Popular Bible Verses from João 16

Share

Ea haibuwai eki dasia mã dateama unãnuma hiweshanũ na hãtxa ẽ matu yuishuki. Mai anushũ ea ikũwãbumã matu itxakawariaibũ dateyamashãkãwẽ, ẽ ma hatu maemakĩ binuniwẽ taearã— nuku watã

Hakia txipu Yushĩ Txanima Unãmanika hushũ txanima dasibi matu yusĩkĩ meshtãmashanikiki. Hawẽ xinãnẽ hãtxama hakia ekiri dasibi nĩkatã hawara ishanairi matu shabakabi unãmashanikiki.

Ea ikũwãkĩ taewabianishũ ẽ kenawẽ taeshũ mã Deus yukariamahairaki. Na habiatiã ẽ kenawẽ taeshũ Deus yukakĩ taewarikãwẽ. Haska wakĩ mã yuka matu ashuã mã benimashanaii— iwanã

Hakia ikũkĩ ẽ matu yuiai nĩkakãwẽ. Ẽ matu kashũamakenã, Mekenã Bena matu anu hutirumaki. Hakia kashũ Mekenã Bena matu anu ẽ yunushanaii. Haskawẽ taea ẽ kayarã, maturã, mã pepakũkaĩshanaii. Ha Mekenã Bena hushunã, yurabu mai anuabu shabakabi Deuskiri txakabuwamisbu inũ, habũ Deuskiri txakabuwama pepa wamisbuma inũ, tsuabura Deusũ unãti watã kupishanai hatu unãmashanikiki.

Habiaskariai ikis mã punu nukaki. Hakia ẽ ana huaya mã benimahairaya matũ benima pae tsuã matu mebĩtirubumaki. Habiatiãri ea uĩkĩ mã ea hawa yukama ishanaii. Hakia ẽ Epa Deus mã yuka ewẽ taeshũ matu merabewashanikiki.

ikũkĩ ẽ matu yuiaii. Ẽ mawakẽ ea manui kashai mã huĩti nixmakẽ habũ ea ikũwãbuma benimahairashãkanikiki. Hakia maturã, ẽ mawakẽ matũ huĩti nui henetã mã benimahairashanaii.