لَاتَانٛوجِ 21
21
دَࢩٜىٰکِ إِسْحَاقَ
1جَوْمِرَاوٛ وٛونَنِ سَارَةُ، وَطَنِمٛ بَنَ عٛوِعْنٛ؞ 2سَارَةُ رٜىٰدِ، دَࢩَنِ إِبْرَاهِيمَ ࢡِطّٛ غٛرْکٛ ندٜرْ ندٛتَّاکُ مُوطُمْ، ندٜرْ سَاعِيرٜ ندٜ اَللَّه وِعْنٛ مٛ؞ 3إِبْرَاهِيمَ عِنْدِ ࢡِطّٛ مٛ سَارَةُ دَࢩَنِمٛ إِسْحَاقَ؞ 4إِبْرَاهِيمَ جُولْنِ#21:4 جُولْنِ مَلَّ رٜمْنِ؞ ࢡِيُمْ ࢩَلَادٜ جٛوٜىٰتَتَࢡْرٜ بَنَ اَللَّه عُمْرُنٛ مٛ#لَاتَانٛوجِ 17:12؛ کُوطٜ نٜلَاࢡٜ 7:8؞؞ 5إِبْرَاهِيمَ وٛودِنٛ دُوࢡِ تٜىٰمٜرّٜ (100)، ندٜ عٛدَࢩَنَ إِسْحَاقَ#21:5 إِسْحَاقَ يِطِ وِعْغٛ عٛطٛنْ جَلَ؞؞ 6سَارَةُ وِعِ: «اَللَّه جَلْنِ يَمْ نغَمْ سٜيٛ؞ کٛو مٛيْ نَنَنْطٛ طُمْ، جَلَنْ نغَمْ دَلِيلَ عَمْ؞» 7عٛوِعِ بٛو: «مٛيْ يٜشَّنّٛ إِبْرَاهِيمَ: سَارَةُ مُسِنَنّٛ ࢡِࢡّٜ؟ عَمَّا مِدَࢩَنِمٛ ࢡِطّٛ غٛرْکٛ ندٜرْ ندٛتَّاکُ مَاکٛ؞»
8ࢡِنغٜلْ مَوْنِ؞ ࢩَنْدٜ نغٜلْ عٜنْتَ، إِبْرَاهِيمَ وَطِ ࢩَامْدُوجِ طُوطِّ؞
حَجَرَ عٜ إِسْمَـٰعِيلَ ندِيوَامَ
9ࢩَنْدٜ وٛنْدٜ، سَارَةُ يِعِ إِسْمَـٰعِيلَ مٛ حَجَرَ مِصْرَاجٛ دَࢩَنِ إِبْرَاهِيمَ، طٛنْ ڢِجَ؞ 10عٛوِعِ إِبْرَاهِيمَ: «رِيوْ کٛرْطٛ عٛو بٜى ࢡِيُمْ! نغَمْ ࢡِي کٛرْطٛ عٛو رٛندَتَا بٜى ࢡِيَمْ إِسْحَاقَ؞» 11حَالَ کَعَ ڢٛتَّنَايْ إِبْرَاهِيمَ سَمْ، نغَمْ إِسْمَـٰعِيلَ بٛو طُمْ ࢡِيِيکٛ؞#يُحَنَّ 8:33،35؛ غَلَاتِيَعٜنْ 4:29-30؞ 12عَمَّا اَللَّه وِعِ إِبْرَاهِيمَ: «تَا لَارْ طُمْ بَنَ کَلُّطُمْ دٛوْ دٜرْکٜىٰجٛ عٜ کٛرْطٛ مَ؞ وَطْ کٛ سَارَةُ وِعِ مَ ڢُو، نغَمْ بٜى إِسْحَاقَ کٜࢡْرَتَ دَࢩْغٛلْ مَ#رٛمَعٜنْ 9:7؛ عِبْرَنِنغْکٜعٜنْ 11:18؞؞ 13عَمَّا ࢡِي کٛرْطٛ بٛو، مِلَاتِنَنْ مٛ عُمَّاتٛورٜ، نغَمْ عٛ دَࢩْغٛلْ مَ؞»
14جَنغٛ مَاجُمْ إِبْرَاهِيمَ دَوِ شُبْ، حٛوعِ ࢩَامْدُ عٜ کَࢩَکَࢩَاوُ#21:14 کَࢩَکَࢩَاوُ طُمْ بٛورٛ لَرَلْ نغَمْ سِغَاغٛ نجَرَمْ، عَمَّا تٛ لَرَلْ مَنْ حِيطِ، نغَلْ مَرَتَا سٜمْبٜ؞ ندِيَمْ، حٛکِّ طُمْ حَجَرَ؞ عٛجٛعِّنَنِ ࢡِنغٜلْ دٛوْ بَلَوَلْ؞ عٛجَࢡِّتِمٛ؞ حَجَرَ دِلِّ، طٛنْ يِيلٛ ندٜرْ لَدّٜ بِيرْسَبَ؞ 15ندٜ ندِيَمْ ندٜرْ کَࢩَکَࢩَاوُ تِمِّ، عٛعَشِّ ࢡِنغٜلْ لٜسْ وُمْرٜ؞ 16ندٜنْ عٛدِلِّ بَاکِنْ ڢِطَاندٜ کُرٛلْ، عٛجٛوطِ، عٛتِيتِ نغٜلْ؞ نغَمْ عٛوِعِ: «تَا مِلَارَ مَايْدٜ ࢡِنغٜلْ؞» عٛجٛوطِ، عٛتِيتِ نغٜلْ، عٛڢُطِّ وٛيُغٛ؞
17اَللَّه نَنِ سَوْتُ دٜرْکٜىٰجٛ؞ مَلَاعِکَاجٛ اَللَّه عٜوْنِ حَجَرَ دِغَ عَسَمَ، وِعِمٛ: «کٛ وَطْ مَ، حَجَرَ؟ تَا حُلْ، نغَمْ اَللَّه نَنِ بٛجِّ دٜرْکٜىٰجٛ حَا عٛوٛنِ؞ 18عُمَّ، حٛوعُ مٛ، جٛغَ مٛ حَا جُنغٛ بٛوطُّمْ، نغَمْ مِلَاتِنَنْ مٛ عُمَّاتٛورٜ مَوْندٜ؞» 19اَللَّه مَࢡِّتِ غِتٜ حَجَرَ، عٛيِعِ سٜىٰࢡٛورٜ ندِيَمْ؞ عٛيٜحِ، عٛحٜبِّنِ کَࢩَکَࢩَاوُ، عٛيَرْنِ دٜرْکٜىٰجٛ؞ 20اَللَّه وٛنْدِ بٜى دٜرْکٜىٰجٛ، عٛمَوْنِ، عٛجٛوطِ ندٜرْ لَدّٜ؞ عٛلَاتِ غَوْجٛ؞ 21عٛجٛوطِ ندٜرْ لَدّٜ ݠَرَنْ؞ دَادَ مَاکٛ تٜعَنِمٛ دٜبّٛ عِوْطٛ لٜسْدِ مِصْرَ؞
إِبْرَاهِيمَ عٜ عَبِمٜلٜکْ کَࢡِّ عَلْکَوَلْ
22سَاعِ مَاجُمْ عَبِمٜلٜکْ وَرْدِ بٜى ݠِکٛلْ، حٛورٜىٰجٛ حٛنٛوࢡٜ مُوطُمْ حَا إِبْرَاهِيمَ، وِعِمٛ: «اَللَّه طٛنْ وٛنْدِ بٜى مَ ندٜرْ کٛ مبَطَتَ ڢُو#لَاتَانٛوجِ 26:26؞؞ 23جٛنْتَ طٛ، حُنٛرَنَمْ بٜى اَللَّه، عَزَمْبَتَاکٛ يَمْ، کٛو ࢡِيَمْ، کٛو تَانِرَاوٛ عَمْ؞ بَنَ مِوَطِرَنِ مَ مبٛوطٜىٰنغَ، نٛنْ عَنْ بٛو وَطَنَمْ، مِنْ عٜ لٜسْدِ ندِ نغٛنْطَ ندٜرْ مَارِ جٛنْتَ؞» 24إِبْرَاهِيمَ وِعِ: «مِحُنَکٜ؞»
25ندٜنْ إِبْرَاهِيمَ ڢٜلِ عَبِمٜلٜکْ نغَمْ حَالَ ࢡُلْندُ ندُ مَشُّࢡٜ عَبِمٜلٜکْ نجَࢡْتِ؞ 26عَبِمٜلٜکْ وِعِ: «مِعَنْدَا مٛ وَطِ طُمْ؞ عَنْ بٛو عَيٜشَّايْ يَمْ، مِمٜىٰطَايْ نَنُغٛ طُمْ، سٜيْ حَنْدٜ؞» 27ندٜنْ إِبْرَاهِيمَ حٛوعِ دَمّٛوجِ عٜ نَعِ، حٛکِّ طِ عَبِمٜلٜکْ؞ ࢡٜ طِطٛ ڢُو ࢡٜکَࢡّٛتِرِ عَلْکَوَلْ؞ 28إِبْرَاهِيمَ حٛوعِ بٛرْتِ جٛوٜىٰطِطِ حَا دَمّٛوجِ، دَرْنِ طِ سٜرَ؞ 29عَبِمٜلٜکْ وِعِ إِبْرَاهِيمَ: «طُمٜ بٛرْتِ جٛوٜىٰطِطِ طِعِ، طِ ندَرْنُطَ سٜرَ نغَطَتَ؟» 30عٛجَابِ: «بٛرْتِ جٛوٜىٰطِطِ طِعِ، جَࢡْ طِ دِغَ جُنغٛ عَمْ نغَمْ سٜىٰدَاغٛ نٛ مِنْ وَسِ ࢡُلْندُ ندُعُ؞» 31نغَمْ مَاجُمْ نٛکُّورٜ ندٜعٜ عٜوْنَ بِيرْسَبَ#21:31 بِيرْسَبَ يِطِ وِعْغٛ ࢡُلْندُ-ندُ-جٛوٜىٰطِطِ مَلَّ ࢡُلْندُ-حُنَيٜىٰرٜ؞، نغَمْ ࢡٜ طِطٛ ڢُو ࢡٜکُنِنٛ تٛنْ؞ 32بَنَ نٛنْ ࢡٜکَࢡِّرِ عَلْکَوَلْ حَا بِيرْسَبَ؞ عَبِمٜلٜکْ عُمِّ بٜى ݠِکٛلْ، حٛورٜىٰجٛ حٛنٛوࢡٜ مُوطُمْ، لٛرْتِ حَا لٜسْدِ ڢِلِسْتِعٜنْ؞ 33إِبْرَاهِيمَ جُبِ لٜکِّ عَسْلَحِ حَا بِيرْسَبَ؞ حَا تٛنْ عٛعٜوْنِ عِنْدٜ جَوْمِرَاوٛ، اَللَّه دُومِيطٛ ندٜرْ دٛعَ؞ 34إِبْرَاهِيمَ ڢَࢡِّ ࢩَلْطٜ طُوطّٜ ندٜرْ لٜسْدِ ڢِلِسْتِعٜنْ؞
Currently Selected:
لَاتَانٛوجِ 21: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.