Genesis 12
12
Omaisaneno wa Abram
1 #
Oviu 7:2, 3; Heb 11:8 Muhona wa tja nai ku Abram: “Pita mehi roye na momuhoko woye na mondjuwo yaiho, nu twende kehi, ndi me ku urikire. 2Nu ami me ku tjiti u karire otjiwaṋa otjinene; nu me ku sere ondaya, ne tjiti ena roye ri rire enene; nove omuini mo rire ondaya.
3 #
Gal 3:8
Ami me sere ondaya ku imba mbu mave ku sere ondaya,
nu me sengi imba mbu mave ku sengi.
Nu move omihoko avihe,
mbi ri kombanda yehi,
mavi serwa ondaya.”
4Abram wa ya, otja Muhona pe mu raera, nu Lot wa ya puna ye. Neye wa tjinda mOharan tja ri nozombura omirongo hambombari nandano.
Abram mai kOkanaan
5Nu Abram wa toora omukazendu we Sarai, na Lot, omuzandu womangu we, nouini wawo auhe, novakarere vawo mbu va isa mOharan, nave tjindire kehi ra Kanaan. Nowo va kavaza kOkanaan.
6Abram wa ryanga okutuurunga ehi ne ya pokarongo okayapuke Sikem nga pomuti omuyapuke wa More. Oruveze ndo tjandje Ovakanaan ve ri mehi ndo. 7#Oviu 7:5; Gal 3:16Muhona we rimunikisa ku Abram na tja: “Ehi ndi me ri yandja kozondekurona zoye.” Abram otja tungira Muhona ngwe rimunikisa ku ye otjipunguhiro mbo. 8Okuzambo Abram otja ryama komurungu komukuma wozondundu kuṱa komuhuka wa Betel, na katunga ondanda ye pokati ka Betel kuṱa kongurova na ai kuṱa komuhuka. Nu imbo wa tunga po otjipunguhiro na isanene po ena ra Muhona. 9Kombunda Abram otja ryama okukawondja komukuma wakuṱa keyuva kokumuho.
Abram mOengipte
10Nu mwa ri ourumbu ouzeu tjinene mehi ra Kanaan; Abram opa tjindira kOengipte okukakara ngo otja owozonganda. 11Neye tja ri pokuhita mehi ra Engipte arire tja tja komukazendu we Sarai: “Tara, ami me tjiwa kutja oove omukazendu wombunikiro ombwa tjinene. 12Ovaengipte tji ve ku munu mave haka kutja ove oove omukazendu wandje, nowo mave ndji zepa, nove ave ku esa. 13#Gen 20:2; 26:7Nove, arikana, itja: ‘Oove omuṱena kwandje’ nu mena roye mave ndji esa, nave ndji ṱunu nawa.” 14Nu Abram tje ya mOengipte, Ovaengipte arire tji va munu kutja omukazendu ngwi omuwa tjinene. 15Nu imba ovahongore va Farao wina arire tji ve mu munu nave karaera Farao ouwa we; nomukazendu wa twarewa kondjuwo youhona. 16Nu mena ra Sarai, Farao wa tjinda Abram nawa ne mu pe orupanda rozonyanda nozongombe nousino ouzenḓu noutwezu novakarere ovarumendu novakazendu, nozongamero.
17Nu Farao tjinga a toora Sarai, Muhona opa hindira omitjise omizeu ku ye na kovandu vondjuwo ye youhona. 18Neye wa isana Abram na tja: “Ove we ndji tjitire tjike nai? Okutjavi tji u he ndji raerere kutja eye omukazendu woye? 19Okutjavi tji wa tja, eye omuṱena kwoye, nga ami tji mbe mu isa po omukazendu wandje? Omukazendu woye eye ngo, toora nu twende!” 20Farao otja rakiza kovarumendu ve, nowo otji va toora Abram nave mu pitisa mehi puna omukazendu we na avihe mbya ri na vyo.
Currently Selected:
Genesis 12: HRR-UNI
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.