لَاتَانٛوجِ 15
15
عَلْکَوَلْ اَللَّه بٜى عَبْرَامَ
1ࢡَاوٛ کُوجٜ طٜعٜ، جَوْمِرَاوٛ وَنغَنِ عَبْرَامَ ندٜرْ کٛيْطٛلْ، وِعِمٛ: «تَا حُلْ، عَبْرَامَ، مِنْ وٛنِ وَوَرْدٜ#15:1 وَوَرْدٜ مَلَّ ندَرْغَنَاوَلْ؞ مَاطَ، مِحٛکّٜتٜ مبَرْجَارِ طُوطْندِ!» 2عَبْرَامَ جَابِ: «جَوْمِرَاوٛ اَللَّه عَمْ، طُمٜ ندٛکَّتَ يَمْ؟ دٛنٛووٛ سَارٜ عَمْ بٛو، طُمْ عٜلِعٜزٜرْ مٛ دَمَسْ، غٛوتٛ شَکَ سُکَاࢡٜ عَمْ؞» 3عَبْرَامَ وِعِ ڢَحِنْ: «ندَا، عَحٛکَّايْ يَمْ دَࢩْغٛلْ؞ طُمْ غٛوتٛ ندٜرْ سَارٜ عَمْ، رٛنَتَمِّ؞» 4ندٜنْ جَوْمِرَاوٛ وٛلْوَنِمٛ وٛلْدٜ ندٜعٜ: «نَا کَنغْکٛ رٛنٜتٜ؞ عَمَّا غُرْتٛتٛوطٛ دِغَ مَاطَ رٛنٜتٜ؞» 5ندٜنْ عٛوُرْتِنِ عَبْرَامَ دِغَ ندٜرْ لَيْمَارُ مُوطُمْ، وِعِ طُمْ: «لَارْ عَسَمَ، لِمْ کٛودٜ تٛ عَوَاوَنْ! نٛنْ دَࢩْغٛلْ مَاطَ لَاتٛتٛ#رٛمَعٜنْ 4:18؛ عِبْرَنِنغْکٜعٜنْ 11:12؞؞» 6عَبْرَامَ نُطِّنِ جَوْمِرَاوٛ؞ نغَمْ مَاجُمْ جَوْمِرَاوٛ لِمَنِمٛ طُمْ عَدِلَاکُ#رٛمَعٜنْ 4:3؛ غَلَاتِيَعٜنْ 3:6؛ يَاکُبَ 2:23؞؞
7اَللَّه وِعِ عَبْرَامَ: «مِنْ وٛنِ جَوْمِرَاوٛ، غُرْتِنْطٛ مَ عُرْ ندٜرْ لٜسْدِ کَلْدِيَ، نغَمْ مِمَرْنٜ لٜسْدِ ندِ نغٛنْطَ ندٜرْ مَارِ جٛنْتَ؞» 8عَبْرَامَ وِعِ: «يَا جَوْمِرَاوٛ اَللَّه، نٛيْ عَنْدِرَنْمِ مِمَرَنْ ندِ؟» 9عٛجَابِمٛ: «وَدَّنَمْ وِيغٜ نغٜ دُوࢡِ تَتِ عٜ مبٜىٰوَ نغَ دُوࢡِ تَتِ عٜ نجَوْدِرِ مبَالْدِرِ ندِ دُوࢡِ تَتِ عٜ ݠٛولَ مَسَرْ عٜ ݠٛولٜلْ؞» 10عَبْرَامَ وَدِّ طُمْ ڢُو؞ عٛتَعِ طُمْ شَکَ شَکَ، تِيتْنٛتِرِ تَعٜ مَاجُمْ؞ عَمَّا شٛلِّ کَمْ عٛتَعَايْ؞ 11جِغَاجٜ عُکِّ دٛوْ کُسٜلْ، عَمَّا عَبْرَامَ رِيوِ طٜ؞
12حَا مُتْکِ نَانغٜ، طٛيْنغٛلْ تٜدُّنغٛلْ نَنغِ عَبْرَامَ، کُلْتٛرٜىٰنغٛلْ عٜ ࢩِࢡْرٜ ࢡَلٜىٰرٜ عُکَّنِمٛ#أَيُوبَ 4:13-14؞؞ 13اَللَّه وِعِ عَبْرَامَ: «عَنْدُ ڢَکَتْ دَࢩْغٛلْ مَاطَ جٛوطٛتٛ ندٜرْ لٜسْدِ ندِ نغٛلْ مَرَايْ، نغٛلْ حُووَنَنْ يِمْࢡٜ مَارِ؞ ࢡٜنجَرْنَنْ نغٛلْ بٛنٜ دٜيْدٜيْ دُوࢡِ تٜىٰمٜطّٜ نَيِ#غُرْتَاکِ 1:1-14؛ 12:48؛ کُوطٜ نٜلَاࢡٜ 7:6؛ غَلَاتِيَعٜنْ 3:17؞؞ 14عَمَّا ࢡَاوٛ تٛ مِحِيتَکٜ عُمَّاتٛورٜ ندٜ نغٛلْ حُووَنْتَ طُمْ، نغٛلْ وُرْتِدِتّٛ بٜى جَوْدِ طُوطْندِ#غُرْتَاکِ 12:40-41؛ کُوطٜ نٜلَاࢡٜ 7:7؞؞ 15عَمَّا عَنْ، عَحَوْتٛيَنْ بٜى کَاکِرَاࢡٜ مَاطَ بٜى جَمْ، عَ عُوٜتٜىٰطٛ ࢡَاوٛ ندٛتَّاکُ مبٛوطْنغُ؞ 16حَا يِدٜرٜ نَيَࢡْرٜ، دَࢩْغٛلْ مَاطَ لٛرٛتٛ حَا طٛ، نغَمْ جٛنْتَ حَلّٜىٰندٜ عَمٛورِعٜنْ حٜىٰوْتَايْ تَوٛنْ؞»
17ندٜ نَانغٜ مُتِ، ࢩِࢡْرٜ ࢡَلٜىٰرٜ بٛو وَطِ، ندَا، ڢَيَنْدٜ يِيتٜ سُورَنْدٜ عٜ طٜمْنغَلْ يِيتٜ، سَالِ شَکَ تَعٜ کُسٜلْ غٛ؞ 18ࢩَلَادٜ مَاجُمْ ندٜنْ جَوْمِرَاوٛ حَࢡِّ عَلْکَوَلْ بٜى عَبْرَامَ، عٛوِعِ: «مِحٛکَّنْ دَࢩْغٛلْ مَاطَ لٜسْدِ ندِعِ، دِغَ مَايٛ مِصْرَ حَا مَايٛ مَنغٛ وِعٜتٜىٰنغٛ عٜڢْرَتِسْ#کُوطٜ نٜلَاࢡٜ 7:5؞، 19لٜسْدِ کٜنِعٜنْ عٜ کٜنِزِّعٜنْ عٜ کَدْمٛنِعٜنْ 20عٜ حٜتِعٜنْ عٜ ݠٜرٜزِّعٜنْ عٜ رٜڢَعٜنْ 21عٜ عَمٛورِعٜنْ عٜ کَنَانِعٜنْ عٜ غِرْغَسِعٜنْ عٜ يٜبُسِعٜنْ؞»
Currently Selected:
لَاتَانٛوجِ 15: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.