TEALIAN 6
6
Bangkapi nakulokisan
1Salataa kobangkapi tosuungimo badaang tukon sasabulo doi sasaibino kolipu, tukon pau-pau boine sinuungo, 2malaekat-malaekat kitayo baikon doboiboinedoo potambongani. Maka yanila kilayo koboiboine yanila moiyase. 3Maka ko Temeneno bantile, “Yaku aki kuiyase kobangkapi natubo sidutu posidutukon; yanila bangkapi moaki natubo, mosio namate. Tambuun diabudoo yanila naumur aki naikon nalobian 120 kotaun.” 4#Bang. 13:33 Doi loolukoo tukon koidan salataa lapa ano komian mobabasal tukon barani doi dunia. Yanila boi-boine doi Kain nakatulunan mopokila tukon malaekat. Mian-mian mobabasal baranidoo doiyamo talenga-talenga mobabasal tukon mian motololongol doi lounu loolukoo.
5 #
Mat. 24:37; Luk. 17:26; 1Ptr. 3:20 Ko Temeneno kitayo todudulo kona kulokisan komian-mian doi dunia; sasaibino konapoo pikilan sidutu kulokis. 6Yana koidan manasekene molapamo tealikene yanila tukon abese doi dunia. Yana buno doiya kona manasalan, 7tobikon bantile, “Naikon kulopuwo kobangkapi molapamo pinasitakadoo, tukon koidan sasaibino kotomisi tukon iyayon bailon, sabab Yaku manasal molapamo pasitakayo yanila.” 8Bai Nuh sanaanggene ko Temeneno noano.
Nuh
9-10 #
2Ptr. 2:5
Naiyamo Nuh salitano. Yana daano tolu konapau malaneno, doiyamo: Sem, Yafet tukon Ham. Nuh aki namokubai salah, tukon tongo yana komo monondok doi naloonudoo. Yana tubo pokolanikon tukon Mian Bisa. 11Bai sasaibino komian bailon lokis doi Mian Bisa napambaleng lalomo, tukon kokulokisan talaat doiyayaa. 12Mian Bisa mbalenge doduniadoo tukon tongo kitayo kokulokisan tolong, sabab sasaibino kobangkapi kulokis kona tuboan.
13Maka ko Mian Bisa bantile doi Nuh, “Yaku lapamo putusiyo tuuk oppusiyo sasaibino komahluk natuboan. Yaku naikon akabusemo yanila tukon dunia, sabab kodunia moonomo tukon napoo kokubai mokulokis. 14Kubaiyomo komeeng kokapal tuuk doi koo luwedoi kayung momoonggol; kubaiyomo doi lalomo kona kombiang-kombiang, tukon lapise ter doi lalom tukon doi tonggulung. 15Kapaldoo sio na 133 kometer kona kobulus, 22 kometer kona kebelak, tukon 13 kometer kona katandak. 16Kubaiyomo koatono doi kapaloo, tukon beena antarano 44 kosentimeter doi atonodoo antarano tukon sangga-sanggalo. Kubaiyomo kapaldoo tolu kotingkato, tukon kubaiyo meeng kotataapon doi bibilo.
17Yaku naikon lubatene koeaba sulano memeeng komahluk motubo doi dunia namolopu. Sasaibino kolobo doi dunia naikon mate, 18bai tukon ikoo Yaku naikon kubaiyo koperjanjian. Usoko doi kapaloo lalomo polaing-laing tukon muboloki, tukon mulabuk-labuk tukon napoo bolo-boloki. 19-20Kanggiyomo doi kapaloo lalomo memeeng kotomisi kaliangano meeng kotanggoloko tukon meeng kolumisano tukon iyayon bailonggon, sulano naaki napoo silaka. 21Kanggiyo koidan sasaibino kokaliangano kokinaan tuuk ikoo tukon tuuk doiyayon-iyayonoo.” 22#Ibr. 11:7 Nuh lakukanggene sasaibino kolobo Mian Bisa napinarentahkon doi yana.
Currently Selected:
TEALIAN 6: LAIBGZ
Highlight
Share
Copy
Want to have your highlights saved across all your devices? Sign up or sign in