لَاتَانٛوجِ 22
22
جَوْمِرَاوٛ ڢٛونْدِ إِبْرَاهِيمَ
1ࢡَاوٛ کُوجٜ طٜعٜ، اَللَّه ڢٛونْدِ إِبْرَاهِيمَ، وِعِمٛ: «إِبْرَاهِيمَ!» عٛجَابِ: «نَعَمْ؞» 2اَللَّه وِعِ: «حٛوعُ ࢡِيَ بَجّٛ، إِسْحَاقَ مٛ نغِطَّ، يَحْ ندٜرْ لٜسْدِ مٛرِيَ#2 حَبَرُوجِ ࢩَلَاطٜ 3:1؞؞ لِيعَ مٛ تٛنْ بَنَ نغُلٜتٜىٰنغَ دٛوْ حٛوسٜىٰرٜ ندٜ مِتَمِّ تِنْدِنَنغٛ مَ؞» 3إِبْرَاهِيمَ دَوِ شُبْ، دَطِّ وَمْندٜ مُمْ، حٛوعِ سُکَعٜنْ مُمْ طِطٛ عٜ ࢡِيُمْ إِسْحَاقَ؞ عٛسٜىٰکِ لٜطّٜ نغَمْ نغُلٜتٜىٰنغَ، ندٜنْ عٛعُمِّ، عٛدِلِّ حَا نٛکُّورٜ ندٜ اَللَّه وِعْنٛ مٛ؞ 4ࢩَنْدٜ تَتَࢡْرٜ إِبْرَاهِيمَ تِجِّ، عٜىٰوِ نٛکُّورٜ مَاجُمْ دِغَ دَايِيطُمْ؞ 5عٛوِعِ سُکَعٜنْ مَاکٛ: «نجٛوطٜ حَا طٛ بٜى وَمْندٜ؞ عَمَّا مِنْ بٜى دٜرْکٜىٰجٛ مِنْ نجَحَنْ حَا تٛو، مِنْ شُجِدَ، ندٜنْ مِنْ لٛرٛتٛ حَا مٛوطٛنْ؞»
6إِبْرَاهِيمَ حٛوعِ لٜطّٜ نغَمْ نغُلٜتٜىٰنغَ، وَلِّنِ طٜ دٛوْ ࢡِيُمْ إِسْحَاقَ؞ عٛحٛوعِ يِيتٜ بٜى لَࢡِ؞ ࢡٜندِلِّدِ، ࢡٜ طِطٛ ڢُو؞ 7ندٜنْ إِسْحَاقَ وِعِ إِبْرَاهِيمَ، بَابَ مُوطُمْ: «بَابَ!» إِبْرَاهِيمَ جَابِ: «ندَا يَمْ، ࢡِنغٜلْ عَمْ؞» إِسْحَاقَ ࢨَمِ: «ندَا يِيتٜ بٜى لٜطّٜ، عَمَّا تٛيْ جَوْغٜلْ غُلٜتٜىٰنغٜلْ؟» 8إِبْرَاهِيمَ جَابِ: «ࢡِنغٜلْ عَمْ، اَللَّه حِࢡَّنْ طُمْ، حٜࢡَنَنْ حٛورٜ مُمْ جَوْغٜلْ غُلٜتٜىٰنغٜلْ؞» ࢡٜتٛکِّ يَحْدُغٛ، ࢡٜ طِطٛ ڢُو؞
9ندٜ ࢡٜنجٛتِّ نٛکُّورٜ ندٜ اَللَّه وِعْنٛ إِبْرَاهِيمَ، عٛمَحِ حِرْسِرْدٜ، عٛيٛوْنْدِنْدِرِ لٜطّٜ؞ عٛحَࢡِّ ࢡِيِيکٛ إِسْحَاقَ، عٛوَلِّنِمٛ دٛوْ حِرْسِرْدٜ، حَا دٛوْ لٜطّٜ#يَاکُبَ 2:21؞؞ 10ندٜنْ عٛڢٛرْتِ جُنغٛ مَاکٛ، عٛحٛوعِ لَࢡِ نغَمْ عٛحِرْسَ ࢡِيِيکٛ؞ 11عَمَّا مَلَاعِکَاجٛ جَوْمِرَاوٛ عٜوْنِمٛ دِغَ عَسَمَ: «إِبْرَاهِيمَ! إِبْرَاهِيمَ!» عٛجَابِ: «نَعَمْ؞» 12مَلَاعِکَاجٛ وِعِ: «تَا مٜىٰمْ دٜرْکٜىٰجٛ، تَا وَطْ مٛ کٛو طُمٜ! نغَمْ جٛنْتَ مِعَنْدِتِ عَ کُلْطٛ اَللَّه، نغَمْ عَحَطَايْ يَمْ ࢡِطّٛ مَاطَ بَجّٛ؞» 13إِبْرَاهِيمَ ࢡَنغْتِ غِتٜ، يِعِ نجَوْدِرِ مبَالُ ࢡَاوٛ مَاکٛ؞ لُوٜ مَارِ طٛنْ نجٛمِ ندٜرْ وُمْرٜ سُکُّندٜ؞ عٛيٜحِ، عٛحٛوعِ ندِ، عٛلِيعَنِ ندِ اَللَّه نغُلٜتٜىٰندِ حَا مبَتُّدِ ࢡِيِيکٛ#عِبْرَنِنغْکٜعٜنْ 11:17-19؞؞ 14إِبْرَاهِيمَ عِنْدِ نٛکُّورٜ مَنْ جَوْمِرَاوٛ حِࢡَّنْ طُمْ؞ حَا حَنْدٜ طُمْ طٛنْ وِعٜ: «دٛوْ حٛوسٜىٰرٜ جَوْمِرَاوٛ، طُمْ حِࢡّٛتٛ»؞
اَللَّه بَرْکِطِنِ إِبْرَاهِيمَ ࢡَاوٛ ݠٛونْدٛلْ
15مَلَاعِکَاجٛ جَوْمِرَاوٛ عٜوْنِ إِبْرَاهِيمَ ندٜ طِطَوْرٜ دِغَ عَسَمَ، 16وِعِ: «مِطٛنْ حُنٛرٛ حٛورٜ عَمْ – نٛنْ جَوْمِرَاوٛ وِعِ – نغَمْ عَوَطِ طُعُمْ، عَحَطَايْ يَمْ ࢡِطّٛ مَ بَجّٛ، 17ڢَکَتْ مِبَرْکِطِنْتٜ، مِطُطِّنَنْ دَࢩْغٛلْ مَاطَ مَسِنْ، بَنَ کٛودٜ عَسَمَ، بَنَ نجَارٜىٰندِ مَايٛ#عِبْرَنِنغْکٜعٜنْ 11:12؞؞ دَࢩْغٛلْ مَ جَࢡْتَنْ بٜرْنِيجِ کٛنّٜعٜنْ مُوطُمْعٜنْ#عِبْرَنِنغْکٜعٜنْ 6:13-14؞؞ 18دَلِيلَ دَࢩْغٛلْ مَ مِبَرْکِطِنَنْ عُمَّاتٛوجٜ دُنِيَارُ ڢُو، نغَمْ عَطٛوْتَنِ کٛنغٛلْ عَمْ#کُوطٜ نٜلَاࢡٜ 3:25؞؞» 19إِبْرَاهِيمَ لٛرِ حَا سُکَعٜنْ مُوطُمْ، ࢡٜ ڢُو ࢡٜلٛرْتِدِ بِيرْسَبَ؞ إِبْرَاهِيمَ جٛوطِ تٛنْ؞
دَࢩْغٛلْ نَحٛرْ، دٜىٰرْطِرَاوٛ إِبْرَاهِيمَ
20ࢡَاوٛ کُوجٜ طٜعٜ، ࢡٜعَنْدِنِ إِبْرَاهِيمَ: «ندَا، مِلْکَ بٛو دَࢩَنِ دٜىٰرْطَ نَحٛرْ ࢡِࢡّٜ وٛرْࢡٜ: 21عُوسْ، عَڢٛ مَاکٛ عٜ بُسْ، دٜىٰرْطُمْ عٜ کٜمُوٜلْ، بَابَ عَرَمْ 22عٜ کٜسٜتْ عٜ حَسٛ عٜ ݠِلْدَسْ عٜ يِدِلَڢْ عٜ بٜتُعِيلَ؞» 23بٜتُعِيلَ دَࢩِ رٜبٜکَّ؞ نجٛوٜىٰتَتٛ ࢡٜعٜ، نغٛنِ ࢡِࢡّٜ ࢡٜمِلْکَ دَࢩَنِ نَحٛرْ، دٜىٰرْطِرَاوٛ إِبْرَاهِيمَ؞ 24شُلَاطٛ مَاکٛ رٜوْمَ دَࢩِ تٜبَکْ عٜ غَحَمْ عٜ تَحَسْ عٜ مَعَکَ؞
Currently Selected:
لَاتَانٛوجِ 22: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.