Ruti 4
4
1Asi manga tha Boasi ka lae alaa ka ono imaana ma'ethaka ana toaa susu eri. Si manga wane ana tata'e la fasia kwalafa nia e ngata sulia e lae mai, Boasi ka sorea isana, <<"o lae mai ise'e wane kwaimani nau, mani nia ka lae kau ka ono.">>
2Boasi ka ngalia te akwala ana to'a gwaungai ila fanua kera ma ka sorea, <<"Ono se'eki,">> ma keka ilia. 3Sui nia ka sorea isana wane ana tata'ela fasia kwalafa, << Ni Naome, e oli mai fasia i Moaba, nia kai usiania si tha`e-gano ba do'oraka tha Elimeleke 4Ku manato'ona si doo eri nia na kwa aili oe mai fasia oko usia si manga na to'a gwaungai kera ono na'a i kula ne'e. Laalae, oe oki usia, ma oko ilia na'a. Sui mada, laalae oe osi usia, ma oko fa'arongo nau fasia kwai thaito`omana. Sulia ni oe bona'a o farana oki ilia si doo eri, e a'i la u ta wane, ma ni nau ruana wane ila kwalafa .>> Nia ka sorea, <<Nau kwai usia.>>
5Ma tha Boasi ka sorea, <<Fa bongi na oki usia tha`egano eri fasia ni Naome ma fasia ni Ruti, kuke`e nai Moaba, oe oki talaia laubo'o ni Ruti, nga kwaina wane nofi eri, fasia nga kwalafa eri ka maruki bia oke'e doo nia ki suibo'o.>>
6Si manga eri, nga wane ni tata'ela fasia kwalafa ka sorea, <<E unaeri, nau sakwa usia, e a`i adea ka tagalongania aludoa i lana toaa nau. Oki usia namua i femu. Nau sakwa ilia, e a`i.>>
7(Asi manga ba'aki i Isirela, fasia ka fatania usi lana mada fale lana si do'oki, te'e bali kule'e wanefu keki lafua ta tata'e do ni uru la keka falea i fana ruana wane na e thathamia kai usia si doo eri. Si biranga ana fasukwai lana usila i Isirela).
8Sui nga wane ni tata'ela fasia kwalafa eri ka sorea isana tha Boasi, <<"o usia namu i famu.">> Ma nia ka lafua tata'e do ni uru la ka falea i fana.
9Sui tha Boasi ka sorea isana to'a gwaungai ma imole eki sui. <<"I taraena kamulua na mamana la eri, sulia nau ku usia na'a fasia ni Naome aina oke`e do nia tetefau fasia tha Elimeleke, tha Kilioni ma tha Maloni 10Bia kwa talaia lau boo ni Ruti ai nai Moaba, kwaina tha Maloni fasia kwa talaurungania thatana bia kwalafa nia ka maruki, fasia eaisi a'ana. I tara ena kamulua na mamana la">>
11Sui to'a gwaungai bia to'a eki tetefau kera too sikula fana o'fula eri keka sorea, <<"Kamilia na mamana la eri. Alamania tha Iawe kai adomia ai na kai lae mai i la toaa oe, fasia ka u'ria ni Resele mani Lia, ai na keroa kera tafoa nga toaa nai Isirela. Alua oki too ana inotoa i Efarata ma imole sui bana keki thaito'omamu i Betelehemu. 12Ana wela tha Iawe kai falea ifemu ana kini ne'e, ma toaa oe kei uria toaa tha Beresi, wela ni Tama e tharea ana tha Diuda.>>
Naome ka to ana te'e kaluwane
13Sui tha Boasi ka folia ni Ruti uria kuke`e nia na`a. Nia ka too bi nia, ma tha Iawe ka fa`akwai-akoria too la ana wela, ma ni nia ka fa`afuta te`e wela wane. 14Kini eki ila ma`e toaa eri keka sorea isana ni Naome: <<"tangola ifana tha Iawe, uria fa thato ne`e nia e a`i si ekwa`tai oe maka falea te`e wane ana tata'ela fasia kwalafa . Alamania keki thaito'omana ilana Isirela. 15Nia kai fa`a ino maruki oe ma kai thai-suli oe laalae oko fula ana fa ngali na oki waro. Sulia nga kinifungao oe e thare`a te`e wela wane, nia e liothau maka ade le`a ifemu, ma ni nia ka talua fiu wela wane ki.>>
16Sui ni Naome ka betaa bona'a nga kali wela wane eri. 17Ma kini ki kera too i kula eri keka sorea, <<Naome e too ana te'e kalu wane.>> Ma keka fa'athata`a ana tha Obeti. Nia na maka tha Desi, maka tha Defeta.
Talisi baraa tha Defeta
18Nia ne'e nga kwalafana tha Beresi: tha Beresi nia maka tha Esironi.
19Tha Esironi maka tha Rama, tha Rama maka tha Amminadaba.
20Tha Amminadaba maka tha Salmoni.
21Tha Salmoni maka tha Boasi, tha Boasi maka tha Obeti.
22Tha Obeti maka tha Desi, ma tha Desi maka tha Defeta.
Currently Selected:
Ruti 4: MLU-SB
Highlight
Share
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.