لَاتَانٛوجِ 19
19
لُوطُ حِسِ حَلْکٜرٜ سٛدٛمَ
1مَلَاعِکَعٜنْ طِطٛ غٛ نجٛتِّ سٛدٛمَ بٜى کِيکِيطٜ؞ لُوطُ طٛنّٛ جٛوطِ حَا دَمُّغَلْ سٛدٛمَ؞ ندٜ عٛيِعِ ࢡٜ، عٛعُمِّ، عٛيٜحِ ڢٛتّٛيْغٛ بٜى مَࢡّٜ، عٛسُجِدِ، يٜىٰسٛ مَاکٛ حَا لٜسْدِ؞ 2عٛوِعِ: «بَرْکَ مٛوطٛنْ، عُسٜنِ، نجَࢡٜ نَسْتُغٛ سَارٜ مَشُّطٛ مٛوطٛنْ، لٛوتٛنْ کٛسْطٜ مٛوطٛنْ عٜ مبَالٛنْ؞ ڢَجِرِ شُبْ عٛنْ عُمّٛتٛ، ندٜنْ عٛنْ تٛکِّتِنَ لَاوٛلْ مٛوطٛنْ؞» ࢡٜمبِعِ: «عَاعَ، مِنْ مبَالَنْ حَا دَلْدَلْ بٜرْنِوٛلْ؞» 3عَمَّا عٛتٛرِ ࢡٜ طُوطُّمْ، حَا ࢡٜنغَرِ ࢡٜنَسْتِ سَارٜ مَاکٛ؞ عٛوَطَنِ ࢡٜ ࢩَامْدُوجِ عٜ تَمْسٜىٰجٜ طٜ عُڢْنَاکَا، ࢡٜࢩَامِ؞ 4دِغَ ࢡٜشِوَا وَالُغٛ، وٛرْࢡٜ بٜرْنِوٛلْ سٛدٛمَ، دٜرْکٜعٜنْ عٜ نَيٜىٰࢡٜ نغَرِ دِغَ ݠَتُّلٜ ڢُو، تَارِ سَارٜ؞ 5ࢡٜعٜوْنِ لُوطُ، ࢡٜمبِعِمٛ: «تٛيْ وٛرْࢡٜ وَرْࢡٜ حَا مَاطَ جٜمَّارٜ ندٜعٜ؟ وُرْتِنْ ࢡٜ حَا عَمِنْ، حَا مِنْ مبَالْدَ بٜى مَࢡّٜ#رٛمَعٜنْ 1:24-27؞؞» 6لُوطُ وُرْتِ حَا مَࢡّٜ حَا دَمُّغَلْ، عٛمَࢡِّ ݠَرٜوَلْ ࢡَاوٛ مَاکٛ؞ 7عٛوِعِ: «سٛوبَعٜنْ عَمْ، تَا مبَطٜ کَلُّطُمْ طُعُمْ؞ 8ندَا، مِوٛودِ ࢡِࢡّٜ رٜوْࢡٜ طِطٛ، ࢡٜعَنْدَا غٛرْکٛ؞ مِوُرْتِنَنْ ࢡٜ حَا مٛوطٛنْ، عٛنْ مبَطَ ࢡٜ کٛ ڢٛتَّنِ عٛنْ؞ عَمَّا وٛرْࢡٜ ࢡٜعٜ، تَا مبَطٜ ࢡٜ کٛو طُمٜ، نغَمْ ࢡٜنغَرِ حَا عَمْ؞#عَلْکَالِعٜنْ 19:22-24؞» 9ࢡٜمبِعِ: «وٛسْتَ طٛ! عَ جَنَنّٛ مٜىٰرٜ حَا طٛ، عَيِطِ حِيتَاغٛ مِنْ نَ؟ يٛوَّ! مِنْ مبَطٜتٜ کَلُّطُمْ، کٛ ࢡُرَتَ ࢡٜيَ؞» ࢡٜࢡِلِّ لُوطُ، ࢡٜࢡَدِتِ حَا ࢡٜشٛکِّتَ ݠَرٜوَلْ؞ 10عَمَّا مَلَاعِکَعٜنْ طِطٛ غٛ ݠٛرْتِ جُوطٜ مُوطُمْعٜنْ، ࢡٜنَسْتِنِ لُوطُ ندٜرْ سَارٜ، ندٜنْ ࢡٜمَࢡِّ ݠَرٜوَلْ؞ 11ندٜنْ ࢡٜمبُمْنِ وٛنْࢡٜ يَاسِ ڢُو، دِغَ دٜرْکٜعٜنْ حَا ندٛتِّعٜنْ، حَا ࢡٜمبَاوَايْ حٜࢡْتُغٛ دَمُّغَلْ#2 لَامِيࢡٜ 6:18؞؞
12مَلَاعِکَعٜنْ طِطٛ غٛ مبِعِ لُوطُ: «وٛودِ غٛطّٛ مَاطَ حَا طٛ نَ؟ کٛو عٜسِرَاوٛ، کٛو ࢡِࢡّٜ مَاطَ وٛرْࢡٜ عٜ رٜوْࢡٜ، کٛو مٛيٜ ندٜرْ بٜرْنِوٛلْ نغٛعٛلْ، وُرْتِنْ ࢡٜ دِغَ طٛ؞ 13نغَمْ مِنْ نَتِّنَنْ نٛکُّورٜ ندٜعٜ؞ جَوْمِرَاوٛ نَنِ غُلَّالِ طُوطِّ دٛوْ يِمْࢡٜ سٛدٛمَ، نغَمْ مَاجُمْ عٛنٜلِ مِنْ حَلْکُغٛ نغٛ؞» 14لُوطُ وُرْتِ، يٜحِ نغَمْ وٛلْوَنْغٛ عٜسُمْعٜنْ، تَمِّيࢡٜ تٜعُغٛ ࢡِيُمْعٜنْ رٜوْࢡٜ، وِعِ ࢡٜ: «عُمّٜ، نغُرْتٜ نٛکُّورٜ ندٜعٜ، نغَمْ جَوْمِرَاوٛ يِطِ حَلْکُغٛ بٜرْنِوٛلْ نغٛعٛلْ!» عَمَّا عٜسِرَاࢡٜ مَاکٛ ندَارِ بَنَ عٛجَلْنَنْ ࢡٜ نٛنْ؞
15بٜى سُبَحَ، مَلَاعِکَعٜنْ نجَاوْطِنِ لُوطُ، مبِعِ: «عُمَّ، حٛوعُ دٜبّٛ مَاطَ عٜ ࢡِࢡّٜ مَاطَ رٜوْࢡٜ طِطٛ، وٛنْࢡٜ حَا طٛ، نغَمْ تَا کَلْکٛنْ ندٜرْ کِيتَ نغَمْ حَلّٜىٰندٜ بٜرْنِوٛلْ نغٛعٛلْ!» 16ندٜ عٛطٛنْ نٜىٰࢡَ، ࢡٜنَنغِ جُنغٛ مَاکٛ عٜ جُنغٛ دٜبّٛ مَاکٛ عٜ جُوطٜ ࢡِيِيکٛعٜنْ رٜوْࢡٜ، نغَمْ جَوْمِرَاوٛ يِطِ حِسْنُغٛ مٛ#2 ݠِيٜرْ 2:7؞؞ ࢡٜنغُرْتِنِ ࢡٜ، ࢡٜعَشِّ ࢡٜ يَاسِ بٜرْنِوٛلْ؞ 17ندٜ ࢡٜنغُرْتِنِ ࢡٜ، غٛوتٛ مَࢡّٜ وِعِ: «دٛغُّ نغَمْ کِسْنَ يٛنغْکِ مَاطَ، تَا يٜىٰسِتَ، تَا دَرَ ندٜرْ وَادِوٛلْ ڢُو! دٛغُّ حَا حٛوسٜىٰرٜ نغَمْ تَا عَنَتَّ!» 18عَمَّا لُوطُ جَابِ: «نَا نٛنْ، جَوْمِرَاوٛ، طُمْ سَطِ؞ 19ندَا، مَشُّطٛ مَاطَ حٜࢡِ مٛعّٜرٜ يٜىٰسٛ مَاطَ، عَوَطَنِ يَمْ مبٛوطٜىٰنغَ طُوطْنغَ بٜى حِسْنَنغٛ يَمْ يٛنغْکِ عَمْ؞ عَمَّا مِوَاوَتَا دٛغُّغٛ حَا حٛوسٜىٰرٜ، تٜىٰمَ مَسِيبٛ جٛکّٛتٛ يَمْ، مِمَايَ؞ 20ندَا وُرٛ ڢَمَرٛ، ࢡَدِينغٛ بٛو نغَمْ مِدٛغَّ تٛنْ؞ عَشُّ مِسُطٛيَ تٛنْ؞ نَا نغٛ ڢَمَرٛ نَ؟ نغَمْ حَا يٛنغْکِ عَمْ حِسَ!» 21عٛوِعِ: «بٛوطُّمْ، مِمٛعَّنِ مَ طُمْ ڢَحِنْ؞ مِنَتِّنْتَا وُرٛ نغٛ مبٛلْوَنْتَ؞ 22يَاوْطَ سُطٛيَ تٛنْ، نغَمْ مِوَطَتَا کٛو طُمٜ، سٜيْ تٛ عَيٛتَّکٜ تٛنْ؞» نغَمْ مَاجُمْ وُرٛ نغٛ عٜوْنَ شٛعَرْ#19:22 شٛعَرْ يِطِ وِعْغٛ ڢَمْطُغٛ بٜى عِبْرَنِنغْکٜىٰرٜ؞؞
حَلْکٜرٜ سٛدٛمَ عٜ غٛمٛرَّ
23نَانغٜ ڢُطِ، لُوطُ بٛو يٛتِّ شٛعَرْ؞ 24ندٜنْ جَوْمِرَاوٛ تٛࢡْنِ يِيتٜ عٜ بَرُودُ#19:24 بَرُودُ مَلَّ کِبِرِيتَ؞ دِغَ عَسَمَ دٛوْ سٛدٛمَ عٜ غٛمٛرَّ؞ 25عٛحَلْکِ بٜرْنِيجِ طِطِ طِعِ عٜ يِمْࢡٜ وٛنْࢡٜ تٛنْ ڢُو عٜ وَادِوٛلْ بٜى ڢُطْنغٛوجِ مُمْ ڢُو#مَتَّ 10:15؛ 11:23-24؛ لُکَ 10:12؛ 17:29؛ 2 ݠِيٜرْ 2:6؛ يَحُودَ 7؞؞ 26دٜبّٛ لُوطُ يٜىٰسِتِ، لَاتِ دَنغْرَنغَلْ مَنْدَ#لُکَ 17:32؞؞
27إِبْرَاهِيمَ دَوِ شُبْ، يٜحِ حَا نٛکُّورٜ ندٜ عٛدَرِنٛ يٜىٰسٛ جَوْمِرَاوٛ؞ 28عٛلَارِ غَلْ سٛدٛمَ عٜ غٛمٛرَّ عٜ وَادِوٛلْ مَنْ ڢُو؞ عٛيِعِ شُورْطٜ عٜىٰنغِ دِغَ لٜسْدِ بَنَ شُورْطٜ ࢡٛلِنِرْدٜ؞ 29ندٜ اَللَّه نَتِّنِ بٜرْنِيجِ وَادِوٛلْ مَنْ، عٛسِڢْتٛرِ إِبْرَاهِيمَ؞ ندٜ عٛوِلِ بٜرْنِيجِ حَا لُوطُ جٛوطِنٛ، عٛوُرْتِنِ لُوطُ جَمْ؞
ࢡِࢡّٜ لُوطُ رٜوْࢡٜ مبَالْدِ بٜى بَابَ مُوطُمْعٜنْ
30لُوطُ حُلِ جٛوطَاغٛ حَا شٛعَرْ؞ نغَمْ مَاجُمْ عٛوُرْتِ وُرٛ مَنْ، عٛوَعِّ حٛوسٜىٰرٜ، عٛجٛوطِ تٛنْ ندٜرْ لٛوٛلْ، کَنغْکٛ عٜ ࢡِيِيکٛعٜنْ رٜوْࢡٜ طِطٛ؞ 31ندٜنْ عَڢٛ وِعِ مِࢩُمْ: «بَابَ مٜىٰطٜنْ نَيْوِ، وَلَا غٛرْکٛ بٛو ندٜرْ لٜسْدِ مٛ وَرَتَ نَسْتَ حَا مٜىٰطٜنْ ڢٛدّٜ طَبِيَ دُنِيَارُ ڢُو؞ 32وَرْ، نجَرْنٜنْ بَابَ مٜىٰطٜنْ نغُيْکِنٛوجَمْ، ندٜنْ مبَالْدٜنْ بٜى مَاکٛ، نغَمْ کٜࢡٜنْ دَࢩْغٛلْ دِغَ مَاکٛ؞» 33جٜمَّ مَاجُمْ ࢡٜنجَرْنِ بَابَ مَࢡّٜ نغُيْکِنٛوجَمْ؞ عَڢٛ نَسْتِ، وَالْدِ بٜى بَابَ مُمْ؞ بَابَ عَنْدَا ندٜيْ ࢡِيُمْ وَرِ وَالِ عٜ ندٜيْ عٛعُمِّ؞ 34جَنغٛ مَاجُمْ عَڢٛ وِعِ مِࢩُمْ: «ندَا، مِوَالْدِ حَنغْکِ بٜى بَابَ عَمْ؞ سٜيْ عٜنْ نغُيْکِنَ مٛ جٜمَّارٜ ندٜعٜ بٛو؞ ندٜنْ وَالْدُ بٜى مَاکٛ عَنْ بٛو، نغَمْ کٜࢡٜنْ دَࢩْغٛلْ دِغَ بَابَ مٜىٰطٜنْ؞» 35جٜمَّارٜ مَاجُمْ بٛو ࢡٜنجَرْنِ بَابَ مَࢡّٜ نغُيْکِنٛوجَمْ؞ طِطَࢡٛ يٜحِ، وَالْدِ بٜى مَاکٛ؞ بَابَ عَنْدَا ندٜيْ ࢡِيُمْ وَرِ وَالِ عٜ ندٜيْ عٛعُمِّ؞ 36ࢡِࢡّٜ لُوطُ طِطٛ ندٜىٰدِ دِغَ بَابَ مَࢡّٜ؞ 37عَڢٛ دَࢩِ ࢡِطّٛ غٛرْکٛ، عِنْدِ طُمْ مٛعَبْ#19:37 مٛعَبْ يِطِ وِعْغٛ دِغَ-بَابَ-عَمْ؞؞ کَنغْکٛ وٛنِ بَابَ مٛعَبِعٜنْ حَنْدٜ؞ 38طِطَࢡٛ بٛو دَࢩِ ࢡِطّٛ غٛرْکٛ، عِنْدِ طُمْ بٜنْ-عَمِّ#19:38 بٜنْ-عَمِّ يِطِ وِعْغٛ ࢡِي-عُمَّاتٛورٜ-عَمْ؞؞ کَنغْکٛ وٛنِ بَابَ عَمّٛونِعٜنْ حَنْدٜ؞
Currently Selected:
لَاتَانٛوجِ 19: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.