Ruti 3
3
Ni Ruti ma tha Boasi ila sikula fana Raalaa
1Te'efa thato, Naome waifunga kini ni Ruti e sorea isana , <<"Thari nau, e tala'ana kwai rofea ta toaa i femu, ta luma na oki too le'a iei ma keka lio le'a suli oe. >> 2E a`i lau tha Boasi, thari ni raa nia ki o raa bia nga inala-kalua ba neri? Ma afa rodo ne'e nia kai raa ana ukalilana gereni ilana sikula ifana thaungai lana gereni. 3Oko sisiu ma oko gwai ana si gwai na e makwa le'a ma oko afi ana maku le'a oe. Sui oko lae isana sikula ni raalaa, sui mena, osi alabatania kai thaito`omamu o ni kula eri laalae nia ka fanga ma ka ku'u ka su'i bo'o. 4Si manga nia kai te'o, oe oko thaito'omana sikula eri. Sui oko lae oko lafua si maku ne thufia ana aaena ma oko te'o i kula eri. Nia do kai fa'arongo oe ana sita oki ilia."
5Mani Ruti ka lu'u nia ka sorea, <<"Kwai ilia bona`a ta si doo na o sorea.">> 6Nia ka sifo bona'a i la sikula fana raalaa ma ka ilia bona'a si doki sui bo'o nga waifunga nia e sorea isana.
7Si manga tha Boasi e fanga, ma ka ku'u ka sui, ma ka too ana se'ethaathala la, nia ka lae ka teo i susuilana sikula kera figua gereni iei. Ruti ka lae eneno, ka tafo'a maku na e thufia ana a'aena ma ka te'o bona'a si kula eri 8I la inito'ona rodo, te`e si doo e fa`ato`ona wane ba ka tona ka tharai'i ma ka rikia te'e ai ne te'o karangia a'aena.
9Nia ka soeto'ona ka sorea, <<"Mani oe ni tei?>> Nia ka lu'u nia ka sorea isana, <<ni nau bana ai ni raa oe, ni Ruti, regwetaa ta bali ana maku oe fafi nau, suli oe wane ana tata'e la fasia kwalafa kulu.>> 10Ma tha Boasi ka lu'u nia ka sorea isana, << ''ma thari nau tha Iawe kai adomi oe. Fafia liothaua na o fatainia neri e baita ma ka talua si doo na o iliaki sui na'a. Oe osi tari burina daraaki, do'o anita keka inoto mada keka baro. 11Ma si manga eri, thari nau, osi ma'u lau. Kwai lae kwai ilia si doo na o soeto'ona. Aina wane i la toaa nai lau lau kera thaito'omana na ni oe nga ai ana biranga ana fare'baita la. 12E mamana nau wane ila kwalafa kulu, sui mena te'e wane ana tata`e la fasia kwalafa kulu ka talu nau e too. 13O too i kula ne'e afarodo eri, ma i u'usungadia laalae nia ka ala fafia kai talai oe, e lea nia ka talai oe. Mada nia eai si ala fafia kai tali oe, mala tha Iawe e maruki, nau kwai ilia bona'a. O to'o amu i kula ne'e uri u'usungadia.">>
14Ni Ruti ka te'o isana a'aena laalae ka dani, sui nia ka lae si manga ta imole si tharai u fasia kesi thaito'omana; sulia tha Boasi e fa`arongo nia sui`naa, <<"osi alabatania keki thaito`omana te`e kini e fula ila si kula ana raalaa ana gereni.">>
15Nia ka sorea isana laubo'o, <<O regwetaa mai si maku o alia ana gwauna abamu.>> Si manga ni Ruti e regwetaa, nia ka ikia karangia ro tafuli kilo ma ro fa kilo ana bali ma ka kwaua ifana Ruti ka ngalia. Sui tha Boasi ka oli bona'a i la taoni.
16Si manga ni Ruti e oli isana waifunga nia, ni Naome ka so'eto'ona, <<"Thari nau, o laalae ka ufita?">> Sui ni Ruti ka fa'arongonia asi dooki sui bona'a na tha Boasi e ilia i fana 17ma nia ka sorea laubo'o, <<"":tha Boasi ka fale'a ulu tafuli kilo ana bali, ka sorea isaku, Osi oli fafia abe`edo gwau'u uria isana waifunga oe.'">>
18Sui ni Naome ka sorea, <<"Thari nau, o ma'asia, oki rikia si ta na kai fuli. Sulia nga wane eri saka mamalo bona'a e a`i laalae ka o'olosia bona'a si doo eki i taraena.">>
Currently Selected:
Ruti 3: MLU-SB
Highlight
Share
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.