ខគម្ពីរពេញនិយមពី Mariko 14

ចែក​រំលែក

Ndipo wakati, “Abba Ŵadada, vinthu vyose nvyamachitiko kwa imwe. Muwuskeko nkhombo iyi ya visuzgo kwa ine. Ndipouli, kuti muchite icho ine nkhukhumba chara, kweni icho imwe mukukhumba.”

Muŵe maso murombenge, mwakuti mureke kunjira mu kuyezgeka. Nadi mzimu ukukhumba kweni thupi ndakutomboroka.”

Nadi nkhumuphalirani kuti, kose uko Uthenga Uweme wamkupharazgika mu charu chose cha pasi, ichi wachita mwanakazi uyu nacho chamkuyowoyeka kuti ŵanthu ŵamukumbukirenge chakhe.”

Sono wakati kwa iwo, “Mtima wane uli na chitima chikuru chomene icho chikunditorera na ku nyifwa. Imwe kharani pano, kweni muŵe maso.”

Apo ŵakaŵa pa kurya, Yesu wakatora chingwa, wakawonga Chiuta, ndipo wakachimenya na kuŵapa ŵasambiri ŵakhe wakati, “Torani, ili ndi thupi lane.”

Ndipo wakatora nkhombo, wakawonga Chiuta na kuŵapa ŵasambiri wakhe, ntheura wose ŵakamwapo. Ndipo wakaŵaphalira wakati, “Izi ndi ndopa zane za phangano izo zathikira ŵanthu ŵanandi.

Yesu wakaŵaphalira wakati, “Mose muti mukhuŵazgikenge na kundireka ndekha, nga ndi umo kuli kulembekera kuti, ‘Nditi nditimbe muliska, ndipo mberere zamkumbininika.’

Wukani. Tirutenge! Wonani uyo wakundendera mphiska wafika.”

Yesu wakamuzgora wakati, “Nadi nkhukuphalira kuti, usiku weneuwu uwu, tambala wandalire kaŵiri, iwe wamkundikana katatu.”