદ્દું તમનેં મળહે.”

ઇસુવેં હેંનનેં જવાબ આલ્યો, “હૂં તમનેં હાસું કું હે, અગર તમું વિશ્વાસ રાખો અનેં શક નેં કરો, તે નેં ખાલી ઇયુ કરહો ઝી એંના અંજીર ના ઝાડ હાતેં કરવા મ આયુ હે, પુંણ અગર એંના ડુંગોર નેં કેંહો, કે આંહો હરકેંનેં દરજ્યા મ પડેં જા, તે ઇયુ થાએં જાહે.

ઝી મનખં ની મુટી ભીડ હેંનેં અગ્યેડ અનેં વાહેડ સાલતી હીતી, સિસાએં-સિસાએં નેં કીતી હીતી, “દાઉદ રાજા ની પીઢી ના ઇસુ ની બડાઈ થાએ, ધન્ય હે વેયો ઝી પ્રભુ ના નામ થી આવે હે, આકાશ મ બડાઈ થાએ.”

અનેં હેંનનેં કેંદું, “પવિત્ર શાસ્ત્ર મ પરમેશ્વરેં મંદિર ના બારા મ કેંદું હે કે મારું મંદિર બદ્દ દેશ ન મનખં હારુ પ્રાર્થના કરવા નું ઘેર કેંવાહે, પુંણ તમું હેંનેં ડાકુવં નેં રેંવા ની જગ્યા બણાવો હે.”

“યરુશલેમ સેર ન મનખં નેં કો, ભાળો, તમારો રાજા તમારી કનેં આવે હે, વેયો નમ્ર હે, અનેં ગદેડા ઇપેર બેંઠો હે, હાં ગદેડી ના ખુંલ્કા ઇપેર.”

ઇસુવેં હેંનનેં કેંદું, “હું તમવેં કેંરં યે પવિત્ર શાસ્ત્ર મ ઇયુ નહેં વાસ્યુ: ઝેંના ભાઠા નેં મુંટં કારિગરંવેં નકમ્મો ગણ્યો હેંતો, વેયોસ ખુંણા નો ખાસ ભાઠો બણેંજ્યો?” ઇયુ પ્રભુ ની તરફ થી થાયુ, અનેં આપડી નજર મ ગજબ હે.

એંતરે હારુ હૂં તમનેં કું હે કે પરમેશ્વર નું રાજ તમં કન થી લેં લેંવા મ આવહે, અનેં ઇવી જાતિ નેં આલવા મ આવહે, ઝી તાજું કામ કરહે.