Popular Bible Verses from João 15

Share

Earã, ẽ mibã tashu keskaki. Maturã, mã hawẽ mebi keskabuki. Ebe haibunamekĩ bimi itxapaya keskakĩ mã Deus benimawatiruki. Eauma mã hawayatirumahairaki.

Hakia hawẽ tashu anua hawẽ mebi betsa meskea ana haska bimitirumaki. Habiaskari wakĩ ea henebaĩkĩ mã Deus benimawatirumaki. Haskakẽ ẽ matu putama keska wakĩ eari putayamashãkãwẽ.

Hanua maturã, ebe ketashameshũ ẽ hãtxa xinãkĩ unãhairai hakimama txibãkubaĩkĩ hawara bikatsis ikĩ mã Deus yuka matu ashũshanikiki.

Mã ea katuama eã ẽ matu katuniki. Haskawẽ taeshũ ẽ matu yunuaii. Kashũ hatu yusĩkĩ mã bimi itxapa wai keska wakĩ ẽ tsumabu hatu wakĩ hau txĩtũyamanũbũ hatu kuxipa wakubaĩshãkãwẽ. Haska wakĩ ẽ kenayashũ Epa Deus hamapai tibi mã yuka matu ashũshanikiki.

Tsuara hawẽ haibuaibuwẽ nuikĩ abukĩ hatu merabewai mawashunai tsuã haskakĩ ana betsã binutirumaki. Ẽ hãtxa mã txibãkubainai mã ẽ haibuki. Eskaki, ẽ matu yunuairã. Ẽ matuwẽ nuikĩ abumiski. Haska txibãkĩ betsabuwẽ nui abunamekubaĩshãkãwẽ.

Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.

Tsuara hawẽ haibuaibuwẽ nuikĩ abukĩ hatu merabewai mawashunai tsuã haskakĩ ana betsã binutirumaki. Ẽ hãtxa mã txibãkubainai mã ẽ haibuki. Eskaki, ẽ matu yunuairã. Ẽ matuwẽ nuikĩ abumiski. Haska txibãkĩ betsabuwẽ nui abunamekubaĩshãkãwẽ.

Haskai duapanãkĩ Deusũ kuxipa mã hatu kẽwãmairã, bimi itxapayai keskakĩ txanima ẽ tsumabu kayabi shabakabi mã ishãkanaii.

nũ benibaunaibu nuku ana yuikĩ: —Ana betsa matu yusĩnũ nĩkayukãwẽ. Earã, ẽ uva bana nia hawẽ tashu kayabiki. Ẽ Eparã, mibã ibuã mekekĩ meurumiski.

Ea haibuwama ewẽ petxiarã, hawẽ mebi bimiuma meshtetã putaima barĩ shana waxina itxawashũ kua keska wakĩ Deusũ txi anu hatu urẽshanikiki.

Xinã txãkaĩ mã ebe benimahairanũbũ hawẽ benimati hãtxa ẽ matu yuiaii.

Hawẽ hãtxa ẽ txibãyã ea abukĩ ẽ Epã ea putaismaki. Haska keskari wakĩ ẽ yunua hãtxa mã txibãyã matu abukĩ ẽ matu putamari ishanaii.

Na haska ẽ matu yunuai keska wakinã, habũ ea ikũwaĩ betsabube hatuwẽ nui abunamekubaĩshãkãwẽ— iwanã

ana betsa nuku yuikĩ: —Habũ xinaĩ keska mã xinãyã ea ikũwãbumã matu abukeanaii. Hakia ikũwãbuma anua ẽ matu katuni habũ xinaĩ keska mã ana xinãmawẽ taeshũ ea dukũ danãxĩshũ maturi danãriashãkanikiki.