ខគម្ពីរពេញនិយមពី Mariko 13

ចែក​រំលែក

Ŵanthu wose ŵamkumutinkhani chifukwa cha zina lane. Kweni uyo wamkuzizipizga mpaka ku umaliro, ndiyo wamkuponoskeka.

Chenjerani, muŵe maso, chifukwa mukumanya apo nyengo yikwanirenge chara.

Para mwakoreka na kutorekera ku mphara, mungakenjerwanga na icho mwamkuyowoya. Kweni mwamkuyowoya icho Chiuta wamkumupani pa nyengo yira, chifukwa ndimwe mwamkuyowoya chara kweni Mzimu Mutuŵa.

Kuchanya na pasi vimarenge, kweni mazgu ghane kuti ghati ghamarenge chara.”

“Palije munthu na yumoza uyo wakumanya vya zuŵa ilo panji ora nanga mbangelo ŵa kuchanya, nesi Mwana kweni Ŵadada pera.

Para mwamkupulika chiwawa cha zinkhondo za pafupi na mbiri ya zinkhondo zakuchitika kutali, mungakenjerwanga. Pakuti vya ntheura ivi vikwenera kuŵako nadi, kweni kuti ndiwo umaliro chara.

Ntheura muŵe maso, chifukwa mukumanya chara apo mwene-nyumba wizirenge, panji na mise, panji na usiku pakati panji ku matandakucha para ŵatambala ŵakulira, panji na mulenje, mzire para wakwiza mu mabuchibuchi, wizakamusangani muli mu tulo. Icho nkhumuyowoyerani imwe, nkhuyowoyera wose, ‘Muŵe maso.’ ”

Pakuti mtundu wamkuwukira mtundu unyakhe, ndipo ufumu nawo wamkuwukirana na ufumu unyakhe. Kwamkuŵako vindindindi mu malo ghakupambanapambana ndipo kwamkuŵakoso njara. Uku ndiko kwamba kwa nyengo ya visuzgo.”

Kweni Uthenga Uweme ukwenera kupharazgika danga ku mafuko ghose.

Chifukwa ŵanandi ŵamkwiza mu zina lane na kuyowoya kuti, ‘Khristu ndine’ ndipo ŵamkupuruska ŵanthu ŵanandi.

Kweni Yesu wakati, Imwe muchenjere, ŵanthu ŵamkumuperekani ku zimphara na kumweruzgani ndipo ŵamkumutimbirani mu nyumba zawo zakusoperamo. Mwamkwimilira panthazi pa nduna na ŵakaronga chifukwa cha zina lane kuti mukaŵe ŵakaboni ŵane panthazi pawo.

Pakuti ŵamesiya ŵa utesi na nchimi za utesi zamkuwuka ndipo zamkurongora vimanyikwiro vikuru na minthondwe mwakuti usange nchamachitiko ŵapusiske ŵakusoreka ŵa Chiuta.

“Kweni mu mazuŵa agho pamanyuma pa visuzgo vira, dazi lizamkufipiskika, na mwezi nawo kuti wamkuŵala chara. Ndipo nyenyezi zamkumbotoka kufuma kuchanya, nkhongono za mlengalenga zamkusunkhunyika!