Kɛ́wɛɛ 3
3
Nanmaannin nɔ́ lakɛɛnya ko ó
1Lo nɔ la, sɛ́ɛ wáati o lɔ ywáatee o mán, Piyɛli ní Yaya tɛ́ɛ táala Ala bhatobhomba ó la. 2I tɛ́ɛ nánla wáati mínnɔn, mɔɔn olu tɛ́ɛ nánla ni cɛ lɔ le, nanmaan lé tɛ́ɛ o lé kabiini a wóo wáati ó lɔ. Ló ŋóo ló i tɛ́ɛ cɛ o tála le kɛ́ táa a lásii Ala bhatobhomba o lona ó la, íi lá mín ngíila kó lá cɛ́ɛ ŋó. Nanmaannin njɛ o tɛ́ɛ yénɔn lé lo mbɛ́, ke mɔɔn mínnu kɛ kɛ lónan Ala bhatobhomba o la, ké aa olu dɛ́li. 3Aa Piyɛli ni Yaya yé mínngɛ óo i kaa ló Ala bhatobhomba o kɔ́ɔnnɔn, áa i dɛ́li. 4Piyɛli ni Yaya é a mánfɛɛ, tó Piyɛli é fɔ a yɛ kó: «Án mánfɛɛ.»
5O lɔ, cɛ óo i mánfɛɛ cɛ́ɛne, a tɛ́ɛ cɛ ó hákiila kó i kaa fé nɔ́ le dí a man. 6Wáa Piyɛli é fɔ́ a yɛ kó: «Wɛ́ɛ tɛ́ né bhóo, sɛ́ɛn ndɛ́ né bhóo, wáa míin né bhóo, ɲáan o dí i mán. Ɛnza Ngílisi Nazalɛtika o tɔ́ɔ ó bháaka lɔ, i wíi kɛ́ táamankɛ!»
7Tó Piyɛli é a myaan a bhóobhɛɛ o man kɛ́ a láwii. O ywáaninngee ŋó lɔ a sé ŋólu ní a sé nguu olu kɛɛnya. 8Aa i gbán síɲan kée ngɛ téeman kɛ i wíi kɛ táamankɛ. Aa ló ní Piyɛli ní Yaya le Ala bhatobhomba ó kɔ́ɔnnɔn, aa táamankɛ, kɛ́ i gbángban, kɛ Ala tando. 9Mɔɔn olu bɛ́ɛ a yé táamankɛla, ké aa Ala tandola. 10I tɛ́ɛ a lɔ́ ŋóo cɛ mín ndɛ́ɛ i síila Ala bhatobhomba ó lá cɛ́ɛ ŋó la, kɛ dɛ́lili kɛ, o lée wé. Cɛ óo táamankɛ ɲán mín man, ii o yé mínngɛ óo bháa i bɛ́ lɔ, fɔ́ kɛ i kɔɔnnɔnfii.
Piyɛli yɛ káa ŋó Ala bhatobhomba o la
11Cɛ o tɛ tɛ́ bhɔ́la Piyɛli ní Yaya kwɔ́. Yaman o bɛ́ɛ kawakoya. Ii bwée kɛ táa i ládhyɛ i tɔ́ɔfɛ mansa Swɛmannan yɛ gbá o kɔɔ. 12Piyɛli é o yé mínngɛ, aa fɔ́ yaman o yɛ kó: «Izalayɛlimɔɔn ólu, mínnɛɛn le kósɔn kó míin ŋwɛ́ɛn a kawakoya? Mínnɛɛn le kósɔn áa án mánfɛɛla ta, kɛ kɛ́ óyoo an ngbúlu tá sébhaaya wáman an ndá téleɲan o lé kósɔn cɛ miin ŋé se kɛ táamankɛ? 13Wáa án myɛman olu yɛ Ala o, Bulaaman, ni Shaaka, óni Yangubha yɛ Ala o, o lée a yɛ bháalakɛbhaa Ɛnza bwóɲan, álee lu, á wɛ́ɛ o lábhyaa óni kɛ í bá a lɔ Pilati ɲankɔɔ. O tɛ́ wɛɛ a lákɛɛ kó a kaa a lábhyaa. 14Álee lu, áa i bá Mɔɔn sɛ́nnɛnyanin ŋó, ní mɔɔn télenin ŋó lɔ, áa a ɲiin Pilati fɛ́ kó áa mɔ́ɔnfaabhaa o le lábhyaa a yɛ. 15Áa ɲáanmanɲan o díbhaa ó fáa, wáa Ala wɛ́ɛ á lákuun kɛ́ bhɔ́ saya ó lɔ, án neelu é o sɛ́ɛya le. 16Áa cɛ mín yéla nín, tó a lo ŋan lɔ, Ɛnza ndɔ́ɔ o, lánanya bháaka o míin bhɔ́la Ɛnza nɔn, o lé wɛɛ fáan dí a man. Lánanya míin bhɔ́la Ɛnza nvɛ́ yénɔn, o lé wɛɛ kɛ́ɛnya láfanin ŋó dí a man a bɛ́ ɲánla.»
17«Kwáalenin, ne bhádhye ŋólu, ni lɔ ŋóo áa ó kó ŋolu kɛ́ kólɔmɛɛya le kósɔn, ale ní a yɛ́ ɲɛ́nmɔɔn ólu. 18Ala tɛ́ wɛɛ kó mínnu fɔ́ kɔɔ a yɛ céla ólu bɛ́ káa lɔ, Ala é o le kɛ́; a yɛ Kílisi o, Ala yɛ mɔɔn bhɔ́nin ŋó kákan ne kɛ tɔ́lɔya myaan. 19Kwáalenin, áa díminsa á yɛ́ yúumu olu la, kɛ sɔ́n Ala man, ké á yɛ yúumu ŋólu á bhɔ á mán. 20Ní o kɛ kɛ́, Mantii o yáa láanvyaa o wáati o dí a man, óni Kílisi mín ngo wɛ́ɛ i lákɛɛ a yɛ, o míin Ɛnza ne, a yáa o bhyáashaa á mán. 21Kabiini wáatija Ala é tinmin a yɛ́ céla sɛ́nnɛnyanin ŋólu man kɛ fɔ́ ko: Fé ŋó bɛ́ yáa yɛ́ɛman kɛ kɛ́ kwáa lé, wáa sannin o cɛ́, Ɛnza ngákan né kɛ tó sángboo o lɔ. 22Musa é fɔ kó: ‹Á yɛ́ Mantii Ala yáa céla lɔ lánan á mán kɛ bhɔ́ á bhádhye ŋólu cɛ́man, a kaa kɛ́ céla lé le, óo né. A kaa fé ŋóo fé nvɔ́ á yɛ́, áa o lɔ́myɛn. 23Wáa ní mɔɔn mín man o céla o lɔ́myɛn, o tíi o yáa hálaki kɛ bhɔ́ Ala yɛ mɔɔn ólu cɛ́man.›#3.23 O kóman ó sɛ́wɛnin ŋé Detelonɔmu 18.15,18,19. 24Céla olu bɛ́, kɛ a lamyaan Samuyɛli mán óni mínnu nan ale kwɔ, olu bɛ́ bɛ́ é o lo ŋólu le láse. 25Álee lu, áa céla dhyé neelu le, óni Ala yɛ láheli lɔ dhyé nu, ní fɔ Bulaaman yɛ kó: ‹kabhyaaya súu súu lúukolo o ka olu bɛ́ kaa lwaau sɔɔ a bhɔ́nzɔ ŋó lé la.›#3.25 O kóman ó sɛ́wɛnin ŋé Genɛzi 22.18; 26.4. 26Ala é a yɛ bháalakɛdhye ŋó lábhɔ, kɛ o lanan a man bɛ́ ɲɛ́n. Áa o kɛ́ le, kɛ á cɛ́bhɔ á yɛ kóyoo ŋólu lɔ; Ala é o le kɛ, kɛ lwaau bhyáa á fɛ́.»
Currently Selected:
Kɛ́wɛɛ 3: MXX
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.