Esta 7
7
Amanape kaola gi
1Kanaba dalagita: Amanata: obai saki kanaba susa:gi Estadila baya naenamalale na:iyana, 2obai saki naba 2 tepala gwama na:iyana, obai waeni sika wi nida:dele kanaba Esta gwama anayana, a: powa gi iwiminadele na nanamalona na: a: dima atamalowa. Gwama a: powa gi egelama iwiminadele na: nanamalona ne tilelowamena wa kabigibega gobala, na: tepama ka:mite pala e tila gima a: dima atamalowa.
3Kanaba susa:gi Esta amale kanaba anayana, na:dowali kanaba, na: iwalelowa a:na: dima sa:keladele na: iwalena:no, ma:ma gite a:da awapa elamalona na: amona:malelo. A: kabigibegabapi elelo, a: na:dowali galabe pawaminamalelo, ma:ma enoba ne a: ananowamena gi, gwama a: na:pe lumumunu kanika:wa pawada:minamalelo, ma:ma ne iwiminanowamena gi a:dila egelamalale. 4Na:ta: na:pe lumata: sa: a ewadelete a sosawe sa:mite sapuwina. Sa: pa:pa a: ewada:delete gisaolana dalata: atota: sa:minanapa, na: ma:ma mene gi a: dima pa:pa egete pa:lama ewamena, kanaba. Gi ase ma:ma pa: kabinapa gi ma:ma gite a:dila pa: kalekalebega.
5Kanaba Sekesis, kanaba susa:gi Esta anayana, a:ma lumagi powateya. A:ma pa: awapanapa gi a:na:miwina lumagi ba:maya.
6Esta amale layana, a:ma pa: awapana gi a:na:miwina sa:pe giwa:lanapa sosawenapa lumagi enoba ma:ma dalagi Aman.
Aman ameta kanabata: gwama kanaba susa:gita: obaimunu sosoko palala kabigibegale emoloyana. 7Kanaba amale ga:ote patate a:ma baya naniyana saba elatete obape genama sabanapa egada sabama weleyana. Aman kanaba dalagite patate weleyana gi tilite itawa eyana kanaba dalagi oba lapolamalelo, enobala oba kanaba susa:gi Esta sa:kelaminadele nagalaminoyana, kanabate oba pa:pa lapolamalale.
8Kanaba dalagi egada sabala gwama baya naniyana sabama pa:te Aman tiliyana, Estate baya nanoyana sabala a:ile dololoyana.
Kanaba amale oba anayana, a: ne elelowamena genama gobala kanaba susa:gidima sosawe elama a:pilelota.
Kanaba ya:ma gilala layana tepa bapila obape gisaolana pa:da:te Amanape sosoko kalikole kawapimiyana. 9A:pite eta gisaolanapa dalagi Abona obate layana, Aman obape genama sabama 20 mita sidima dila patapata a:na:miwina. Obate kanaba dalagipe galabe pawamiyana dalagi Modekai a:ma patapata sidila tao tipi minamalale sa:leyana.
Kanaba amale obai danayana, da: ameta Aman ya:ma luma dapola sabala tao tipi mina. 10Obaite amale Aman a:ma obate Modekai lapolama a:na:miyana patapata sidila tao tipimite lapoyana. Kanaba dalagipe gwana amale a:ima manayana.
Currently Selected:
Esta 7: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.