LOUKAS 12
12
Ka jingmaham pyrshah ïa ka jingarsap
(Mat. 10:26-27)
1 #
Mat. 16:6; Mrk. 8:15 Katba da ki hajar ngut ki briew ki dang ïalumlang, ba kumta ki la ïa-ïuh para ma ki, U Jisu u la ong nyngkong ha la ki synran, “To sumar na u thiat jong ki Pharisi — nga mut ïa ka jingarsap jong ki. 2#Mrk. 4:22; Luk. 8:17Ïa kano kano kaba la tap yn plied, bad ïa kano kano kaba rieh yn pynpaw. 3Kumta te, ïa kaei kaei kaba phi la ong ha kaba dum yn ïohsngew ha kaba shai ka sngi, bad ïa kaei kaei kaba phi la pasiaw ha kaba jar jar ha ka kamra ba la khang, yn pyrta na ki tnum ïing.
Ïano ban sheptieng
(Mat. 10:28-31)
4“Nga ong ha phi, ki paralok jong nga, wat sheptieng ïa kito kiba pynïap ïa ka met hynrei ki bym lah hadien ban leh ïa kano kano kaba kham sniew. 5Ngan pyn-i ha phi ïano ban sheptieng: To sheptieng ïa U Blei, uba, hadien ka jingpynïap, u don ka bor ban bret sha ka dujok. To ngeit ïa nga, u long ma u uta uba phi dei ban sheptieng!
6“Hato ym dei ba ïa ki san tylli ki sim ïing la die tang ar pisa? Pynban ym don kawei ruh ka sim ïing ïa kaba la klet noh da U Blei. 7Wat ïa ki shñiuh jong ka khlieh jong phi la dep ñiew baroh. Kumta to wat sheptieng; phi kham kor bun shah ban ïa shibun ki sim ïing!
Kaba phla bad kaba kyntait ïa U Khrist
(Mat. 10:32-33; 12:32; 10:19-20)
8“Nga pynthikna ïa phi ba uno uno uba pynbna ha kaba paw ba u long u jong nga, U Khun U Briew un leh kumjuh ïa u ha khmat ki angel jong U Blei. 9Hynrei uno uno uba kyntait ïa nga ha kaba paw, U Khun U Briew ruh un kyntait ïa u ha khmat ki angel jong U Blei.
10 #
Mat. 12:32; Mrk. 3:29 “Ïa uno uno uba kren ka kyntien pyrshah ïa U Khun U Briew lah ban map; hynrei ïa uno uno uba kren kiei kiei kiba sniew pyrshah ïa U Mynsiem Bakhuid yn ym map.
11 #
Mat. 10:19,20; Mrk. 13:11; Luk. 21:14,15 “Haba ki wallam ïa phi ban shah tian bishar ha ki synagog lane ha khmat ki lyngskor lane ki nongsynshar, wat sngewkhuslai shaphang kumno phin ïasaid da ïa lade lane ïa kaei phin kren. 12Naba U Mynsiem Bakhuid un hikai ïa phi ha kata ka por ïa kaei ba phin ong.”
Ka pharshi u riewspah uba bieit
13Uwei u briew na u paidbah u la ong ha U Jisu, “Ko Nonghikai, to ong ïa u hynmen jong nga ban ïabynta bad nga ïa ka jingdon jingem kaba u kpa jong ngi u la iehnoh ïa ngi.”
14U Jisu u la jubab ïa u, “Ko paralok jong nga, mano ba la ai ha nga ka bor ban bishar lane ban pynbynta ïa ka jingdon jingem hapdeng jong phi ar ngut?” 15Bad u la ïai kren ha ki baroh, “To khmih bha bad sumar ïa lade na kano kano ka jait jinglalot; namar ba ïa ka jingim bashisha jong u briew ym shym la pynlong da kiei kiei kiba u don, kam pher haduh katno u lah ban long uba riewspah.”
16Nangta U Jisu u la ïathuh ha ki ïa kane ka pharshi: “La don shisien u briew uba riewspah uba don ka jaka kaba la pynmih kyrhai ki jingthung. 17U la sdang ban pyrkhat ha lade, ‘Ngam don hangno hangno ban buh ïa ki jingthung jong nga baroh. Aïu nga lah ban leh? 18Kane ka long kaei kaba ngan leh,’ u la ong ha lade; ‘ngan pynpra ïa ki thiar jong nga bad shna ïa kiba kham heh, ha kaba ngan kynshew ïa u kew jong nga bad ïa kiwei kiwei de ki mar jong nga. 19Nangta ngan ong ha lade, A u briew badonbok! Me la don kiei kiei kiba bha baroh kiba me donkam na ka bynta bun snem. Wat khuslai ïa la ka jingim, to bam, to dih, bad to lehkmen ïa lade!’ 20Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”
21Bad U Jisu u la pynkut, “Kane ka long kumno kan jia ha kito kiba kynton ka spah na ka bynta ïa lade hynrei ki bym riewspah ha ka jingkhmih jong U Blei.”
Shaniah ha U Blei
(Mat. 6:25-34)
22Nangta U Jisu u la ong ha ki synran, “Bad kumta nga ong ha phi ban ym khuslai shaphang ka jingbam kaba phi donkam ban im lane shaphang ki jaiñ kiba phi donkam na ka bynta ka met jong phi. 23Ka jingim ka long kaba donkam kham bun shah ban ïa ka jingbam, bad ka met ka long kaba donkam kham bun shah ban ïa ki jaiñphong. 24Khmih ïa ki tyngab: Kim shym bet symbai lane lum ïa ka jingot; kim don ki jaka kynshew lane ki thiar; U Blei u bsa ïa ki! Phi long kiba kor kham bun shah ban ïa ki sim! 25Hato uno uno na phi u lah ban im kham slem da kaba khuslai shaphang jong ka? 26Lada phim lah ban leh wat ïa kum kane kaei kaei kaba rit, balei ban khuslai shaphang kiwei pat kiei kiei? 27#1 Syiem. 10:4-7; 2 Khrn. 9:3-6Ha khmih kumno ki syntiew khlaw ki san: Kim shym trei lane thain jaiñ na ka bynta ïa lade. Hynrei nga ong ha phi ba wat u syiem Solomon ha ka spah jong u baroh um shym la don ki jaiñ kiba itynnat kat uwei na kine ki syntiew. 28U long U Blei uba pynkup ïa u phlang khlaw — u phlang uba don hangne mynta bad uba jah noh la shai, ïa uba la thang noh ha ka lawar ding. Hato Un ym jin da la thikna ban pynkup jaiñ ïa phi? A katno kaba rit ka jingngeit phi don!
29“Kumta baroh wat sngewdiaw, da kaba pyrkhat ïa kaei phin bam bad dih. 30(Naba kiba mane blei thala jong kane ka pyrthei ki ïai pyrkhat shaphang kine kiei kiei baroh.) U Kpa jong phi u tip ba phi donkam ïa kine kiei kiei. 31Pynban, to pyrkhat ïa ka Hima jong u, bad un pyndap ïa phi da kine kiei kiei.”
Ka spah ha bneng
(Mat. 6:19-21)
32“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima. 33Die noh ïa ki jingdon jingem jong phi baroh bad ai ïa ka pisa ha kiba duk. Pynbiang ïa lade ki pla kynshew ki ban ym jot noh, bad kynshew ïa ka spah jong phi ha bneng, ha kaba kan ym duna, namar ba ym don u nongtuh uba lah ban ïoh ïa ka, bad ym don khñiang ba lah ban pynjot ïa ka. 34Naba ka dohnud jong phi kan ïai don hangta ha kaba don ka spah jong phi.”
Ki shakri kiba ap phira bha
35 #
Mat. 25:1-13
“Long ba la kloi na ka bynta kano kano kaba wan, kiba la khreh na ka bynta ban leh ei ei bad kiba la thang ïa ki sharak jong phi, 36#Mrk. 13:34-36kum ki shakri kiba ap khmih ïa u kynrad jong ki ban wan phai pat na ka jingkhawai shongkurim. Haba u wan bad u tied jingkhang, mar kumta hi, kin plie ïa ka jingkhang na ka bynta jong u. 37A katno kiba kmen long kito ki shakri kiba u kynrad jong ki u shem ba ki dang peitmat bad kiba la kloi haba u wan! Nga ong ha phi, ba un law ïa la ka jaiñkup, un ong ïa ki ban shong, bad un shakri ïa ki. 38A katno kin long kiba kmen lada u shem ïa ki ba ki long kiba kloi, wat haba un wan ha ka por shiteng synñia lane wat kham dier ruh! 39#Mat. 24:43,44Bad phi lah ban sngewthikna ba lada u trai ïing u la tip ïa ka por haba u nongtuh un wan, un ym shah ïa u nongtuh ban prong shapoh ka ïing jong u. 40Bad ma phi, ruh, phi dei ban long kiba la kloi, namar ba U Khun U Briew un wan ha ka kynta haba phim shym khmih lynti ïa u.”
U shakri uba ïaineh ne u bymïaineh
(Mat. 24:45-51)
41U Petros u la ong, “Ko Trai hato kane ka pharshi ka dei na ka bynta jong ngi, ne me mut ïa ka na ka bynta uwei pa uwei baroh?”
42U Trai u la jubab, “Uei, te, uba long u shakri uba ïaineh bad uba stad? U long uta uba u kynrad jong u un buh ïa u ban khmih, ban pynïaid ïa ka longïing bad ai ha kiwei ki shakri ïa ka bhah jingbam jong ki ha ka por kaba dei. 43A katno uba kmen long u shakri lada u kynrad jong u, u shem ba u leh ïa kane haba u wan sha ïing! 44Da shisha, nga ong ha phi, u kynrad un buh ïa uta u shakri ban khmih ïa ka jingdon jingem jong u baroh. 45Hynrei lada uta u shakri u ong ha lade ba u kynrad jong u, u shim por slem ban wan phai bad lada u sdang ban shoh ïa kiwei pat ki shakri, shynrang bad kynthei, bad bam bad dih bad buaid, 46nangta u kynrad un wan phai pat ha kawei ka sngi haba u shakri um shym khmih lynti ïa u bad ha ka por kaba um tip. U kynrad un ot lyngkhot lyngkhai ïa u bad un pynlong ïa u ban ïoh bynta ïa ka kupar jong ki bymkohnguh.
47“U shakri uba tip aïu u kynrad jong u, u kwah ïa u ban leh, hynrei u bym shym la pynkloi ïa lade bad leh ïa ka, un shah pynshitom da ka jingsympat kaba jur. 48Hynrei u shakri u bymtip aïu u kynrad jong u, u kwah; bad pynban, u leh ïa kaei re kaei ïa kaba u dei hok ban ïoh ka jingsympat, un shah pynshitom da ka jingsympat kaba sting. Shibun la dawa na u briew ha uba la ai kham bun; kham bun shuh shuh la dawa na u briew ha uba la ai kham bun shuh shuh.
Ka jingïapait na ka daw U Jisu
(Mat. 10:34-36)
49“Nga la wan ban pynmeh ding ïa ka pyrthei, bad katno nga kwah ba ïa ka, la lah pynmeh lypa! 50#Mrk. 10:38Nga don ka jingpynbaptis ban ïohpdiang, bad katno nga sngewkhia mynsiem tad haduh ba kan da kut noh! 51Hato phi tharai ba nga la wan ban wallam ka jingsuk ha ka pyrthei? Em, ym ka jingsuk, hynrei ka jingïapait. 52Naduh mynta ïa ka longïing kaba don san ngut yn phiah, ki lai ngut pyrshah ïa ki ar ngut bad ki ar ngut pyrshah ïa ki lai ngut. 53#Mik. 7:6Ki kpa ki long pyrshah ïa ki khun shynrang jong ki, bad ki khun shynrang pyrshah ïa ki kpa jong ki; ki kmie kin long pyrshah ïa ki khun kynthei jong ki, bad ki khun kynthei pyrshah ïa ki kmie jong ki; ki kiaw kurim kin long pyrshah ïa ki pyrsa kurim kynthei jong ki bad ki pyrsa kurim kynthei pyrshah ïa ki kiaw jong ki.”
Ka jingshemphang ïa ka por
(Mat. 16:2-3)
54U Jisu u la ong ruh ha ki briew, “Haba phi ïohi ïa u lyoh ba u wan mih ha ka phang sepngi, hangta hi phi ong ba kan slap — bad ka long kumta. 55Bad haba phi sngew ba ka lyer bashathie ka beh, phi ong ba kan shit — bad ka long kumta. 56A kiba arsap! Phi lah ban khmih ïa ka khyndew bad ïa ka suiñbneng bad ïathuh lypa ïa ka jinglong ka suiñbneng; balei, te, phim tip ïa ka jingmut jong kane ka por ba mynta?”
Ïasuk bad u nongïaleh pyrshah jong phi
(Mat. 5:25-26)
57“Balei phim bishar na ka bynta ïa lade hi ïa kaei kaba dei ban leh? 58Lada uno uno u wallam ka mokotduma pyrshah ïa phi bad rah ïa phi sha ka ïingbishar, to leh ïa kaba bha tam ban ïapynbeit ïa ka jingïakajia bad u ha shuwa ba phin poi sha ka ïingbishar. Lada phim leh kumta, un tan ïa phi ha khmat u nongbishar, u ban aiti ïa phi ha ki nongap phira, bad ïa phi yn buh ha ka byndi. 59Hangta phin sah, nga ong ha phi, tad ynda phi siew ïa pisa bakhatduh jong ka kuna jong phi.”
Currently Selected:
LOUKAS 12: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.