لَاتَانٛوجِ 16
16
دَࢩٜىٰکِ إِسْمَـٰعِيلَ
1سَرَيْ، دٜبّٛ عَبْرَامَ دَࢩَنَايْنٛ مٛ ࢡِنغٜلْ؞ عٛوٛودِنٛ کٛرْطٛ مِصْرَاجٛ، عِنْدٜ مَاکٛ حَجَرَ؞ 2سَرَيْ وِعِ عَبْرَامَ: «ندَا، جَوْمِرَاوٛ حَطِ يَمْ دَࢩُغٛ؞ ندِکَّ عَنَسْتَ حَا کٛرْطٛ عَمْ، تٜىٰمَ مِحٜࢡْمَ ࢡِنغٜلْ بٜى مَاکٛ؞» عَبْرَامَ جَࢡِ کٛنغٛلْ سَرَيْ؞ 3سَرَيْ حٛوعِ کٛرْطٛ مُمْ حَجَرَ، مِصْرَاجٛ، حٛکِّمٛ عَبْرَامَ نغَمْ عٛلَاتٛ شُلَاطٛ مَاکٛ؞ يَاکٜ مَاجُمْ ࢡٜنغَطِ دُوࢡِ سَݠّٛ حَا لٜسْدِ کَنَانَ؞ 4عَبْرَامَ حَوْتِ بٜى حَجَرَ، حَجَرَ رٜىٰدِ؞ ندٜ عٛيِعِ عٛ رٜىٰدُوجٛ، عٛيَوِ سَرَيْ جَوْمِيکٛ؞ 5سَرَيْ وِعِ عَبْرَامَ: «کُودِ طِ ࢡٜکُوطَتَمِّ لٛرٛ دٛوْ مَاطَ! مِنْ حٛکِّ مَ کٛرْطٛ عَمْ، جٛنْتَ ندٜ عٛيِعِ عٛ رٜىٰدُوجٛ، مِلَاتِ جَوَاطٛ حَا غِتٜ مَاکٛ؞ جَوْمِرَاوٛ حِيتٛ حَکُّندٜ عَمْ عٜ مَاطَ!» 6عَبْرَامَ جَابِ سَرَيْ: «ندَا، کٛرْطٛ مَاطَ طٛنْ حَا جُنغٛ مَ، وَطْ مٛ کٛ ڢٛتَّنْتٜ؞» ندٜنْ سَرَيْ يَرْنِ حَجَرَ بٛنٜىٰجِ، حَا عٛدٛغِّ، عٛدَايٛتِرِ بٜى مَاکٛ؞
7مَلَاعِکَاجٛ جَوْمِرَاوٛ تَوِ حَجَرَ کٛمْبِ سٜىٰࢡٛورٜ ندٜرْ لَدّٜ حَمَادَارٜ؞ سٜىٰࢡٛورٜ مَاجُمْ طٛنْ دٛوْ لَاوٛلْ سُرَ؞ 8عٛوِعِ: «حَجَرَ، کٛرْطٛ سَرَيْ، دِغَ تٛيْ عِوْطَا عٜ تٛيْ نجَحَتَا؟» حَجَرَ جَابِ: «مِطٛنْ دٛغَّ جَوْمَمْ سَرَيْ؞» 9مَلَاعِکَاجٛ جَوْمِرَاوٛ وِعِمٛ: «لٛرَ حَا جَوْمَ، لٜىٰسَنْ مٛ؞» 10مَلَاعِکَاجٛ جَوْمِرَاوٛ وِعِمٛ بٛو: «مِطُطِّنَنْ دَࢩْغٛلْ مَاطَ مَسِنْ، نغٛلْ لِمَتَاکٜ نغَمْ طُوطٜىٰنغَ مَاغٛلْ؞» 11مَلَاعِکَاجٛ جَوْمِرَاوٛ وِعِمٛ ڢَحِنْ: «ندَا مَ، عَ رٜىٰدُوجٛ، عَدَࢩَنْ ࢡِطّٛ غٛرْکٛ، عَعِنْدَنْ مٛ إِسْمَـٰعِيلَ#16:11 إِسْمَـٰعِيلَ يِطِ وِعْغٛ اَللَّه-طٛنْ-نَنَ؞، نغَمْ جَوْمِرَاوٛ نَنِ بٛنٜ مَاطَ؞ 12ࢡِطّٛ مَاطَ لَاتٛتٛ بَنَ وَمْندٜ لَدّٜ#16:12 وَمْندٜ لَدّٜ بَنَ وِعْغٛ عٛطٛوْتَنْتَاکٛ کٛو مٛيْ؞؞ عٛحٛنَنْ يِمْࢡٜ ڢُو عٜ يِمْࢡٜ ڢُو بٛو کٛنَنْ مٛ؞ عٛجٛوطٛتٛ ڢٜىٰرٜ مَاکٛ، دَايِيطُمْ بٜى دٜىٰرْطِرَاࢡٜ مَاکٛ؞» 13حَجَرَ ࢨَمِ حٛورٜ مُمْ: مِ غِيطٛ مٛ يِعِ يَمْ نَ؟ کَنْجُمْ عٛعٜوْنِ جَوْمِرَاوٛ بٛلْوَنْطٛ مٛ: «عَنْ وٛنِ اَللَّه غِعَنْطٛ!» 14نغَمْ مَاجُمْ ࢡُلْندُ ندُعُ، حَکُّندٜ کَادٜسْ عٜ بٜرٜتْ، عِنْدَامَ: بٜىٰرْ-لَحَيْ-رٛيْ، وَاتٛ: «ࢡُلْندُ اَللَّه غٜىٰتٛ غِعَنْطٛ يَمْ؞»
15حَجَرَ دَࢩَنِ عَبْرَامَ ࢡِطّٛ غٛرْکٛ؞ عَبْرَامَ عِنْدِ ࢡِيُمْ، مٛ حَجَرَ دَࢩَنِ طُمْ إِسْمَـٰعِيلَ#غَلَاتِيَعٜنْ 4:22؞؞ 16دُوࢡِ عَبْرَامَ مبَطِ شَݠَّنْطٜ جٛوٜىٰتَتِ عٜ جٛوٜىٰغٛ، سَاعِ حَجَرَ دَࢩَنِمٛ إِسْمَـٰعِيلَ (86)؞
Currently Selected:
لَاتَانٛوجِ 16: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.